اهلا بكم في مركز خدمه المصريه للاتصالات
ههههههههههههههههههههههههههههههههههههه
شر البليه مل يضحك
الاول عاملين ايه
وحشتوني جدا جدا
نبدا منين يا اسكندراني
اه
التليفووووووووووووووووون
من كام يوم وخدو بالكم من كام يوم دي
التليفون في البيت هووووووووووووووووووب عطل
قل ابلغ
زي الباشا جيت متصل على 111
وما ادراكم ما هي 111
مركز خدمه العملاء للمصريه للتصالات
ردت عليا انسه في منتهى الاحترام واخدت كل اليانات
ووعدتني باصلاح العطل خلال 48 ساعه
قلت يا واد باضتلك في القفص وافتكرت اننا بجد بدئنا نحترم الناس
وبعد 48 ساعه اتصلت تاني لان التليفون ما اتصلحش طبعا
فوجئت بالكارثه الكبرى
حنعمل بلاغ تاني وننتظر 48 ساعه تانيييييييييييييييييييييييييين
نعمممممممممممممممممممممممممممممممممممممممممممممممممممممم
اها افتكرت اننا في مصر مش في بلاد بره
واديني مستني ال48 ساعه يخلصو
واديني بدور على عم احمد الراجل السكره اللي ماسك المنطقه
عشان ياخد الريال
الاسم الحركي للعشرين جنيه
ويصلح الخط ولا الحوجه ل 111
اعتقد كده انا والمراكبي بصره
واحده من حكايات الاجازه
والنتيجه البوست ده بكتبه من سيبر جنب البيت
بس برضه بحبك يا اسكندريه
18 comments:
هههههه أهلا بيك يا أسكندرانى فى اسكندرية ومعلش جرب المعاناه اللى أحنا عايشين فيها وبعدين يا عم ما هو طبعا عم أحمد أحسن من سي أحمد أقصد المصرية للأتصالات وبعدين كويس أوى أن المشكلة دى حصلت علشان تكتبلنا وترجع لنا وفعلا انت وحشتنا بس برضه اسكندرية منورة بيك
ملحوظة انا اول رد يبقالى عندك ربع الجنية
اه اه اه
يا نانو
الربع جنييييييييه
هههههههههههههههههه
حاضر حطيه على الحساب والحسابه بتحسب
بس ادعيلي الاقي عم احمد
السلام عليكم
اجازة سعيييييييييدة
حمد لله على سلامتك
والله انا شايفة برده عشان انت بقالك فترة مش عايش فى مصر فبالتالى مش ملم بالنظام
انا هقولك
فى الحاجات اللى زى كده مش بتتصل بخدمة العملا
دول ناس نضاف ومستحميين وقاعدين فى التكييف
يعنى خدمة عملا
يعنى كلام فى كلام
سمعاك بتقولى والحل يا حدوتة؟؟؟؟
عندك حلين يا اسكندرانى باشا
اولهم : الاتصال بالسنترال التابع لمنطقتك وتقولهم ان الخط عطلان
ثانيهم تقلب فاتورة التليفون وهتلاقى على ظهرها مجموعة ارقام للاعطال
اختار المنطقة اللى انت تبعها وهما يبعتولك اللى يصلح لك
طب احنا عندنا هنا فى كايرو
لما حد تليفونه يقطع بيبعتوله اللى يصلحهوله فى نفس اليوم
والله مابهرج
مرة جالنا واحد عمال يخبط ويقول فين صحاب الشقة اللى فى الخامس
قولتله مسافرين
وبقفل الباب
لقيته بيقولى معندكيش رقمهم؟؟
انا استغربت
ليه
يطلع مين
قالى اصل المدام بتاعته اتصلت وبغلت عن عطل
وانه هيتصل بيها ويستناها لغاية ما ترجع على القهوة
شوفت ؟؟
بصراحة انا كنت هعيط من الموقف
حاجة مؤثرة جدا
لا بجد
بتوع التليفونات عندنا فى المنطقة اخر نشاط
جرب التجربة وربنا يوفقك
:)
تحياتى
السلام عليكم
كل سنه وانت طيب
ومعلش يا صاحبي
يبقي انت اكيد اكيد فيمصر
نصيحة مني انا شايفة ان اتصاللات خدمتها وحشة و حاول كده تنقل لقوداقون او موبنيل يمكن بعد كام شهر كده الخدمة تبقي كويسه عند اتصالات
تحياتي
يا حبيبي
الفلوس في مصر بتمشي كل حاجه
ربنا يهديك عم أحمد وياخد الريال
:)
كل سنه وانت طيب
ورمضان كريم
كل سنة وانت طيب
يا عم لك وحشة
والاجازة خدتك منا الله يسامحك اللى لقى احبابه طيب طمنا عليك وعلى الاهل يا رب يكونوا بخير يا رب
واجازة طيبة بعيدة عن اى مشاكل
مع انى شايفة كدة ان لازم شوية تحابيش
فى النصف
معلش تهون
برده مع بعض المشاكل
صح الصح بنموت فيكى يا اسكندرية
ومسمحينك
وتيجى بالسلامة
وسلملى على كل شوارع اسكندرية
سيدى بشر خصوصا
ياه وصل هواء اسكندرية
تحية طيبة لك
ايه ده هو الراجل ده بيجي عندكم برضه ده نفس الراجل اللي صلحلي التليفون في القاهرة ده باين عليه بسبع ارواح
المغترب لما بينزل بلده الناس بتبقى شايفاه سرة فلوس متحركة و لازم يخر عليهم
بس حنعمل اية بنحبها و لازم نرجعلها
تحياتي
السلام عليكم
حمدلله عالسلامة
رمضان كريم
انا كتبت بوست عن الموضوع ده بتاريخ 17/07/2007 بعنوان الووووو
بس النهاية اني انا رحت المستشفى من كتر الفرحة والسرعة الي تجاوبوا بيها معايا
:)
ياسيدى
الحمد الله يا سيدى أن التليفونى عطل
علشان يطلعك انا من البيات الشتوى
ونستمتع ببوستاتك الجميله
ودى أحدى حسنات المصريه للأتصالات
كل أجازة و انت طيب يا اسكندراني
:))
بس هو التليفون اتصلح في الآخر ولا لأ
الف حمد الله على السلامة
وبالنسبة لموضوع التليفون انت المفروض كنت من الاول عملت كدة واديت ريال لعم احمد مش كان زمان التليفون اتصلح
وكل سنة وانت طيب رمضان كريم
hadota ..
mohand
عروس البحر
مـحـمـد مـفـيـد
Esmat
Sampateek
Nani
فى القلب
Hannoda
ايوية
الحمد لله التليفون اتصلح
مش بيات شتوي ولا حاجه والله بس الوقت بيطييييييييييير بسرعه رهيبه جدا هنا
واستعدادات رمضان بقى وكده
نورتوني وشرفتووووووووووني
هههههه
آدي أول بوست
ولسه .. إنت شفت حاجة؟
هتكتب التاني قريب قوي وبكرة تقول المراكبي قال
يا مراكبي
ايه يا عمنا فرحان فيا انت
مااااااااااااشي
نورت يا باشا
ياااااااااااااااه هو انتوا كمان بيحصل عندكو كدا
انا افتكرت فى بلدنا بس
اه نسيت ان كلنا بتضمنا مصرنا الحبيبة
معلشى بقا ربنا معاك
كل سنه وانت طيب
هههههههه انت تبع سنترال ايه ؟؟؟؟؟
ههههههههههه
انت بئا لقيت عم احمد بتاع الريال والبريزه
انما انا لما التليفون بيعطل بنت-حايل على عم حسن بتاع التليفونات وياريتو حتى بيجى بريال ولا حتى بورقه بميه
رشاوى وعوجان حاجه تخنق
بس سيبك انت حمدله على سلامتك اسكندريه نورت من بحرى لحد ابوقير
طيب انت يتتكلم فى التليفون لكن احنا هنا نعمل ايه فى الميا
والله بتنزل من الحنفية زى ما يكون مية برك لونها طين
حتى الواد ابن اخويا الى عنده سنتين لما تسأله الميا فيها ايه
يقولك تييييييييين
حرام والله
يلا مش مشكل
Post a Comment