Tuesday, July 3, 2007

اسكندريه زمان

تحديث في 5-7- 2007

اشكر جدو جدا على مساعده واهدائه رابط يشرح اجابه سؤالي وكذلك الشرح الوافي

واشكر انسانه على الشرح الوافي اللي قالتهولي في الرد بتاعها

اكم جزيل شكري وامتناني واعيش واسالكم
انا لغيت الؤال من البوست مدوروش


كلنا طبعا لما بتيجي سيره اسكندريه بنفتكر البحر وطريق الكورنيش والمنتزه وميامي والمعموره ومحطه الرمل والمنشيه وكوبري استانلي



لكن ياترى اسكندريه دي من 100 سنه كان شكلها ايه شوارعها ايه ومواصلاتها ايه وشكل العيشه دي كانت ايه







تيجو نتفرج على اسكندريه من 100 سنه كانت ازاي








مسرح زيزينيا سنة 1911





شارع فؤاد سنة 1930






شارع سعد زغلول الحالي سنه 1913



تقاطع شارع المانيا وشارع رشيد محدش يقولي فين دول






كورنيش سبوتنج سنه 1934



شاطئ استانلي سنه 1928


baccus-city ترام باكوس مستعاره من


محطه القطر في سيدي جابر سنه 1901


دا بقى ميدان محطه الرمل سنه1937



طبعا الذكريات ما بتنتهيش ولو جينا قارنا بين اسكندريه زمان واسكندريه دلوقتي حنلاقي فرق كبير في الشكل



لكن المضمون والروح هي هي ....حتى الاسكندرانيه برضه هما هما

وصدقوني لو قولتلكم اني احيانا بتمنى اني كنت اعيش في الايام دي لاني دايما بسميها ايام الزمن الجميل


مش كده ولا ليكو راي تاني؟؟؟




35 comments:

Anonymous said...

مساء الخير يااسكندرانى

موضوع اسكندريه القديمه

موضوع حلو وكمان الصور بالرغم انها عتيقه لكن جديده بالنسبه لى

ويمكن لغير ى كمان

كان شكلها مختلف تماما عن دلوقتى

وزى ماقولت هى الروح واحده بس
بشكلها الحالى
لابسه ثوب جديد

عملت نيو لوك يعنى

اسكندريه دلوقتى ومن 100 سنه وبعد 100سنه

حبيبتنا وكلنا بنحبها

شكرا ليك على الموضوع

وفى انتظار المزيد

دودو

mimi said...

اسكندراني
مالحقتش اول تعليق فرقت معايا بونت
وانت ماشي على الكورنيش بتلاقي صور زي دي ليها فترة بصراحة كانت بتستوقفني وبتعجبني قوي
غير انك تحس ان روح المكان واحدة زمان ودلوقتي
احييك على حبك لبلدك واصالتك يا اسكندراني

اسكندراني اوي said...

دودو
مساء النور يا ستي والورد والجمال
اسكنديه هي اسكندريه عملت نيو لووك
عملت اكسترا نيو لووك
هي هي
بروحها وجمالها وسحرها
لان الشكا مش كل حاجه ياما في حاجات شكاها حلو لكن جوهرها مخوخ
والعكس طبعا
ودي حاله اسكندريه هي الاصل يزوقو يوسعو ييعملو اللي هما عاوزينه
اختلف معاكي في عتيقه انا احب استعمل اصيله


اشكرك على تشريفك وكان انا مبسوط انك اول واحده علقتي

سلاااام

حتفضل جوانا عايشه ومتاصله
كويس ان الصور عجبتك

اسكندراني اوي said...

mimi

اهلا بيكي تاني وتالت ورابع
البيت بيتك
ومعلش اول تعليق انا بهتم بيه زي اخر تعليق والله
صحيح زي ما قلتي ان روح المكان واحده ودا هدفي من البوست اني اثبت للناس ان مهما الشكل تغير الروح واحده
لحبيبتنا كلنا
اسكندريه
وانا احييك على تحيتك ليا وتقريبا حنقضي الوقت تحياااات
ههههههههههههه
شرفتي البوست ده
واشكرك على البوست بتاعك في

الف ليله وليله
تحياتي

حسن ارابيسك said...

خلينى أمشي مع جو البست ده وأقولك
زي ماكانوا بيقولوا زمان
سعيده
الحقيقة البوست جابلي اسكندرية لحد عندي
شممنى يود البحر ورزاز الميه طب طب على وشي وانا ماشي على كورنيش اسكندرية
وصوت الموج سمعنى احلى سيمفونية
الجو ده خلاني دلوقتي فعلاً
اطلع البايب بتاعي من درج ترابيزة الكمبيوتر وولع واحد بايب وفتحت علبة بيرة من غير كحل طبعا وقعدت استمتع بجو اسكندرية زمان الله الله فعلاً
تسلم ايديك وفكرتك
ودي صور اول مرة اشوفها فعلاً
وكل ده يدل علىانك اسكندراني فعلاً بتحب اسكندرية
اشكرك للمرة الثنية على تشريفك مدونتي المتواضة
شكراً لإتاحة الفرصه لي للتعقيب

Anonymous said...

الصور حلوين كثير

ميرسي

اسكندراني اوي said...

حسن ارابيسك
نورت البلوج يا باشا

يااااااااااااا يا ارابيسك دا انت باين عليك برضه بتحب البحر زيي

من بعض ما عنكدم يا سيدي مورتني وانستني والبلوج زادت نور بتعليقك
احسن حاجه انك لحقت نفسك وقلت بيره من غير كحول
اصل المدونه دي ممنوع فيها المنكر
كبيرنا سيجاره او بايب واه من البايب
او حجر تفاحه في ونوووووس

تحياتي يا رابيسك

اسكندراني اوي said...

anima

الحمد لله ان الصور عجبتك

شرفتي البوست
ونورتي البلوج

ميرسي ليه لأ يعني

Hannoda said...

ياااه يا إسكندراني

رغم إني عمري ما شفت اسكندرية في الزمن ده و رغم كل الإختلاف لكن عيني حسيتها بتفتش ي حاجات عارفاها و حافظاها و حاسة بروحها

روح إسكندرية بتطلعلي حتى من الصور

طبعا ماعدا : شارع المانيا وشارع رشيدأنا مش عارفة همّ فين أساسا

رغم إنس إسكندرانية صميمة,, ومن هواه اللف في شوارعها لوحدي.. أتونس بيها و تتونس بيّ

وحشتني إسكندرية قوي

قوي

تحياتي

Unknown said...

زى مانت قلت
هى هى اسكندرية معشوقة الجميع

اما بالنسبة للسؤال اللى فهمته انك عايز مثلا تكتب كلمة إسكندرية ولما حد يدوس عليها تيجى المدونة اللى كنت حاطط اللينك بتاعها

بص انت اكتب الاسم اللى انت عايزه مكان ما بنكتب البوستات عادى واعمل سليكشن عليه وتعالى فوق فى التوولز هتلاقى حاجة كدة لونها اخطر ولما يجى الماوس عليها هتكتب
link
دوس عليها هتفتحلك خانة تحط فيها الموقع اللى معاك ... اللينك بتاعه كوبى وبست فى المكان ده وتدوس أوكى
وخلاص على كدة

:D

يارب اكون عرفت افيدك

وسلااااامى بجد للأسكندرية حبيبة قلبى
:)

loumi said...

مساء الخير يا اسكندرانى اوى
بجد تسلم ايديك على الصور دى
حلوة قوى
انا لسه شايفه صورة قديمه لاسكندريه عندxee سنه 1949
فعلا الصور القديمه دى بتحسس الواحد بالاصاله
وبعدين انتوا شكلكم حتعملوا جبهه موحده يا اسكندرانيه والا اييه؟؟؟
تحياتى وتسلم ايديك

يا مراكبي said...

وأنا كمان كان نفسي أعيش في إسكندرية طول عمري .. في أي زمن ما عدا الزمن الحالي الزحمة ده

مافيش صور للبنات والمايوهات زمان؟

Gid-Do - جدو said...

اسكندرانى قوى

شوف اذا كان سؤالك ازاى تعمل اسكندرية تبان كدة

الاسكندرية
روح اتعلم من هنا

http://help.blogger.com/bin/answer.py?answer=41379&query=link&topic=&type=f

الفكرة انك تكتب كدة

href="http://www.eskndria.blogspot.com/">الاسكندرية

بس لازم يكون بين علامات
<>
a
/a

اسكندراني اوي said...

hannoda
اه يا اسكندريه جننتينا في حبك
وتدبنا من عشقك
احلى حاجه في الدنيا التمشيه في شوارع اسكندريه
وخاصه لو يوم احد عشان تبقى الدنيا هاديه
ولا القعده في المينا الشرقي ساعه الغروب

الله الله
اشكرك على تشريفك

اسكندراني اوي said...

انسانه
اشكرك على تعليقك
وهو دا بالظبط اللي انا قصدته من سؤالي اصل السؤال ما حرمش يعني
ههههههههههههه
وعموما حجرب الطريقه بتاعتك واشوف حوصل لفين

تحياتي وشكرا جزيلا لمساعدتك

اسكندراني اوي said...

loumi

انا بعتبر الصور القديمه لاي ماكن هي تاريخه وذكرياته
جبه موحد انت ماتعرفيش اننا اعلانها جمهوريه
طب ادخلي هنا كده وانتي تشوفي

تحياتي ليكي

http://eskandaranaya.blogspot.com/

على فكره جدو حبيبي هو اللي عرفني على البلوج العسل ده

اسكندراني اوي said...

يا مراكبي
شد القلوع يا مراكبي
والله اسكندريه حلوه في اي زمن بس فعلا الزمن ده يعني مش ولابد شويه
وعلى ذكر الصولر اللي انت طالبها دي ممنوعات يا بيه
وبلاش لحسن الحاجه تقرا وتقفلي البلوج

تحياتي وخلينا نشوفك

اسكندراني اوي said...

جدو العزيز
نورتني والله ووحشاني تعليقاتك
حروح يا جدو وحتعلم
مش عيب ان الواحد يتعلم
واشكرك انك كمان باعت اللينك
بس ما قولتليش ايه رايك في البوست
شكله ما عجبكش يا جدو

:((((

تحياتي ليك

Unknown said...

لا شكر على واجب يافندم احنا فى الخدمة

ومتشكرة اوى لحضرتك عشان التعليقات عندى على كل الموضوعات تقريبا
بس الله يكرمك فى كام بوست فى الاشيف كدة ابقى عبرهم فى سكتك
هههههههههههه


تحياتى

اسكندراني اوي said...

انسانه
لا الشكر واجب لانك كنت اولى بالوقت اللي كتبتي فيه رد للسؤال عشان كده ربنا يكرمك
انا معلقتش على كل المواضيع ولا حاجه انا بقرا كده تخاطيف على راي ايهاب توفيق
وحاضر الاقي وقت وحفلي البلوج بوست بوست

نورتيني



ههههههههههههههههههههههههههههه

sakayar said...

اسكندرية اسكندرية
بجد لو بعد أد إيه هتفضل هيه هيه بأهلها وروحها وجمالها
بمووووت في البلد دي
انت عارف لو في يوم حسيت إني متضايق باخد نفسي واطلع على اسكندرية اتمشى شوية ع البحر وارجع ....بجد من أجمل إن ما قلتش أجمل بلد في العالم بروحها

اسكندراني اوي said...

SAKAyAR

يا مرحب باللي بيحبو اسكندريه
ويحبو يتمشو على بحرها

البحر دايما ملاذ لكل واحد عاوز يفضفض

نورتني

MAKSOFA said...

اسكندريه القديمه ،والقاهره القديمه كل حاجه كانت حلوة ومتعوب عليها وتحس فيها بالفن والرقي ، دلوقتي بقي كله سلق بيض

اسكندراني اوي said...

maksofa

تصدقي كلامك مظبوط جدا

تحسي ان حاجه زمان دي متكلفه بدليل ان في عمارات واماكن في القاهره الفاطميه واللي بعدها لسه عايشه
وكذلك في حبيبتي اقصد اسكندريه
ورونقهم لسه فيهم
اشكرك على تشريفك

مريم said...

ازيك يا ابو اسكندر
الصور حلوة شفت بعضها قبل كده
كانت متعلقة فى شوية محلات فى وسط البلد
بس لما تعرف انى من العطارين ممكن تفهم انا قد ايه عايشة جوه الحنين ده
البيوت دى حواليا وانا عايشة فى واحد منهم
قديم ومعتق وسقفه عالى
انا متعتى بجد انى امشى فى الشوارع اتفرج ع البيوت القديمة واقول الناس بتوع زمان دول كان مزاجهم عالى اوى

Anonymous said...

عندك حق اسكندرية زمان تحس انها عالم تانى والفراغ فى الشوارع كان مديها منظر انها حى راقى مش زى دلوقت الناس فوق بعض بس الاهم ان مضمون الناس يفضل محتفظ باصالته وعراقته

اسكندراني اوي said...

مريم
اهلا بيكي ونورتيني

يا بختك بالتاريخ اللي انتي عايشه جواه
بجد شيئ جميل
انا برضه بيت جدتي القديم في محرم بك كان واحد من البيوت دي
ولسه مازال الى الان موجود
تارييييييييييخ
وعلى راي مكسوفه ان الحاجات القديمه دي متكلفه

اشكر ليكي زيارتك

اسكندراني اوي said...

hend

احلى اماكن في اسكندريه اللي لسه فيها القديم من التراث والبيوت والشوارع
وصدقيني في كتييييييييييييييير او من اهلها لسه جواهم نخوه زمان

واصاله زمان

تحياتي

Iskanderani said...

مساء الخير عليك؛

أيه ياعم الحلاوة دي كلها عن إسكندرية بلدنا ... ده انت عملت عرض جميل قوي للاسكندرية القديمه
بعد إذن حضرتك را آخد الصور وأحفظها لعمل بوست بها فإذا كان غير مسموح أرجو التنويه

تحييات إسكندراني في بلاد الله الواسعة

اسكندراني اوي said...

iskanderani

مساء الجمال والسعاده
الحمد لله ان البوست نال اعجاب الاسكندرانيه
يا باشا الصور وصاحب الصور تحت امرك
مسموح ونص يا باشا
انا عارف انك عبقري ولكن لو احتجت مساعده قولي احنا حاضرين بضئيل معرفتنا للمساعده
عاوزين نقول للناس دي اسكندريه
موفق ان شاء الله

-_- said...

اسكندرية هتفضل جميلة دايما
سواء من 100 سنة او بعد 100 سنة

اسكندراني اوي said...

sharm

كلامك صح طالما قلت اسكندريه يبقى بتتكلم صح
هههههههههههه

نورت
تحياتي

عروس البحر said...

اسكندرية جميلة جدا

عروس البحر said...
This comment has been removed by the author.
اسكندراني اوي said...

عروس البحر

اكييييد اسكندريه جميله

اشكر ليكي تشريفك
واسف للتاخير في الرد