Thursday, January 17, 2008

يا طير يا طاير

يا طير يا طاير

دربك ع باب الله

هات البشاير و إمشى ف أرض الله

يا طير يا طاير

... لأجلك لأبيع الروح خدنى بحنانك

لا تبتعد و تروح و منين بدالك

يا طير يا طاير

دربك ع باب الله

يا رايح ........واحمل سلامي

هناك حبيب الروح شفته بمنامي

هناك حبيب الروح

يا طير يا طاير

دربك ع باب الله

غناء محمد منير

50 comments:

سهر الليالى said...

معرفش ليه الأغنيه دى فكرتنى بأغنيه الجميلة فيروز

دخلك يا طير الوروار

سلملى ع الحبايب
وخبرنى بحالون شوووو صار

أتمنى تكون بخير
ومش عارفة ليه بقالى مدة مشفتكش

تحياتى

سهر الليالى said...

كدة بقى يبقى ليا عندك ربع جنيه مخروم كمان
:)

تحياتى

Unknown said...

فكرتها اغنية فيروز انا كمان
لا بس حلوه
:)
باعتها لمين بقى؟؟؟
;)

mano said...

من اجمل واحلى الاصوات اللى ممكن تسمعها صوت منير بجد اختيارك جميل جدا للاغنيه وبرده انا كمان فكرتنى بفيروز بس اغنيه يا طير يا طاير على اطراف الدنى لو فيك تحكى للحبايب شو بنى بجد الاتنين ارق من بعض واحلى فى الاداء واجمل فى الكلمات تحياتى وكل سنه وانت طيب بمناسبة عاشوراء وربنا يغفر لنا جميعا والمسلمين كلهم كل الذنوب اللى فاتت اللهم امين تحياتى يا اسكندرانى

ابن حـجـر الـعـسـقـلانـى said...

الأغنية دى جميلة جدا .. أنا باحب اسمعها جدا

انت إنسان ذوقك عالى

Unknown said...

ربك لما يريد الصعب بيتهون
و قلوبنا حتتلون
و الغايب حيعود

انا حاسة ان مزاجك مش قد كده اليومين دول صح ؟

مالك ؟ مش عادتك ما تردش ع التعليقات مهما بتكون مشغول

روق كده يا كلبوزة :)))))

ammola said...

واضح من الكلمات انك بتمر بحالة خاصة
ربنا يهون عليك غربتك ويقرب لك البعيد ويجمعك مع حبايبك على خير

اسكندراني اوي said...

سهر الليالى
اهلا وسهلا بيكي
لو دققتي في معاني الكلمات ممكن تستشفي الاجابه على سؤالك
طير الوروار رائعه من روائع السيده فيروز ولا شك
تحت امرك كل الاربع المخرومه اللي اصدرها البنك المركزي
وش بيضحك

تحياتي

اسكندراني اوي said...

لماضة
مش حتبطلي لماضه بقى اي سؤال هذا يا دكتوره
خليكي محضر خير اماااااال

اسكندراني اوي said...

mano
اشكرك على مرورك
اكيد اغاني السيده فيروز ليها في قلوبنا حب كبييييير

وانتي طيبه وبصحه وبسلامه يارب
اهلا بيكي

اسكندراني اوي said...

ابن حـجـر الـعـسـقـلانـى
وانا كمان والله بحب اسمعها كتييير
بتفكرني بحالي
اشكرك على الاطراء من بعض ما عندكم يا غالي

نورتني

mohand said...

السلام عليكم

كل سنه وانت طيب يا اسكندراني

اسكندراني اوي said...

عاليا حليم
ايوه انتي جبتي الفايده
ربك لما يريد
وبرضه منييييير

حرد على التعليقات حاضر بس النساويات مش ولابد
ربك يهون
انا خسيت انتي محدش قالك ولا ايه


وش بيضحك

اسكندراني اوي said...

ammola
يبدو يا سيدتي ان الحالات الخاصه هي الحاله العامه اليومين دووووول
وش زعلان

يارب ربنا يتقبل دعائك
ويهون على الجميع
اسعدتني زيارتك

زُمُرده said...

جمييييييله اوي الاغنيه
منير مفيش اجمل من كده

بس يا ترى ايه اللي فكرك بيها؟؟
وكمان تنزلها بوست؟؟
ايه الحكايه؟؟
-----------
مردتيش على تعليقي في بوست
اصعب اختيار ليييييه؟؟
يبقالي عندك هديه صلح
ههههههههههه

اسكندراني اوي said...

زُمُرده
حقولك انا نزلتها بوست ليه
اني قعدت اربع ايام ورا بعض بردد الاغنيه دي لا اراديا
ههههههههههههههه
كنت بقفش نفسي وانا بغنيها
يمكن لاني بحبها جدا ومسمعتهاش من زماااان
او لانها بتعبر عن الحاله اللي انا فيها
على طول طاير
جايز
فقلت انزلها بوست
بس يا ستي
حرد يا ستي على تعليقك هنا واديكي الهديه كمان
صحيح ان قلبي هو اللي حس واختار
والسؤال ده سؤال تأكيدي
بس يا ستي
والهديه بقى اغنيه منير الللي في البوست
نورتي

زى الهوا said...

جميلة الاغنية دى مع انى مش بحب منير بس حلوة اغنيته دى اوى

Unknown said...

خسيت ؟ و الله ؟ بس انت أحلى و انت كلبوزة أيه رأيك بأه ؟

اتمنى انى أسمع عنك أخبار كويسة يا رفيق الحلم السكندرى

وشك بيضحك

يا مراكبي said...

وبعدين بقى في تقليب المواجع ده؟

L.G. said...

أنا طير في السما ...بعشق بالوما
عاش قلبي ونما ... من غير نمنمة
وبسيط إنما عايش ملحمة
ويعيش له سما وينول أوسمة ويبعتر شوق من غير لملمة

Hannoda said...

كان صيف 2000 أيام الأغنية ده.. كنت بحبها هي و أغنية دور ع الناس

كانوا نقيض لبعض
ده كلها إقدام و تفاؤل
و التانية بتواجه قلب ناوي يروّح


واحد بيناجي فيها شوقه للغاليين و التانية بيبعد عنهم

يادي منير
غنت ماسمعتش إنه مضر في الغرفة

اسكندراني اوي said...

زى الهوا
طب الحمد لله ان الاغنيه دي عجبتك
احيي فيكي صراحتك

اسكندراني اوي said...

عاليا حليم
البوست ده محظوظ بزيارتك ليه مرتين

اسكندراني اوي said...

يا مراكبي
مش كده برضه
انا قلت يعني نعيش الزمان سوى

يا مراكبي

اسكندراني اوي said...

L.G.
جمييييييله الاغنيه
ايمان البحر

نورتي

اسكندراني اوي said...

Hannoda
امممممممممممم
ماهو المراكبي قالها
وبعدين بقى في تقليب المواجع ده

نورتي

walaa said...

ياريت يا اسكندرانى الطيور تعرف تجيب لينا اخبار الحبايب مكنش دة حالنا

ولاء

tota said...

وش حزين و الدمعه في عنيه ومشتاق لبلده ........عمرك شفت الوش ده وجعتني يااسكندراني
----------------------
طيب مقلتليش بقي الاغنيه دي حاططها لمين بقي؟؟؟:p
---------------------
بتمنالك كل الخير
سلامي

Unknown said...

لأجلك لأبيع الروح خدنى بحنانك
لا تبتعد و تروح و منين بدالك

الملك

(:

Hypatia said...

عزيزى اسكندرانى

جالى احساس غريب وانا باقرا البوست ده مع انى سمعت الاغنيه كتير وكنت باربطها بامى او بمكان او بحد غالى عاوزه ابعتله السلام

بس المره دى وانا باقرا الكلام حسيت انى بابعت الطير والسلام للمدينه المنوره عند الحبيب المصطفى

الاغنيه دى بجد تحفه ممكن تسمعها كل يوم وكل يوم تصحى فيك حنين لشخص او لحاجه مختلفه عن اليوم اللى قبليه

Dalia said...

انا بحب الاغنيه دى اوى

اصلا منير مالوش حل

Nani said...

السلام عليكم
ملحوظة
الاغنية هذه بالاصل للمطرب الاردني محمد خضر
وقد قام محمد منير بغناءها مرة اخرى كما اعتقد ان نجاة الصغيرة قد غنتها ايضا سابقا
بصرف النظر الكلمات جميلة ومعبرة
:)
بتذكرني بانية لايمان البحر درويش
اناطير بالسما
فكرك ليش المطرمين بطلو يعملو اغاني لطيفة بس بنفس الوقت تكون الكلمات معبرة واللحن قوي؟

loumi said...

أوقات كتير
تعلق معانا أغنيه ونفضل نردد فيها يمكن يوم إتنين
حسب الحاله إللي جوانا
وده بيبقا نتيجة حاله من إتنين
يا سمعت الأغنيه وعجبتك
يا حاجه جواك صحت إحساس معين
إنطبق على كلمات
تلك الأغنيه

إنت فين يا خاااااااااااال
:)

تحياتي

Unknown said...

جميل جدا
دائما منير مبدع

اسكندراني اوي said...

walaa
يوووووووووووه
ياريت والف الف ياريت
بس اهو حاجه كده تفكرنا باللي سايبنهم ورانا

اسكندراني اوي said...

tota
انا عايشه يا توتا مش شفته وبس
ربنا يفرج همنا جميعا

اسكندراني اوي said...

esraa
مش كده بذمتك
وش بيضحك
نورتي

اسكندراني اوي said...

Nsreen Bsunee
سبحان الله
كل واحد بيسمع وهو بيسمع بيشوف اللي هوا عاوزه
ربنا يرزقنا زياره مسجد صفيه
واشكرك على الزياره

اسكندراني اوي said...

Dalia
وانا كمان بحبها اوي
وكل اغاني منير

نورتي

اسكندراني اوي said...

Nani
المعلومه دي انا اول مره اعرفها
حتى وان كانت صحيحه فاداء منير ليها انا شايف انه بالفعل مؤثر جدا
سؤالك ده احنا بنساله من زمان
من يوم ما خلو الطرب هبد ورزع
وبوح اتكلم
والكلام الفارغ اللي عمالين يسمعوهلنا

ممكن ما عدش فيه مستمع زي زمان
او مافيش مطرب زي زمان
ومافيش مؤلفين زي زمان

اسكندراني اوي said...

loumi

خانوووم
منوره
كلامك صحيح خصوصا النص التاني منه

موجود تحت النظر

اسكندراني اوي said...

ايوية

عاش من شافك ازيك
اكيد طول عمر منير بيعمل حاجات بجد رائعه
اسعدتني زيارتك

من القلب said...

ربنا يقرب البعيد
و تيجى لك البشاير
بقرب اللقا و اسرع من الطير كمان

الله يكون فى عون الطيور من كتر القلوب المتعلقة بها :)

S H A H said...

طول عمرك قلبك حنين,

مع تحيات نفس الفصيلة

Hadota ... حدوتة said...

عارفاها الاغنية دى
حلووووة اوى

اختيار موفق


تحياتى

tota said...

مممممم انت جاوبتني علي الجزء الاول من التعليق والجزء التاني لا
هتجاوبني ولالالالالا ترشيني بشوكلاته ؟؟

اسكندراني اوي said...

من القلب

امين يارب
ربنا يبشرك بالجنه احنا وانتي والقارئين واحبابنا يارب


اه من القلوب اللي دابت من كتر التعلق بحبال الامل

اسكندراني اوي said...

S H A H

الله الله
هو انت منهم انت راخر
ربنا يعينا ويعينك

نورت يا باشا

اسكندراني اوي said...

Hadota .. حـدوتة

ماهي المشكله انها حلوه اوي

اشكرك
وسعدت جدا بزيارتك

اسكندراني اوي said...

tota

ما تخليكي محضر خير امااال
ماشي شيكولاته شيكولاته زي بعضه

وش بيغمز