اجازه

الى كل اللي بيشرفني بالزياره
انا في اجازه

اجااااااااازه

اجاااااااااااااااااااااااااااازه يا نااااااااااس

اكيد لي عوده بعد انتهائها

ادعولي ربنا يبارك في الوقت

نورتوني

حلم

معقوله حشوفك تاني

واحضنك واقولك وحشتيني

حشم عطرك من جديد

حشوفك الصبح وانتي صاحيه من نومك

حشوف الضحكه في شفايفك

نشرب سوى الشاي

ونسمع الحكاوي

نتكلم ونحكي

اقول وتسمعي

والليل يدخل علينا

واغني وترقصي

واهمسلك كلمه واحده

وحشتيني

راجعك يا حلمي

راجع لحبيبتي و اسكندريه

خلوها خل

فكره البوست ده جاتلي من عند الاخوه المتمرجحون كنت بدخل هناك كتير اوي عشان اسمع الاغنيه دي

vola vola Palombella

طيري طيري يا عصفوره الاغنيه الجميله

اللي كلنا شفناها من بنوته صغيوره كلها براءه في شكلها وكلامها
حتى حركاتها على المسرح في اواخر التمانينات على ما اعتقد

كانت لسه سنانها واكلهاالسوس و الاسنان الجديده لسه طالعه

منتهى البراءه اللي في الدنيا

قلت ادور على الاغنيه وانزلها عندي

وارحمهم من زياراتي شويه

وابقى ادخل عندهم برضه هههههههههههه

المهم رحت عن اخونا جوجل وسالته وداني على اخوه يوتيوب لقيت الاغنيه فيديو

احمدك يارب

وعشان الفقي لما يسعد لقيت اغنيه تانيه

Vola 2007

اكيد ريمكس قلت ياواد شوف

ويارتني

ما شفت

ولا سمعت

ولا عرفت

الفكره جميله جدا ناس بتسال ياترى البنت اللي غنت

vola vola

فين دلوقتي واخبارها ايه

وبيقولو عليها انها كانت طفله شاطره

وفجاه تظهر الطفله

بس ايه

ما بقتش طفله بقى

ده الفيديو الاصلي اللي اتعمل زماااااااان

وده بعد ما خلوها خل

ليه بيعملو كده بيبوظو حتى ذكريات الطفوله حراااااااااااااااااام

بجد بجد خلتوها خل

ابين زين

البوست اللي فات جالي تعليق اقل ما يقال عنه انه عديم الادب
من شخص اقل ما يقال عنه انه عديم التربيه
انا ما مسحتش التعليق ورديت عليه
واكاد اجزم انه/ها او انهما انا عارفه/ ها او اعرفهما
ولكن ليس من عادتي ان اتهم بلا دليل

بس المره دي لو حصل حمسحه علشان الناس المتربيه
مالهاش ذنب تقرى كلام مش نظيف


نخش بقى على البوست

طبعا انا كنت عملت استطلاع راي على جنب كده في البلوج عن وشوشه الودع ولما قلت وشوشه الودع كنت اقصد قريت الطالع قبل كده باي شكل كان

قراءه الفنجان

وشوشه الودع

فتح المندل

قراءه الكف

وغير ذلك من اساليب معرفه المستقبل

اللي صوتو ( ادلو بصوتهم يعني) مش صرخو ههههههههههههه

عددهم الاجمالي 32

اللي عمره ما وشوش الودع كانوبنسبه 59%

اللي وشوشه كام مره كده كانوبنسبه 18%

اللي بيوشوش الودع كتيركانو بنسبه 18%

اما اللي ميعرفش يعني ايه وشوش الودع كانوبنسبه 12%

كتير منكم اكيد ما اخدش باله من الاستطلاع ده

مش مشكله احنا بس عاوزين نتكلم شويه عن وشوشه الودع وما على شاكلته من الاساليب

اللي الناس بتحاول تعرف بيها المستقبل اللي جاي

طبعا الدين الاسلامي حرم تماما هذا الكلام في الحديث الشريف( من اتى عارافا او كاهنا فصدقه فقد كفر بما انزل على محمد)

لكن كده برضه في ناس مازالت بتلجئ لهؤلاء الدجالين والعرافين والمصيبه ان الموضوع اصبح في متناول الكل بعد وجود محطات فضائيه متخصصه في تلك المواضيع

ومش حقولكو بقى على المهازل اللي بتحصل في البرامج بتاعتها

خييييييييبه ما بعدها خيبه في الاسئله

ولا الاجوبه بقى تسمع اللي بيتكلم او بتتكلم تقول هي/ و بتقرا من كتاب

ايه التمكن دهوايه الثقه دي كلها

مش عارف الموضوع دا شالغلني بقاله فتره بفكر الناس دي ليه بتعمل كده

يمكن عشان قلقانيين من بكره ....او خايفيين من اللي جاي

طبعا حيطلعلي بقى مخلوقات من عينه انعكاس القيم البدنجانيه على الاسقاطات الوهميه في حله الملوخيه ويقولك اصل انت ما تعرفش وانت مش فاهم علم التخاريف اقصد قراءه الطالع ده بيناقشوه من سنين طويله وانت ايش وصلك لمناقشه الموضوع ده

انت بتناقش القضيه بدون تعمق وبتسطحها ووووووو والكثير من الكلام الفارغ اللي مالين بيه مدوناتهم

عموما الموضوع دا اكيد كتير منكم لاحظه زيي فايه رايكم ؟؟؟؟؟؟؟؟؟؟؟

ها وشوشت الودع قبل كده ؟؟؟

شهر رمضان

اللهم بلغنا رمضان

اللهم بلغنا رمضان

اللهم بلغنا رمضان

احبائي البلوجرزاو المدونين

رمضان على الابواب شهر كريم

الخير فيه كتير

عاوزين رمضان مختلف السنه دي يا جماعه

عاوزين بركته تفضل معانا لحد رمضان اللي بعده
عاوزين نشتغل فيه بجد ونشاط

في العباده وفي الخير وفي العمل برضه

نختم القران ياريت اكتر من مره

نتصدق فيه كتيييييييييير

نكرم فيه الغلبان

عاوزين نغير اللي جوانا

عشان حياتنا كلها تتغير

عاوزين نقول ياااااااارب

بنفس صافيه وامل ورجاء في استجابه الدعاء

عارف انه لسه بدري وناس حتقولي يا عم احنا فين ورمضان فين

لا انا حستعير كلمه من الدكتور محمد هدايه ربنا يباركله

قال لازم نفرمل شويه بدري عشان لما يدخل علينا رمضان

نكون مستعدين مهيئين

نقوم نبطل فيه عادتنا السيئه

اللهم بلغنا رمضان

اللهم بلغنا رمضان

اللهم بلغنا رمضان

يا داعي الخير اقبل

ويا داعي الشر ادبر

عاوزين نفتح قلوبنا

ونسمو باروحنا

اللي نفسه في حاجه يدعو ويلح في الدعاء

وعن تجربه شخصيه وبناء على نصيحه الاستاذ عمرو خالد

والله لما نركز على دعاء معين طوال الشهر ان شاء الله

لن ياتي رمضان القادم الا وقد تحققت

ارجووووكم عاوزين رمضان مختلف عن كل سنه

ويارب ربنا يجمع كلمه المسلمين السنه دي على موعد صيام واحد

وموعد عيد واحد

تقبل الله منا ومنكم الطاعات

يا ترى ليه

أعلِّمهُ الرِّماَيَةَ كُلَّ يوَمٍ ... فَلَمَّا اسْتَدَّ ساَعِدُهُ رَمَاني
وَكَمْ عَلَّمْتُهُ نَظْمَ الْقَوَافي ... فَلَمَّا قَال قَافِيَةً هَجَاني
أعلِّمهُ الْفُتُوَّةَ كُلَّ وَقْتٍ ... فَلَمَّا طَرَّ شارِبُهُ جَفَاني

يا ترى محدش سأل نفسه ليه بيحصل كده؟؟؟
ولو حصل كده معك/ي ممكن يكون رد الفعل ايه؟؟؟؟

موقف حصل........ خلاني اسال واتسائل

التاج وسنينه

تالت تاج في عالم التدوين
في اقل من شهرين دا تلات تاج يجيلي
اعمل ايه مش عارف
عموما حجاوب وامري الى الله
مع ان في ناس بطنش التاجات اللي بتروحلها وبتوعد انها تجاوب وتطنش
لكن معلش كل واحد وله ظروفه

أسم مدونتك؟

اسكندريه
لماذا أخترته ..وما هى نيتك من وراء أختياره؟
اخترته لانها مدينتي واعتز بسكندريتي
نيتي اني ابين للناس ايه هي اسكندريه
هل فكرت فى أغلاق مدونتك ؟ولماذا؟

لحد دلوقتي لا واتمنى اني ما اتخذش قرار زي ده
صورتك فى المدونه و رمزيتها؟؟
طفله ضعيره بتضحك
وترمز لبراءه الطفوله وصفاءالقلب
لما دخلت عالم التدوين من الأساس؟

انا قعدت فتره اقرا مدونات وحبيت ادخل العالم ده واعرف ماهيته
واديني لسه في اول خطواتي
جمله قيلت لك فى وصف مدونتك؟

احد الاصدقاء وهو مش مدون قالي بجد بلاقي فيها ريحه اسكندريه
وده اسعدني جدا لانه حقق هدفي اللي عملت المونه عشانه

التعليقات بالنسبه لك ؟واهميتها؟

تواصل مع الاخرين بحس منها الناس بتفكر ازاي
وبتشعر بايه وده في حد ذاته متعه
أحلى بوست كتبته....ضع اللنك ثم أذكر لماذا؟

سؤال صعب ....لكن بجد كل بوست له حلاوته
أفضل بوست قرأته ؟وضع اللنك؟

بلاش اسئله الترشيق دي
كل المدونين اللي بدخل عندهم كتاباتهم بتعجبني
أفضل مدونه قرأتها؟

حعدل السؤال لاحب مدونه لقلبي
هي مدونه جدو
حد قل أدبه فى التعليق أيه رد فعلك؟

هو ما حصلش لحد دلوقتي لكن لو حصل مش حرد عليه
وحسيب التعليق موجود
أسواء مدونه؟

مش حقول اسماء لكن كل المدونات اللي
بتشكك في وجود الله
أسواء بوست أسواء مدونه؟
!!!!!اكيد يعني حيكون في اسوء مدونات
هيحصل أيه لاميلك لما تموت؟؟
حيفضل يستقبل في اميلات لحد ما يوصل للحد الاقصى
للاستيعاب ويسقط ونخلص منه
اديت الباسوورد لحد قبل كده؟

لا اطلاقا ومعتقدش انه حيحصل
كانت أيه طبيعه علاقتك بيه؟

يا جدعان مافيش
أسمك المشهور بيه وسط أصحابك؟
ليه خير في حاجه ولا حاجه
عمرك؟

مش كتير
برجك؟
السرطان
دراستك؟؟مجالك؟؟
الهندسه ومعتقدش حد حيعرف مجال شغلي لانه مكعبل شويتين
شخصيتك نوعها ايه؟
وبعدين بقى!!!! والله اللي حواليا هما اللي يحكمو
السفر بالنسبه لك؟
عذاب
وقت فراغك بتعمل ايه؟
بسترخي
المود بتاعك؟
متقلب حسب الاحوال
الأكله المفضله؟

سمك بوري سنجاري
الصفات التى أخذتها من بابا؟

احترام الاخرين والبشاشه
الصفات التى أخذتها من ماما؟

حب الاسره
أكتر ست حاجات بكرهها؟
الكدب
الخيانه
عدم اداء الامانه
الغش
النفاق
الاستهتار
أكتر ست حاجات بحبها؟
اسكندريه في الشتا
اسمع فيروز
اسمع منير
الهدوء
اقعد امام البحر
اتفرج على البرق في السما
الشغل بالنسبه لك؟

مهم جدا رغم ارهاقه الشدييييييد
الأنترنت بالنسبه لك؟
تواصل وشغل وترفيه

أمرره لمين؟؟اممممممممممممم
يا مراكبي
kalbozza
تم بحمد الله وربنا يكرمو بلاش البتاع ده تاني لانه فعلا متعب اوييييييييييييييييي