عام جديد

عام جديد يدق الابواب


داخلا بلا استئذان


نسال الله ان يجعله عام خير وبركه




جميل جدا ان نستقبل عاما جديدا
و


نودع عام مضى بكل


ما فيه من


الام


واحزان


ومأسي


ونفتح صدورنا واذهاننا


وقلوبنا لعام جديد









فلكم مني كل الامنيات


بالسعاده


والهناء


وتحقيق الاماني والاحلام

تاج على المزاج

كل سنه وانتم طيبين ومحققين احلامكم كلها يارب

امبارح كنت لقيت تاج جميل اوي شدني وهزني جامد عند البنت الشلبيه

وبما انها قالت امرره لكل حد قراه وعجبه

فانا اخدته .....جزاكي الله خير يا شلبيه

(س:ما هي سورتك في القرآن؟ (اي احب سورة إليك تقرأها في فرحك وفى حزنك

سوره يوسف لان الله سبحانه وتعالى قال لحبيبه عنها سنقص عليك احسن القصص

ما هي احب آية إليك التي دائما تتمناها؟

قل يا عبادي الذين أسرفوا على أنفسهم لا تقنطوا من رحمه الله

ما هي اكثر آية تخاف منها وتدعو الله ألا تكون من أصحابها؟

الذين ضل سعيهم في الحياة الدنيا وهم يحسبون انهم يحسنون صنعا

ما هي الآية التي تشعر أنها تتكلم عنك؟

السؤال ده صعب آوي

من احب صحابي واحب صحابية؟

عمر ابن الخطاب رضي الله عنه

سميه أول شهيدة في الإسلام

من احب نبي إليك بعد الحبيب صلى الله عليه وسلم؟

امرنا أن نؤمن بهم ونحب جميعا

إذا كنت على عهد الرسول صلى الله عليه وسلم فمن كنت تحب أن تكون ولماذا؟

زيد ابن حارثه لأنه حصل على اعظم اسم من الممكن أن يحصل عليه بشر زيد ابن محمد

ما هو هو منتداك وموقعك المفضل؟

كل منتدى أو موقع يقدم معلومة صحيحه ومفيده

من هو كاتبك الفضل؟

زمان قريت لأنيس منصور كتير اما الان لايوجد احد بعينه

مدون له فضل عليك واستفدت منه؟

كل مدون ادخل عنده واستفيد من ما يكتب او من مدونته

من هو قارئ القرآن المفضل لديك؟

كثيرين ولكن المرحوم محمد رفعت هو افضلهم على الاطلاق

والشيخ الخياط والشيخ الحذيفي

من هو منشدك المفضل؟

اناا لا استمع للاناشيد كثيرا ولكن اعتقد انه النقشبندي رحمه الله


ما هو نشيدك المفضل؟

اسماء الله الحسنى

اذا كان لك دعوة تدعوها وستتحقق بأذن الله فبماذا تدعو؟

علمك بحالي يغني عن سؤالي يا ارحم الراحمين

من هو الداعية المفضل لديك او شيخك المفضل؟

الدكتور عمر عبد الكافي امد الله في عمره

ما اكثر عبادة تشعرك انك قريب جدا من الله؟
الصيام

من احب افراد عائلتك إليك؟

لا كتييير طبعا

ماهو املك في الحياة؟

أن يرزقني الله حبه وحب من احبه
أمرره

لكل من اعجبه التاج واثر فيه زي ما اعجبني

عيد سعيد

عيدكم سعيد

وكل عام وانتم بخير

اول مره

اول مره استعمل الموفي ميكر

اتمنى انه يعجبكم

هو ملخبط شويه بس قولت اشارككم معايا

ايه رايكم بقى ؟؟؟؟؟؟؟؟

يصل ويسلم

من

الدوحه

الى

الاسكندريه

مع الشوق

سألتك حبيبي

الى كل من تعلم من فيروز كيف يكون الحب

الى من احيت فيروز قلوبهم

الى عشاق الصوت الذهبي

سألتك حبيبي

اعمل ايه ؟؟؟؟؟؟؟

بين شطين وميه

وقع في ايدي فيديو اكثر من رائع

الصوت للعظيم محمد قنديل

والفيديو لاحد عاشقي الاسكندريه

لينك الفيديو فيه تفاصيل اللي صممه

له كل التحيه

اسيبكم مع الفيديو

اليها

لما الشتا يدق البيبان

كل سنه وانتم طيبين
الشتا وصل
والهوا برد
وخاصه بالليل
لون السحاب في السما اختلف
ولو ان لسه مافيش مطر نزل
لكن قريب ان شاء الله

لمن لا يعرف اسكندريه في الشتا

اجمل الف الف مره من الصيف

اروق

اجمل

احلى

اهدى

ابرد

الله عليكي يا اسكندريه

عيد سعيد

كل عام وانتم بخير

تقبل الله منا ومنكم الطاعات

عيد سعيد

تاج بالقطايف

فوجئت بان هناك تاج من قطه الصحراء

طبعا انا بشكرها انها فاكراني ولو اني كنت بتمنى هديه غير التاج

ولكن حنعمل ايه زي ما قال واحد من البلوجريه

التاج علينا حق

يلا بينا

لو قالولك اختار عصر من عصور مصرعلشان تعيش فيه تختار اى ‏عصر و فى عهد اى حاكم واشمعنى؟

العصر من سنه 1900 الى سنه 1950 لاني بحس ان الدنيا كانت في منتهى الهدوء والنظافه والاخلاق

اول ‏اولويه فى حياتك عيلتك ولا شغلك ولا اصحابك؟

عيلتي طبعا ودي عاوزه كلام

ايه اكتر ‏حاجه بتحبها فى رمضان؟

اللمه ساعه الافطار ونكون على البحر بجد شيئ جميل جدا

اول مره اعملها رمضان ده

اوصف ليا ‏اجمل فطار ممكن تفطره

انظر اجابه السؤال اللي فااااات

لو انت ‏حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟

حتحرى العدل قدر الامكان وحب المجموعه ليا هو اللي حيحكم

مين ‏أكتر اعلامي مصري بتحترمه؟

موسى صبري

لو ‏ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه ؟

عالم اثار

ايه تانى بلد تتمنى تعيش فيها بعد ‏مصر؟

المدينه المنوره

اوصف ليا ‏ترتيبات اجمل فرح ممكن تحضره

حدور على احسن حاجه تفرح الناس اللي حتحضره

بتراعي ‏كلام الناس والقيل والقال؟ لو اه او لو لا قول لى ‏ليه؟

انا عايش في مجتمع والمجتمع ده له اعراف ولازم نراعي الاعراف دي

كده جاوبت السؤالين

عاوز قطايفايه بقى

صحيت من النوم ما لقيتش الموبايل ولا الكمبيوتر ولا ‏الكاميرا الديجيتال ولقيتنا ‏رجعنا لعصر الحمام الزاجل والاحصنه هتكون سعيد؟

جداااااااااااااااااااااااااا

الحاجات دي كلها رغم انها وفرت وقت ومجهود بس سلبتنا متع كتييير اوي

السعاده ‏هى؟

راحه البال

عندك أمل ‏؟؟ أسبابك ؟

اكيد و ده لان ايماني بالله لا حدود له

امتى ‏أول مره خدت فيها نفس طويل كده وقلت بينك وبين نفسك يااااه الظاهر انا فعلا ‏كبرت؟

وبعدين في الاسئله المحرجه دي

الشباب شباب القلب ولا مؤاخذه

لما ‏بتعمل عمل خيرى بيكون ايه هو دافعك الاول؟

اني انال رضا رب العالمين

بتشرب ‏سجاير؟ لو الاجابه اه ايه شعورك لو شفت ست بتشرب سجاير؟ وليه

اه بشرب

دي حريه شخصيه

بتعرف ‏ايدك اليمين من الشمال ازاي؟

بسألهم وهما بيقولولي

ايه اكتر ‏اله موسيقيه بتحبها ؟ ؟

الجيتار بس للاسف ماعرفش اعزف عليه

فى رأيك ليه الذوق والنخوه ‏اتعدموا؟

مازال الخير في وفي امتي الى يوم القيامه

صدق الرسول الكريم

ايه ‏الحاجه اللى لو حصلتلك تبقى سعيد قوى؟؟؟

ربنا يحقق لي امنياتي

تختار ‏يبقى عندك...ارض زراعيه ولا اجنس عربيات و لا كام عماره و لا فلوس فى ‏البنك؟؟؟؟

اكيد طبعا التلااااااااااااااااااااااته

البحر و ‏لا النيل؟؟؟

البحر طبعا ودي عاوزه سؤال

مركب و ‏لا طياره؟؟

مركب

مجنون و لا ‏عاقل؟؟

العقل زينه

تقرأ ‏كتاب و لا تتفرج عليه فيلم؟

اقرأ طبعا القرأه متعه افتقدناها كثيييييرا

بتمرر ‏التاج لمين؟؟؟

توته

كلاكيت تاني وتاني

عاليا حليم

بنت القمر

شاكر ليكي يا قطه الصحراء

وما نجلكوش في تاج

يوم النصر

تحيه الى ارواح الشهداء

الى الدماء الذكيه التي بذلت من اجل الكرامه

الى روح الشهيد

محمد انور السادات

صاحب قراري

الحرب

و

السلام

و

تحيه الى من اعاد لنا باقي سيناء بالسلام

تحيه الى القياده السياسيه التي اعادت طابا بالحكمه والعقل

كل عام وجيش مصر بخير وسلام

شوفوها بعيوني

ساعه الفطار

كسرا للعاده

الفطار كان على شط البحر

المنظر رائع

اسكندريه الجميله

ساعه المغرب

في رمضان

ع البحر

لها طعم تاني

بالفعل

اسيبكم مع الصور

سبحان الخلاق المبدع

يا جمالك يا بحرنا

اخر دقايق للنهار

احلى منظر في الوجود

سبحانك يا ربي

اخر جمال

ريحه اليود على البحر

مين يقدر يرسم لوحه زي دي

يا جمالك يا اسكندريه

كنوز البحر

بحبك يا اسكندريه

بحرك

هواكي

شمسك

ناسك

جوله كده في متحف الاحياء المائيه يارب يعجبكو

ديوراما لقاع البحر


بعض انواع المحار

بعض الشعاب المرجانيه

بحر ابيض وبحر احمر

احفورات لبعض الاسماك على الصخور

قاع البحر تاني

اشكال الاسفنج في الاعماق

سبحان الخلاق العظيم

اشكال اخرى للاسفنج

سبحان الخلاق فيما خلق

ملحوسه:الصور شغل ايدي وحياه سيدي

ملحوسه كمااان: في صور كتير بس البلوج سبوت راااشق

وا محمداااااه

انا كنت بجهز لبوست مختلف تماما

وصوره جاهزه

وخلاص على ان بس انشره

جالي تعليق من

انسان

بيقول فيه

دعوه لكل المدونين للاشتراك في اقتراحات لانشاء تدوينه في حب الرسول

للرد على الاهانه باللغتين العربيه والنجليزيه

رحت عند انسان

لقيته عامل بوست اقل ما يقال عنه انه قوي

نسال الله ان يجعله في ميزان حسناته

وبما اني لست مؤهلا للرد باسهاب

او تعدييد لمناقب للحبيب

لكني كمسلم

ارفض

حقي

ومن هنا من عندي في اسكندريه بقول

انا ارفض ان يهان رسولي

انا ارفض ان يهان محمد رسول الاسلام

مش هما في الغرب بينادو بحريه الراي

ماشي

انا برفض

مين حيرفض معايا

انا ارفض ان يهان رسولي

انا ارفض ان يهان محمد رسول الاسلام

تحديث

اصدقائي المدونين والمدونات متابع لتعليقاتكم المميزه المليئه بالتشجيع حتى من غير المسلمين
دمت جميعا بود وحب وجزيتم جميعا خير
مازلنا نطمح الى مشاركاتكم في البلوج المخصص للتعريف بالرسول الكريم

الا رسولي

وحوي يا وحوي

كل عام والجميع بالف خير

النهارده سته رمضان ودا الرمضان الاول لي في اسكندريه منذ فتره

المظاهر الرمضانيه بجد مش حتلاقوها غير في مصر

يعني مثلا

فانوس رمضان

مش حتلاقيه غير في مصر

حتلاقيه موجود في كل بيت

ومش في البيوت بس

لا

دا انتو حتلاقوه في الشوارع

من المظاهر الرمضانيه

الكنافه

دي تحت التجهيز

اممممممممممممممممممم

الله الله

وفي كمان القطايف

اجمل الحلويات الرمضانيه

وكل سنه وانتو طيبييييييييييييين

ورمضان كرييييييم

ملك

بسم الله ماشاء الله

ولاحول ولا قوه الا بالله

ملك الجميل

ما احلى ان تقضي وقتا مع هذا الملك

انها

ملك

ابيها احد اعز اصدقائي ان لم يكن اعزهم على الاطلاق

انها

ملك

امها صديقه صدوقه لزوجتي

اما هي

فلها ابتسامه ساحره

وعيون تظهر فيها براءه الاطفال

عسل ما شاء الله عليها

ملك بالجبنه

ايه رايكم بقى ؟؟؟؟

مش بالذمه تستاهل بوست بحاله عشان عيونها