Thursday, June 25, 2009

صيفك

يا ترى يا اسكندريه حيكون صيفك شكله ايه السنه دي

حر...ونسيم
شمس...وظل
روقان...وزحام
كل المتناقضات بتحصل في صيفك
وتفضلي ليلك ونهارك
صاحيه ما تناميش
من ابو العباس لبير مسعود
من الحلقه في الانفوشي لحد المعموره
يا ريتني كنت معاكي
اشم نسيمك واستمتع برزاز البحر في الصبحيه

18 comments:

Unknown said...

هي صحيح اتغيرت كتير عن زمان
دلوقتي الصيف فيها بقى غير
لكن لسه جميله زي ما هي الحمد لله حتى بزحمتها وخنقتها
والتغيير الي بيحصل فيها
بتسلم عليك يا اسكندراني على فكره

Ola said...

بس حضرتك الصيف السنة دي صيف مش عادي، حر حر حر حر مقولكش يعني

همس الاحباب said...

اسكندرية زى ما هى جميلة فى الصيف ورائعة فى الشتاء
وفى انتظارك تنورها فى الصيف ان شاء الله
تحياتى

اسكندراني اوي said...

لماضه
عودا حميدا يا دكتوره
اكييييد طول عمرها حلوه واكيد حتفضل حلوه
الله يسلمك ويسلمهااشكرك على نقل السلاااام
نورتيني والله

اسكندراني اوي said...

Ola
اه سامع فعلا انها حر حقيقي
وكمان تقارير الحاله الجويه بتقول كده
ربنا يستر

نورتي

اسكندراني اوي said...

همس الاحباب
ابو همس يا حبيبي
الله عليك وعلى الكلمتين الجمال دول
الصيف ده مش حقدر اشوفها ....ربنا يسهل واشوفها السنه الجايه

Unknown said...

ربنا ما يحرمكش من اسكندرية و لا يحرم اسكندرية منك. مع إنى متاكد إنك واحشها كتير يا عم الاسكندرانى
osamaha

اسكندراني اوي said...

سمسم يا غالي
ازيك يا كبير ربنا ما يحرمن منكم ولا من اسكندريه
نورتني بالزياره

sakayar said...

يا رب ألحق الصيف فيها السنة دي
وحشتني مدونتك يا اسكندراني .. ووحشتني كل حاجة بتديني ريحة وطعم جو اسكندرية الجميلة ... مع اني منصوراوي بس القلب مايل للمارية :)

Doaa Ebrahim Aaql said...

انت معاها بذكرياتك الحلوة
بكل اللى بتفتكره منها
وينسيك كل الهموم


.

مهما كان شكل الصيف فيها
أكيد صيفها حلو

.

ترجع لها بالسلامة :)

يا مراكبي said...

الصيف ده متاكل منه كتير ورمضان قرب وبيقولوا الدنيا كانت حر جدا هناك

ان شاء الله السنة الجاية تكون احسن

ايقى خدني معالك لما تنزل لها عشان بقالي كتير قوي ما رحتهاش

sh said...

انا بعشقك يااسكندريةبحلوتك ووحشتك بجمالك وصيفك ببحرك وجوك

Hannoda said...

و الله العظيم حيرة كبير
تنزل في الصيف تشتاق لهدوءء الشتا و سحره ووحدته وخصوصيته
تنزل في الشتا تشتاق للصبف و حنانه ولمته وزحمته
جميلة فعلا هي في كل وقت و مالهاش حل غير ان الواحد ينزلها على طووووووووول
صيف شتا

Anonymous said...

اشتاق لها كثيرا
وان كانت على اية حال


سارضى



شيماء سمير

Esmat said...

والشوق ليها يفضل على طول
ربنا يرجعك ليها بالسلامة

و إسكندرية ساحرة ..فى كل الأوقات
ولها حبنا الدائم
وعشقنا الأبدى
وغزلنا المستمر

حبيبتنا إسكندريتنا
تحياتى إسكندرانى

Asmaa mahaba said...

الحمد لله انك مش فيها بعيد عنك الشر الدنيا هناك موووووووووووووت من الزحمه مفيش خرم ابره تحط رجلك فيه ولا مكان تركن فيه ولا مكان تمشى فيه بالعربيه
اجمل حاجه هناك اللسان اللى عاملينه هناك بس حتى دا مش حتستمتع بيه لانه زحمه جدااا برضو بصراحه اسكندريه بقيت ازحم من القاهره بكتير

Asmaa mahaba said...

بس لسه حلوه :)))
والحل الوحيد البحر يفيض ياكل شويه وينزل ويفضى الدنيا لينا

-_- said...

يا رب يبقى صيف جميل