......!!!! الف ليه

ليه لما بنصحى من النوم الصبح اول حاجه بنفكر فيها

انا مش رايح الشغل النهارده ؟؟؟؟؟؟؟؟؟؟؟؟؟؟؟

ليه لما بنصحى من النوم الصبح اول حاجه بنفكر فيها يا سلام على خمس دقايق نوم زياده كمان؟؟؟؟؟؟؟؟؟؟

ليه لما بنصحى من النوم بقول اه سيجاره وكوبايه نسكا فيه او اسبر سو يا وعدييييييييييييييي؟؟؟

وليه وليه وليه لما بنصحى من النوم الصبح !!!!!!!!!!!!!!!

وليه بنفضل مشتاقين للحبايب

وليه نفضل مشتاقين للعذاب

وليه في اليالي نفتكر اللي غاب

واناجي البحر واقوله

سلملي عليه وقوله

والله قلبي معاه وبفكر فيه

ليه يا ناس ليه

وزيد عليهم الف الف ليه

بحرنا

احلى حاجه في بحرنا انه فعلا

ملوش حدود

بص له............. واسرح

وخلي حلمك في الافق يرمح

بهبه ريح

بلسعه شمس

بيوم غيمه يمطر ......ملح ؟؟

وساعه المغرب تنزل شمسنا تغطس

وبعدها تغمض عنيها

ويبدا النسيم في الهمس

ويوم ما نرجع اكيد اكيد حتفتح بابها

وبالاحضان تلاقينا

وكل الحبايب مستنين اليوم

اللي يرجع ليهم حبيبهم

اللي فيوم سافر

ملحوسه: دامش شعر دي مجرد دردشه

اسبوع ............معقوله

اسبوع مر على عمر هذه المدونه
صدقوني مر بسرعه رهيبه مع ان اليوم في الغربه هنا بسنه والساعه بيوم
لكن النتيجه النهائيه اسبوع
يارب الباقي على خير

زارني في الاسبوع ده ناس مكنتش اعرفهم قبل كده وفرحت جداا جداا بزيارتهم
لكن في عالم المدونات اللي عمري فيه اسبوع مدون وسنه قاريئ
اقدر اقول ان مسير الحي يتلاقى

المنتزه صيف 2005

(حتى لو على صفحات هذا الفضاء الافتراضي(هما مش بيسموه كده برضه

سعدت بزياره من زارني و ترك بصمه
وسعدت بمن قرأ وجري ولا كانه جه

لكن الاهم اني سعدت بزياره زوجتي للمدونه

وفي حاجه مهمه اوي عاوز كلنا نشترك فيها ان ندعو للدكتور محمد بالشفاء العاجل

ربنا يرجعك لينا بالسلامه يا جدو

ياريت اشوفكم كتير لاني محتاج حد معايا ....بجد بجد

مدون من اسبوع

بنحبها ليه ؟؟

سؤال بساله لنفسي انا بحبها ليه

عشان حلوه

عشان روشه

عشان نغشه

عشان قلبها كبير

طب مش انا لوحدي اللي بحبها

عشان ساكنه فيا

طب ناس كتير مش ساكنه فيهم وبرضه بيحبوها

طب ممكن يكون ايه السبب

قولولنا يا جماعه ليه بتحبوها ؟؟؟؟؟

اسكندريه الماريا

شكرا يا مراكبي

المراكبي شرف البلوج يا جماعه
اول واحد من بره الشله يشرفني(قال يعني اللي من جو الشله دخلو ...بالا نيله)

الف شكر ليك يا سيدي الفاضل ويارب نشوفك هنا كتييييييييييييير

ومستغرب ليه اني عامل بلوج كامله لاسكندريه
اصل اسكندريه دي بالنسبه ليا عامله زي الميه والهوا كده ما اقدرش ابعد عنها
وبما اني بعيد هنا جسديا فليس اقل من اني اشوفها كل يوم

تحياتي ليك ونورت البلوج

اللي عاوز يزور المراكبي يا جماعه

http://yamarakby.blogspot.com/

ماتيجو يلا

ماتيجو نتمحك احنا كماااااااااااان


http://www.tama7eek.blogspot.com/

عاملين ايه يا حلوين

صباح الخير يا بلدي
ويا اولاد بلدي
ويا بنات بلدي

طبعا بلدي زمنها ازدحمت اوي بالمصيفييين
من القاهره بقى على اسيوط على قليوبيه
هو اي نعم البلد بتبقى زحمه اوييييييييييييي
لكن بتكم ومطرحكم

وكل سنه وانتو طيبين
وبمناسبه الصيف والمصيفيين شوفو كده الصور دي

برضه كده

يعني انا بعت للكا اقوله اتفضل شرفني محدش دخل

ماتوليش ما انا دخلت طب لما دخلت ما كتبتليش ليه

لا كده ازعل بجد برضه مش حبطل اكتب

ماهو اصل دي سلوتي الوحيده لما برجع من شغلي

يلا سلام دلوقتي واشوفكو

واالي يجي يقولي انه جه يا جماااااعه

النهارده الجمعه

النهارده الجمعه والجو ناااااااااااااااااااار والرطوبه عاليه

بس خلي بالكو انا مش بتكلم عن اسكندريه انا بتكلم عن الدوحه اصلي بعيد عنكو رجعت من 10 ايام للدوحه عشان الشغل

اه صحيح انتو ما تعرفوش انا بشتغل ايه وفين

لا دي قصه طوييييييييييييييييييييله اوي حبقى اقولكم عليها بعدين

انا قلت بس اصبح

يلا سلااااام

متشرفونا شويه

ماتيجو تشرفونا في مصر بلدنا نشرب كوبايتين شاي كشري ونشوف ايه اخبار الدنيا ندردش ونفرفش ايه يرايكم مش

يلا بينا

http://misr.youneed.us/index.htm

اقول ايه

والله يا جماعه مش عارف اقول ايه بس الواحد حاسس ان الدنيا واخداه خالص والطرق بتتشعب من طريق لطريق

ومش عارف اخره اللي الواحد فيه دا ايه

المهم انتو كيف اصبحتم قولولي

يارب تكون الاخبار عندكو احسن من عندنا