شم النسيم

من البوم الذكريااااات

كل شم نسيم وانتم بخير

ترمس صناعه بيتي

رنجه بالطريقه الاسكندراني

فسيخ من زريق الفسخاني في شارع محرم بك

ما اجمل الذكريات
صنعناها

والان

نتذكرها

نحلم يوما

ان نصنعها

من جدييييد

الناس والاماكن

هي: يوووووه هما جابو الاغنيه دي تاني
هو :ايه دي اه بحبك وحشتيني
هي: ايو ه
لحظه صمت
هو : الاغنيه دي بتدوس على زراير الغربه عندي وهيا مش ناقصه
هي: انا ما وحشتنيش اسكندريه
هو: وهو بيولع سيجاره ازاي يعني؟؟؟؟
هي: انا وحشتني الناس اللي فيها بس ومش كلهم كمان
لحظتين تلاته صمت
والاغنيه لسه شغاله
هو: يعني ما وحشكيش شارعنا ولا بيتنا القديم
هي: لا وحشاني الناس بس
هو: ولا حتى شاطئ اكتوبر والتمشيه عليه
هي : بيتهيئلي انت مزودها حبه
صمت
صمت
صمت
خلصت الاغنيه
ولكن لم تنتهي الاسئله
حقيقي ممكن نبطل نحب المكان ؟؟
حقيقي ممكن نبطل نحب الزمان؟؟
حقيقي ممكن نحب ناس مجردين بدون ما نتربط بالاماكن؟؟؟