Sunday, December 12, 2010

جدول النوات

للي ما يعرفش يعني ايه نوه:النوه هي عدد من الايام بيكون فيهم مطر وريح شديد وده طبعا بجانب البرد الممتع الجميل للاسكندريه
الجدول ده عملوه الصيادين زمان بناء على خبراتهم مع البحر والجو وحتلاقو اسماء النوات متسميه باسم الموسم اللي حصلت فيه
او ذكرى لحاجه معينه حصلت
اغلب النوات دي بتيجي في ميعادها بالظبط لكن طبعا احيانا بتخلف في المواعيد
واحيانا ما بيحصلش حاجه في وقت النوه وبكده وبلغه اهل اسكندريه النوه فسدت
كل موسم شتا وانتم جميعا بخير وسعاده
النوات التى تهب على ميناء الإسكندرية

التاريخاسم النوةالمدة باليوماتجاه الريح وقوتهاملاحظات
1/1رأس السنة2غريبة / شمالية غربية 28-33 عقدةممطرة
9/1الفيضة الكبيرة5جنوبية غربية / غربية 28-33 عقدةممطرة
18/1الغطاس5جنوبية غربية / شمالية غربية 28-33 عقدةممطرة
27/1الكرم6شمالية غربية 25-30 عقدةممطرة
3/2باقي الكرم7شمالية غربية 28-33 عقدةممطرة
14/2الشمس الصغيرة2شمالية غربية 28-33 عقدةممطرة
4/3السلوم3شمالية غربية 28-33 عقدةممطرة أحيانا
8/3الحسوم6شمالية غربية / شمالية شرقية 28-33 عقدةممطرة أحيانا
14/3باقي الحسوم2شمالية غربية 28-33 عقدةممطرة أحيانا
22/3الشمس الكبيرة3غربية / شمالية 28-33 عقدةممطرة أحيانا
29/3العوة3شمالية غربية 28-33 عقدةممطرة أحيانا
2/4باقي العوة2شمالية غربية 28-33 عقدةممطرة أحيانا
20/11المكنسة4شمالية شرقية / شمالية غربية 28-30 عقدةممطرة
26/11باقي المكنسة2شمالية شرقية / شمالية غربية 18-25 عقدةممطرة
4/12قاسم4جنوبية غربية / شمالية غربية 18-30 عقدةممطرة
10/12باقي قاسم2شمالية غربية / شمالية غربية 25-30 عقدةممطرة
13/12الفيضة الصغيرة2شمالية غربية 25-30 عقدةممطرة
21/12باقي الفيضة الصغيرة2جنوبية غربية / شمالية غربية 25-30 عقدةممطرة
31/12عيد الميلاد2شمالية غربية 25-30 عقدةممطرة

ملحوسه : العقده تساوي 1.15كم\ساعه

107 comments:

Doaa Ebrahim Aaql said...

اول تعليييييييييييق
أنا مش مصدق نفسى

إزيك يا جميل
يارب تكون بخير

وميرسى أوووى
على المعلومات الجميلة دى
أنا فعلا مكنتش اعرف
كل معلوماتى عنها
أنها فترة بيكون فيها
عواصف

بس بجد ميرسى أووووى
عشان خليتنى اعرف بالتفصيل


سلامى ليك

Unknown said...

و الله انت عملت فايدة كبيرى للى للسة اول شتا ليهم فى اسكندرية
بس تعرف المشى فى الشوارع هناك فى النوات و المطر الجامد على كوبرى استانلى كده بالنسبة لى حاجة كده خيالية حلم يعنى لحظة اسطورية ماتتعوضش و بعدها نخدوا مضاد حيوى

اسكندراني اوي said...

princess dodo
اهلا بيكي اول تعليق واخر تعليق وطول ما البلوج مفتوح
هههههههههههه

الحمد لله اني قدرت اضيف ليكي معلومه جديده
كل سنه وانتي بخير
والشتا عندنا حلو اوي شرفونا تجدو ما يسركو

اسكندراني اوي said...

عاليا حليم

اه من جمال اسكندريه في الشتا
والمشي على البحر
ربنا ما يجيب مضادات حيويه
ليه بس كده
شرفتيني بالزياره

Unknown said...

ههههههه
طيب انا هلحق اغطى الكمبيوتر قبل ما ياخد برد
سقعتنا يا جدع
بس والله حلوه انت جبت الجدول ده منين

فى القلب said...

طب و النوه بيبقى شكلها حلو كده زى المطر و بتكون ممتعه زيه

و لا مرعبه و مخيفه يعنى

و بعدين شكرا يا سيدى على الجدول الجميل أوى المفيد جدا

بنت القمر said...

اشكرك بجد
الجدول دا اسمع عنه الناس بتبقا حافظاه شفوي بس
حلو انه يكون مكتوب
بس غريبه مفيش نوات قبل يناير امال مطر امبارح الجمعه دا ايه؟؟
مقلب
عموما ولو ان البوست للاسكندرانيه بس لكن يستحق تشريف ماي ريدر

سهر الليالى said...

كل سنه وانت طيب يا اسكندرانى يا جميل

بصراحة انا جاية مخصوص اقولك كل سنه وانت طيب بعد الشتا بتاع امبارح ومش هقول (مطرة) ها فاهمنى طبعا
:D

المهم جيت لاقيتك عامل شغل جامد وبتاع بس اكيد برضو فى الاول وفى الاخر دى كلها حاجات بتاعت ربنا الا انها اتكررت

المهم انا جيت اقولك كل شتا وانت بخير
تحياتى يا جميل

مدحت محمد said...

ميرسى ليك ياباشا على المعلومات الجميلة دى
انا والله كنت ناوى اجيلكم الشهر ده اسكندرية
بس النصيب
بقى
انا كنت عندمكم فى اخر خمسة
بس للاسف
كان الجو عادى
مش بارد
انا هموت واجى اسكندرية فى الشتا
لانى بعشق الشتا جدا
تحياتى ليك ياباشا

البنت الشلبية said...

انا بسمع عن النوات دى من زمان
لكن عمرى ما حضرت واحدة
عامة الشتا فى اى مكان ساحلى بيكون مذهل وروعة

على فكرة انا مبسوطة اوى انك بتكتبلنا عن اسكندرية فى حاجات كتير
بتحسسنى انى عايشة فى اسكندرية
====
فى انتظار البوست القادم
سلام

اسكندراني اوي said...

لماضة
ايوه لحسن لو خد برد حيكح وحتديله ميكوسول وحتبقى حوووووسه

تعالي شوفي السقعه عندنا باليل شكلها ايه

نورتيني

اسكندراني اوي said...

فى القلب
اه بيبقى شكلها جميييييل اوي
بزعبيبها وهواها وبرده وشتاها

شرفينا تجدي ما يسقعكم
هههههههههههههه

دمتي بخير

اسكندراني اوي said...

بنت القمر
العفو يا ستي لاشكر على وااااااجب

مين قال ان مافيش نوات قبل يناير اقري الجدول كويس حتلاقي اول نوه المكنسه في عشرين نوفمبر

مطر امبارح الجمعه ده كان كده من عند الله
بقالها كتييير ما شتيتش بدري كده


دا انا اللي البوست ده يتشرف بدخوله الريدر عندك

تحياتي يا بنت بلدي

اسكندراني اوي said...

سهر الليالى
وانتي طيبه وبصحه وبسعاده
وكل شتوايه وانتي بخير

ايوه حنقولو شتا مش مطر
وش بيضحك

اسكندراني اوي said...

doha
اخر خمسه يا راااااجل حتجيب برد ومطر منين بس
عموما الف اهلا وسهلا بيك في اي وقت
تحياتي وجل احترامي

اسكندراني اوي said...

البنت الشلبية
الف اهلا وسهلا بيكي

كل السواحل كوووم واسكندريه كوم تاني
معلش حته استئثار في حب اسكندريه
ههههههههههههههههههههههه

نورتنيني وشرفتيني

كلاكيت تانى وتانى said...

تعرف يا اسكندرانى انت بتضغط على وتر حساس دايما عندى وكل مابسمع كلمة نوة بكون هتجنن عشان اروح اسكندرية واشوف النوة هناك الامطار الغزيرة والهوا الشديد وفية نوات بيبقى الجو دافى جدا والهوا والمطر على أشدة
ياجمالك يا أسكندرية بحبك موووووووووووووووت
مبروك الموسيقى على المدونة اختيار موفق لمدونة رائعة لأنسان أكثر من رائع

mohand said...

السلام عليكم

وانت بالصحة والسلامه يا رب

Esmat said...

جميل الجدول اوى
انا بعد إذنك
حعمل منه كوبى وأشيله عندى
مشكور جدا عليه
ماما بتقول إنها شتت عندكم إنهارده
كل سنة وأنت طيب
و يارب تكون نوات خير على الجميع
و بارك الله لنا فى إسكندرية

اسكندراني اوي said...

كلاكيت تانى وتانى

سيدتي اعتذر ان كنت قد اثرت عندك بعض الشجن
ولكن حبا في اللي مجناااااني حعمل ايه

كان نفسي تحضري شتوايه بعد الصلاه امبارح
وكذلك شتوايه الفجر اليوم السبت
كانت اكثر من رائعه
كان الله في عونك في غربتك
واعاننا الله جميعا على الغربه

لكي كل التحيه
دمتي بخير

اسكندراني اوي said...

mohand

العزيز جدا جدا مهند
الف اهلا وسهلا بيك
وانت بخير وسعاده يارب
تشرفت بتعليقك

اسكندراني اوي said...

Esmat
اهلا وسهلا بيكي يا ستي
طبعا اعملي كوبي واتنين وتلاته تحت امرك البلوج كله

اه والدتك على حق شتيت مرتين مره ساعه صلاه الجمعه ومره فجر السبت بس دي كانت شديده حبتين
بس يا خساره بدون برق ورعد
وش زعلان


كل سنه وانتي والاسره بخير
وامطار خير وبركه ان شاء الله

دمتي بخير

اسكندراني اوي said...

كلاكيت تانى وتانى

اشكرك على الاطراء
والحمد لله ان المسيقى عجبتك ويارب يكرمك على الكلمتين الحلوين دول

وش مكسوووووف

Anonymous said...

ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

loumi said...

العزيز أسكندراني قوي

أشكرك على المعلومه

من واقع الجدول إحنا كده

داخلين على المكنسه

وياقي المكنسه؟؟

:):):)

تحياتي
يا خاااااااااال

rainbow said...

اسكندرانى
كل سنة وانت طيب ومحقق اجمل واعمق احلامك
وربنا يسعدك ويكون عندك نوات سعادة فى نفس المواعيد وزيادة

عميق تحياتى
هدى

http://kasperb4.blogspot.com/ said...

جميل اوي وكل سنة وانتو طيبين

بس سؤال بعيد شوية معلش
ازاي عملت الجدول ده على البوست؟
لن واضح انه مش صورة
!

:)

سها السباعي said...

شكرا على المعلومة
يعني ما نجيش اسكندرية في المواعيد جي؟
لو يسيبوني اجي ولا يهمني

تحياتي

islam said...

اسكندرانى
السلام عليكم ورحمة الله وبركاته

أنا من عشاق إسكندية ، ومن منا ليس كذلك ؟
ومن زمان وأنا نفسى أعرف فعلا معنى النوة ، ورغم وجود أصدقاء لى كانوا فى إسكندرية ، إلا أن الحديث لم يكن يساعدنا كثيرا على التطرق لذلك الأمر

أنا إن شاء الله رايح إسكندرية الأسبوع الجاى
يا ترى فى نوات ؟

السلام عليكم ورحمة الله وبركاته

islam said...

اسكندرانى
السلام عليكم ورحمة الله وبركاته
أنت مدعو لمشاركتنا فى مدونة الإتحاد العالمى للمدونين
World United Bloggers (WUB)

هدف هذه المدونة هى أن نثبت للعام من خلالها أن الإختلاف فى اللغة ، والدين ، والعرق ، والجنسية لا يعد دافعا لأن يكره بعضنا بعضا ، وأن بإمكاننا أن نجعل هذا العالم افضل لو اننا عبرنا عن أراءنا مع إحترام آراء الأخرين

فى حال موافقتك على المشاركة معنا رجاءا أرسل ميلا يتضمن افسم الحركى الخا بك (النيك نيم) ، وعمرك ، وإسم دولتك ، واللينك الخاص بمدونتك إلى هذا الميل know_how_2love@yahoo.com وسيتم إرسال رسالة التفعيل لك وبموجبها تصبح أحد اعضاء الإتحاد العالمى للمدونين (WUB) ، وكأحد المشاركين سيتم تحديث إسمك على المدونة بشكل ألى ، رجاءا إقرأ قواعد المشاركة والنشر فى الإتحاد قبل أن تبدأ فى التدوين .. وستجد هناك أهداف الإتحاد يمكنك قراءتها كذلك.

تحياتى لك
إسلام
وسيط الشرق الأوسط عن الإتحاد
www.worldub. blogspot. com

اسكندراني اوي said...

وينكى
طبعا ممكن تحت امرك بس ما قولتليش رايك في النوات

اسف انا مش حقدر اجي للاسف معلش

اسكندراني اوي said...

loumi

اهلين عمووووووووووو كيفك

اه يا ستي داخلين على المكنسه
وبواقيهاولو ان المطر السنه دي بدأ بدري

تحياتي ونورتيني

اسكندراني اوي said...

rainbow

الف اهلا وسهلا بيكي

اشكرك على الدعوات ولكي مثلها ومثلها ومثلها

دمتي بخير

اسكندراني اوي said...

آلام وآمال
اهلا وسهلا
وانتم بالصحه والسلامه

لا فعلا الجدول مش صوره
لكنه معمول على على الوورد ومتاخد كوبي وبيست

بس

اسكندراني اوي said...

سها
لا طبعا الف اهلا وسهلا بيكي

خليهم يسيبوكي وتعالي مش حتندمي

هههههههههههههههههه

نورتيني

اسكندراني اوي said...

islam
الف اهلا وسهلا تنور وتأنس
في نوات ما تقلقش الاسبوع الجاي توقعات الجو بتقول ممطر

اما من ناحيه دعوتك حدخل الاول اشوف الشروط واعرف اذا كنت استحق ان اشترك معاكم ولا لا

ولو حصل انا طبعا اكون شاكر لهذا الشرف

تحياتي

Anonymous said...

انا فاكره ايام ماكان عندى مؤتمر فى اسكندريه السنه اللى فاتت..قعدت فى اسكندريه اسبوعين كاملين كلهم نوات
والتلج نزل علينا
انا مش هاعلق على البوست..انا هاقول انى بحب جو اسكندريه صيف شتا مش فارقه معايا

بيتنا القديم said...

"البرد الممتع الجميل....."

انت غريب بجد....!!

خلي بالك من نوة الحكومة عشان بردها

ابرد من موس الحلاقين..!!

اسكندراني اوي said...

وينكى

دا انا محظوظ جدا لانك علقتي عندي مرتين
اكيد طالما شفتي اسكندريه في الشتا يبقى لازم تكوني حبتيها

الف اهلا وسهلا بيكي صيفا وشتاء

اسكندراني اوي said...

بيتنا القديم
وما الغريب في حبي للبرد
شعور جميل بالصفاء والهدوء مع البرد والمطر
لا اجد غرابه في هذا يا صديقي

لك كل التحيه

كائن نورانى said...

شكرن على المعلومات الجامده

يا بختكم باسكندرية فى كل احوالها


مدونة لذيذة

تحياتى

الصقر الجارح said...
This comment has been removed by the author.
الصقر الجارح said...

ايه دا كله

ربنا يكون فى عونكم
تحياتى

اسكندراني اوي said...

كائن نورانى

اهلا وسهلا اشكرك على الزياره

وبجد والله اسكندريه فعلا حلوه في الصيف وفي الشتا

اسكندراني اوي said...

الصقر الجارح

كان الله في عون الجميع بس ليه ؟؟

دي النوات دي بتخلي اسكندريه جميله اويييييييييييييييي

تحياتي

islam yusuf said...

شكرا على امعلومات الجميلة دى

ammola said...

والله حضرتك انا ماليش فى حكاية النوات دى
انا اللى اعرفه ان الدنيا تشتى اقوم البس وانزل على طول

اسكندراني اوي said...

islam yousef

العفو يا فندم
شرفتني بالزياره

اسكندراني اوي said...

ammola

والله حضرتك ومين سمعك انا ا شوف الشتا اجري على البلكونه اتفرج يا البس وانزل اتفرج في الشارع
ههههههههههههههههه

نورتيني

smraa alnil said...

انت قلبتها نشرة اخبار جوية كدة ليه

انا اعرف النوه

بس طبعا مش اعرف مواعيدها

منك نستفيد باي حاجة بقي

اسكندراني اوي said...

smraa alnil

مش معقول ايه الشرف العظيم ده اللي اوليتيه لمدونتي

والله انا مبسوط انك عرفتي حاجه جديده

واهو كله بثوابه
هههههههههههههههه
دمتي بخير

نهر الحب said...

ازيك

ايه الاخبار يا رب تكونوا بخير

متشكرين علي المعلومات الحلوه دي اسكدنريه رائعه في الشتاء واهلا بالزوار الخفاف

اسكندراني اوي said...

نهر الحب

انا كويس انتي عامله ايه
احلى حاجه انك بتحبي اسكندريه صيف شتا
لا يا ستي تشرفي في اي وقت

إيمان الحسيني said...

نفسي أزور إسكندرية في الشتا
:(

سابرينا said...

طول عمري بجد نفسي أعرفهم!
هم وأسماء الشهور بالقبطي!
شكرررررررررا!

الفراشة الصغيرة said...

اولا شكرا على الجدول
ثانيا عايزة اقول للى مزرش اسكندرية فى الشتا
انها اجمل اواقات ممكن تقضيها فى اسكندرية فى الشتا على البحر
وانت بتاكل ايس كريم
ياااااااه على جمال البحر وهو غضبان وموجه عالى والدنيا تمطر
وتلاقى فى وسط السما قوس قزح
بجد بيبقى منظر رائع

اسكندراني اوي said...

طـعـمـة
الف اهلا وسهلا بيكي تنوري مش حتندمي صدقيني

اسكندراني اوي said...

sabrina
طب الحمد لله حلينا نص المشكله
الشهور القبطيه عندي على فايل وورد لو تحبي ابعتهملك

نورتيني

اسكندراني اوي said...

الفراشة الصغيرة
العفو يا ستي

باين عليكي من عشاق الشتا زي حالاتي

اللي بتقوليه ده هو بالفعل قمه المتتتتتتتتتتتتتتتتتتتتتتتتعه


تحياتي

اسكندراني اوي said...

الفراشة الصغيرة
العفو يا ستي

باين عليكي من عشاق الشتا زي حالاتي

اللي بتقوليه ده هو بالفعل قمه المتتتتتتتتتتتتتتتتتتتتتتتتعه


تحياتي

http://kasperb4.blogspot.com/ said...

شكرا على ردك يا باشا
بس فعلا كان لافت نظري حكاية الجدول دي

كل سنة وانت طيب بقى

Anonymous said...

ازيك يا اسكندرانى
ايه الجدول الحلو دا

كل نوة وانت طيب يا اسكندارنى

==================

شوفتك سائل عليا عند مدونة ممكن

قولت اجى اطمنك بنفسى

انا الحمد لله كويسة جدا

بس ظروف اضطرتنى اقفل المدونة

بس انا معاكم اهو بالتعليقات

انا مقدرش استغنى عنكم

:)

تحياتى

اسكندراني اوي said...

حـــدوتـــة
وانتي طيبه وبالصحه والسلامه

طبعا لن اناقشك قرارك لانه قرارك
ولكن ياريت تطمنينا عليكي باستمراااار

لكي التحيه

اسكندراني اوي said...

آلام وآمال

الف اهلا وسهلا بيك يا باشا

العفو يا عمنا على ايه بس انا دايما تحت امرك

عــلاء ســالـــم said...

السلام عليكم

معلوملت جميله فعلاً
انا طول عمري بأسمع الأسماء دي بس ماكنتش أعرف أصلها إيه غير إن ليها علاقة بفصل الشتاء

koukawy said...

كويس انا بحب اروح اسكندريه في النوات

قطوف said...

تشكر يا معلم
ممكن يا باشا
بعد اذن سيادتك
انسخ الجدول دا

Desert cat said...

كنت بموت فى مسلسل
ما زال النيل يجرى
وزيزنيا وحاليا فريسكا
وكل لما اتفرج على فريسكا افتكرك واحسدك
ما تيجى نبدل

يا مراكبي said...

إنت كده تبقى بمبوطي أصيل .. صح بمبوطي دي؟

اسكندراني اوي said...

alaa salim
الف اهلا وسهلا بيك

الحمد لله ان المعلومه كانت ذات قيمه بالنسبه ليك
ادي يا سيدي جدول نوات الشتا بالكامل

لك الف تحيه

اسكندراني اوي said...

koukawy
اهلاااااااااااااااا

انتي فين من زمان
احلى جو لاسكندريه في الشتا

تنوري

اسكندراني اوي said...

سى السيد

يا باشا العفو

والبلوج كله تحت امرك
انسخ اللي يعجبك

تحت امرك يا برنس
نورتني

اسكندراني اوي said...

Desert cat
هههههههههههههههههههههههههه

نبدل ايه المدن
يا رييييييييييت

انا معرفش غير اني اكون اسكندراني واوي كمان

هههههههههههه

نورتيني

اسكندراني اوي said...

يا مراكبي

اهلا يا هندسه

لا يا مراكبي
اسمه مانبوطي
واصل الكلمه

man boat

واتحرفت طبعا لمانبوطي

بس برضه نمشيها بمبوطي
عشان خاطر عيون المراكبي

زُمُرده said...

السلام عليكم
طبعا مفيش احلى من النوات
يمكن ناس متحبهاش بس انا بموت فيها
بتديك احساس جميل وانتعاش
وقوه وتحسسك بضعفك وعظمه الله
ويا سلام لو قررت تتمشى على البحر وقتها
وتتفرج على الموج واندفاعه
وتشوف لهفته وهو بيجري
ياسلام
جميل جدا بوستك
انا مكنتش اعرف اوي اوقاتها
واخيرا بقى عندي مصدر موثوق منه
شكراااااا

Hoda said...

انا بمسى اجدع تماسى احسن تماسى احسن تقولوا ان انا ناااااسى معلشى بقى القافيه حكمت بس انا من عشاق اسكندريه واهل اسكندريه والمصراويه كمان علشان ما حدش يزعل نشكرك جدا على المعلومات المفيده دى وربنا يجعلها فى ميزان حسناتك امين انا اول مره اعلق عندك وانشاء الله ما تكونشى الاخيره وارجو زيارتى فى مدونتى المتواضعه لان رأيكم يهمنى جدا
خالص تحياتى

اسكندراني اوي said...

زُمُرده
الف اهلا وسهلا بيكي
اه مين اللي ما بيحبش النوات والمطر والزعابييييييب

اشكرك على اطرائك

والف اهلا وسهلا بيكي

اسكندراني اوي said...

haneen

اهلا وسهلا والفين مرحبا

اكيد القافيه لما تحكم ما حدش يقدرلها
الحمد لله ان المعلومات كانت مفيده

اكيد حروح وازورك واحط البلوج في الريدر كمان

تحياتي

Lemonada said...

ههههههههههههههههه
ملحوسة
هههههههههههههههه
الي لاحس عقلك يا اسكندراني
هههههههههههههه
معلش نرجع للموضوع
فعلا دة علم بحد ذات
ما شاء الله عليك
معلم واسكندراني قوي بجد مش بس كلام
تحياتي :)

يا مراكبي said...

طب والله أول مرة أعرف

تصدق بقى إني أنا كده عرفت معلومة جديدة بالصدفة منك

متشكر جدا

اسكندراني اوي said...

Lemonada

اهلين يا منعشه ازيك

اللي واخد عقلي يتهنا بيه
هههههههههههههههههههههههههه

امال العلم في الراس مش في الكرااااااس

نورتيني

ملحوسه بجد: يا بختك بحفل الست فيروز

اسكندراني اوي said...

يا مراكبي

تلامذتك يا هندسه
والحمد لله ان المعلومه الجديده جت فيك انت
ههههههههههههههههههه

بجد سعيد بتشريفك

محمد على ..هي كده said...

انا اول مرة ادخل على مدونتك جميله حقيقى

تسلم ايدك

safa7_karmooz said...

هييييييييييييييييه

كويس بقى عشان مش اجيلكم بالمركب بتاعتى

واجى بالعربية

:p

shreen said...

يا اسكندرانى اوى
يا جميل
انت مش هتصدق انا فرحانه قد ايه
انا قلتلك قبل كده انى ما باجيش اسكندريه الا فى مواسم النوات
وعندى الجدول بتاعها
ان شاء الله هاسافر فى نوة عيد الميلاد
انت الجدول بتاعك مختلف شويه عن اللى عندى

نوه عيد الميلاد عندى يوم 25
طبعا بسبب الجدول بتاعك انا هتحجج واسافر يوم 20 علشان احضر نوة 21
من اولها
ويا محلى نوات الاسكندريه

O S A M A said...

تسلم اسكندرانى

انا كمان مش كنت اعرف اى حاجه عن النوه غير انها فترة عواصف

شكرا على المعلومات الجميله دى

بس تعرف زمان لما كان بيبقي فيه مسلسل بتدور احداثه في اسكندريه وبيجبوا النوه كان بيبقي نفسي ابقي هناك واعيش الجو دا

حاسه حلوووو اووووى

تحياتى ياصديقي

max.adams said...

بصراحة أنا ماكنتش أعرف النوات دي أصلا بس دلوقتي عرفت حاجه جديده شكرا يا اسكندراني

اسكندراني اوي said...

محمد على ..هي كده

الف اهلا وسهلا وميت ملووووون مرحب

اسكندراني اوي said...

safa7_karmooz

يا عم بس انت تعالى حتى لو بالحنطوووور
انت تنور

اسكندراني اوي said...

shreen

يا الف اهلا وسهلا بيكي
والله الجدول دا بعد التعديلات
والواضح انه مظبوووط
لان الجو هنا بدا يقلب هواء شديد ومطر

نوه المكنسه بقى

تنوري اسكندريه

اسكندراني اوي said...

O S A M A

الف اهلا بيك يا سمسم

نورت البلوج ونورت الدنيا كلها والحمد لله ان المعلومات كانت مفيده

نورتني

اسكندراني اوي said...

max.adamsعفوا يا جميل
الحمد لله ان المعلومه كانت مفيده


تحياتي

Hannoda said...

أنا جاية متأخر قوي
بس أنا شايفاها من زمااااان جدا
وبجد آسفة ع التأخير

معلومات حلوة جدا و بجد كنت محتجة أعرفها

كا شتا و انتطيب ولو هنا في قطر ما فيش أي بوادر شتوية
:)

تحياتي

Iskanderani said...

كل نوة وحضرتك طيب
وكل شتواية وكل اهل الاسكندرية طيبيين

تحيات إسكندراني في بلاد الله الواسعة

اسكندراني اوي said...

Hannoda
اهلا بيكي في اي وقت تشرفي

ادينا رايحين قطر وحنشوف في مطر ولا لأ
ههههههههههههه

اسكندراني اوي said...

Iskanderani

ابو اسكندر انت فينك يا جميييييييييييل

كل سنه وكلنا طيبين وكل شتوايه واحنا بخير

koukawy said...

عملتوا ايه في نوة المكنسه كان نفسي اكون عندكوا
يللا عقبال التكمله بكره

Hannoda said...

ايه ده ؟؟

حاتشرفونا قريب؟؟

طيب قوا امتى و إحنا نبعتلكوا الجالية المصرية كلها لانتظاركوا في المطار
ههههههههههه

senduony said...

عجبتنى اوى المدونه دى
ودائما يارب بالتوفيق
ولو ممكن حد يرسلى النوات وخاصة الممطره على الاسكندرية
علشان عايز اشيل البلاط الى على سطح فيلتى بالساحل الشمالى و اعزل السطح واركب بلاط جديد
وخايف ابدئ بتوقيت خاطئ فتمطر الدنيا وتبوظ المشروع
اشكركم على حسن تعاونكم
وميلى كالتالى
senduony@gmail.com
شكــــــــــــرا

Unknown said...

اولا اسمها ملحوظه وليست ملحوسه ثانيا العقده 1.8 km و شكرا واسف للازعاج

Mai Ramadan said...

إزيَّك؟
هو رياح شمالية غربية يعني جايَّة من شمال غرب, ولّا جايَّة من جوب شرق؟
و هل مواعيد النوات دي دقيق؟

اسكندراني اوي said...

اهلا يا مي
انا كويس الحمد لله
الريح دايما بتتسمى من المنطقه اللي جايه منها
يعني لما نقول ان الريح شمايه يعني بتهب من اتجاه الشمال
الجدول الى حد ما دقيق ممكن يتغير يومين قدام او يومين ورا
ولكن في المجمل دقيق
لانه اتعمل بناء على خبرات كتيييييير اوي لاهل البحر القدامى

اسكندراني اوي said...

Anonymous
لو انت راجل بحق وحقيقي تدخل بحسابك الشخصي وتقول اللي انت قلته كده عشان الناس تعرف انك خسيس وقليل الادب
انما الاندال اللي زيك لا يجرؤا ان يواجهوا كرجال دائما كجبناء

shaimaa nabeeh said...

انا اول مرة اشارك معاكو بس بجد استفدت وغير كدة انا بموت في اي حاجة من ريحة اسكندرية

mohamed said...

مساء الخيرات ابو اسكندر وكل سنة وانت طيب وشكرا على معلومة النوات وجهتها لأيام زمان

mohamed said...

مساء الخيرات ابو اسكندر وكل سنة وانت طيب

اسكندراني اوي said...

وانت طيب يا محمد وكل شتا واسكندريه عروسه تتغسل بمية ربنا