كل سنه وانتم طيبين
الشتا وصل
والهوا برد
وخاصه بالليل
لون السحاب في السما اختلف
ولو ان لسه مافيش مطر نزل
لكن قريب ان شاء الله
.jpg)
.jpg)
الشتا وصل
والهوا برد
وخاصه بالليل
لون السحاب في السما اختلف
ولو ان لسه مافيش مطر نزل
لكن قريب ان شاء الله
لمن لا يعرف اسكندريه في الشتا
اجمل الف الف مره من الصيف
اروق
اجمل
احلى
اهدى
ابرد
الله عليكي يا اسكندريه
78 comments:
اسكت يا راجل ده انا جالي دور برد بس اصيل اوي
الحمد لله على كل حال
احنا بردو في القاهرة الشتا بدأ يدخل علينا بأمطاره وبرقه ورعده واول هدية اداهاني هو دور برد
ههههه
على فكرة انا بردو اعرف ان اسكندرية بتكون اجمل في الشتا
مع اني مقتنع انها جميلة في كل الأوقات
وطبعا يا سيدي من حقك تقول اروق
ما احنا بنيجي في الصيف نطلع عنيكو بقى
:D :D
آلام وآمال
الف سلامه عليك من البرد
جميل الشتا
بس لازم تاخد بالك من نفسك انا برضه لسه طالع من دور وحش اوي
يعني انت عارف لما بتيجو لنا في الصيف ايه اللي بيحصل
ههههههههههههههههههههههههه
تحياتي ليك ونورتني
قلبت علينا المواجع
آآآآآآه
الشتاء فى اسكندرية فعلا اجمل مليون مرة
مفيش اجمل من اسكندرية فى الشتاء
وشكل البحر وقت المطر
الشتاء فى الأسكندرية المشى تحت المطر على شلطئ البحر ليلا .. صارت أمنية عزيزة .. حرام عليك يا أسكندرانى انت غاوى تغظنى ؟
احنا الحمد لله فى كفرالشيخ - لسا ز ى الفل لا سحاب ولا برد ولسا لبسين - صيفى -
وياريت متتكلموش كتير عن اسكندرية عشان انا شكلى بقيت بغير
ههههههههههههه
تحياتى للجميع
العزيز
إسكندراني قوي
مش باعرف اكتبها أوي
بصراحه اللغه العربيه دايماً ناقحه عليّ
ههههههههههههههههه
لما الشتا يدق البيبان
لما تنادينا الذكريات
الله عليك
أنا باموت فى حاجتين
الأغنيه
واسكندريه في الشتا
سحر ما فيش بعد كده
هدوء وصفاء
بجد روعه كل مدن البحر فى الشتا
ويا سلام لما تنزل تتمشى
عالبح والمطر تنزل
إشى خيال يا ناس
ده إسم التدوينه الجايه إن شاء الله
ويمكن تطق في دماغي أروح أنزلها دلوقت
يا مسهل
تحياتي
وبأحقد عليك
وما تسألنيش ليييييييييييييه
هههههههههههههههههه
فعلا إسكندريه رائعة في كل الأحوال
وخاصة في الشتاء
عندك حق
الله يا اسكندرانى
انت مش بس بتحب اسكندرية
انت بتعشقها
فعلا بتفكرنى بمحبوب عمال يتعزل فى حبيبته ويشوف كل حاجة فيها حلوة
انت تعرف؟؟
بس من غير ما تتريق يعنى
انا عمرى ما رحت اسكندرية
ربنا يكتبهالى وازورك يا اسكندرية
تحياتى
ليك يا اسكندرانى
وليكى يااسكندرية
:)
أنا بعشق إسكندريه وفعلا بحبها اوى فى الشتا عن الصيف مع إنى مببحبش الشتا ولا المطر بس أحلى ذكرياتى كانت فى شتا إسكندريه
اسكندرية دي نعمة اداهلنا ربنا
الحمدلله الله
تحياتي
يتهيالي في حد اسكندراني او حده كانت عامله بوست اسمه لما الشتاء يدق البيبان
!!!!!
غريبه اوي طيب اشيروا الي المصدر ولا توارد عناوين
وش مضايق
اسكندرية معروفة انها جميله فى الصيف و اجمل مليون مرة فى الشتاااا
تحياتى و على فكرة لك تاج عندى:((
البرديــــــة المصرية
مواجع ايه بس
يا عم روق كده بس
ههههههههههههههه
اكيد شتا اسكندريه اجمل من صيفها بكتييييييير
ايوية
تحياتي يا ستي
البلوج نور
اه من شكل البحر وقت المطر ويا سلاااام بقى لو فيه شويه برق ورعد
يا سلااااام
عاليا حليم
ابدا والله مش بغيظك ولا حاجه
انا بس حبيت اشارككم معايا لحظه حب لاسكندريه
الحرية
مافيش غيره ولا حاجه
كلها مدن مصريه
بس هي العمليه ان الاواحد بيحب مدينته شويتييييين
انا بتكلم عن نفسي بقى
loumi
الفكره ان اسكندراني اوي
يعني بشده
مش قوي من القوه يا لوووووومي
طب يا ستي انا ليا الشرف اني اكون سبب في تدوينه
ويكون البوست ده فكره في بوست عندك
بجد انا سعيد جدا جدا
بزيارتك
Salwa
اكيد اسكندريه طول عمرها جميله
واكيد في الشتا اجمل واجمل
نورتيني
Hadota .. حدوتة
والله انا بالفعل انا بعشق اسكندريه
وبحب اشوف كل حاجه فيها بعيوني انا
عيون حبي ليها
ربنا يكرمك ان شاء الله وتنوري اسكندريه بزياره
تحياتي ليكي ونورتيني
سى السيد
شتا اسكندريه بيحمل الكثير من الذكريات الحلوه لناس كتييير يا سيدي
وليه تخليها ذكريات نورنا في الشتا واعمل احلى واقع
لك كل التحيه
عروس البحر
الحمد لله على نعمه البحر
ونعمه اسكندريه
ونعمه حب اهلها ليها
لكي كل التحيه
بنت القمر
والله هو توارد افكار في العناوين فقط
وبدون وشوش متضايقه
دي اغنيه
ومن حق اي حد يستعملها
واعتقد ان البوست مافيهوش تشابه
لا في الكلمات ولا في الصور
مش كده ولا ايه
وش مضايق بجد وجنبه وش مذهول
Rania
اكيد اكيد اسكندريه جميله في كل المواسم
بس انا بجد بجد بحبها في الشتا اوي اوي اوي
تاج ايه فين مين كان امتى عشان
نفسي أزور إسكندرية في الشتا والله
الله المستعان
كل سنة وحضرتك طيب :)
يا بختك باسكندريه،من اول مره شوفتها عشقتها وصدقت اللى اتقال عندها وعزرت كل اللى غنى لها وع فكره انا مبزورش اسكندريه غير فى الشتا بس وحشتنى قوى يا ريت تسلملى عليها لحد ماجى ازورها
طـعـمـة
الف اهلا وسهلا
ربنا يحقق لك امنيتك ان شاء الله
انوي بس وربك حييسر
نورتيني بزيارتك
تحياتي لحضرتك برضه
جين اير
اهلا وسهلا بيك او بيكي
شوفتو بقى عشان تصدقوني لما اقولكم اني بعشقهاااااااااااااااااا
حوصل السلام
وفي انتظار الزياره
انا اساسا بحب الشتا جدا
واكيد هحبه اكتر فى اسكندرية
بس المشكلة انى هروحها ازاى...عندنا بيبقى اسمها مصيف يعنى فى الصيف وبس
مين ياخدنى ويودينى
اه يانا
يا بختك
هههههههه
انا ماشيه طول النهار فى الشقه بذاكر وادعى ربنا ينجحنى والدنيا تشتى
ماما تسمعنى تتجنن
بتقولى غاويه فقر
وانا بموت فى الشتا
عندك حق بقالها كام يوم مغيمه بس مش راضيه تشتى مش عارفه ليه ادعى معايا تشتى
:(
Very nice posting, thank you.
The regime of Mubarak and his minions is every day to transgress human rights. More than 10,000 Sudanese refugees are arrested and more than 100 have been killed.
Illustrative of the world arrogance and the atrocities committed against the Sudanese refugees by this criminal regime of Mubarak.
يابختك يا استاذ اسكندرانى انا كل لما بقرا بوستات حضرتك واشوف صور اسكندرية اكره بلدنا اكتر على فكرة الدنيا كانت بتمطر عندنا من يومين وفضلت تمطر يجى نص ساعه انا كنت نايمة صحيت من النوم التزقت على الشباك لحد ما المطر خلص اصلى من عشاق الشتاء واقف اتفرج على المطر وفى ايدى مج الشاى بموت فى الشتاااااااااا
اسكندراني
دائما تحرك فينا المشاعر الحلوة تجاه الجميلة الحلو الاسكندرية
صحيح ما قلت فالاسكندرية اجمل مليون مرة في الشتاء عن الصيف ولذلك دائما ما أذهب اليها في الشتاء استمتع بها عشرات المرات عن الصيف
السلام عليكم ورحمة الله وبركاته
ربنا يخليلك اسكنريه ويخليهالنا كمان
وكل سنه وحضتك طيب
والسلام عليكم ورحمة الله وبركاته
البنت الشلبية
صحيح صعب جد يقنع حد ان اسكندريه مشتى
اما موضوع تيجي ازاي سهله
سوبر جيت ب 26 جنيه تنورينا
ههههههههههههههههه
لماضة
يارب تشتي يا دكتوووووره يارب
وكمان يارب ينجحك ويقويكي
david santos
متشكرين يا سيدي على المجامله
النص تاني من تعليقك ماليش دعوه بيه خاااااااااالص
ههههههههههههههههههههه
Desert cat
ليه بس
انا محبش اللي بيكرهو بلدهم
بس بحب اتفرج على الستا اوي اوي اوي
ومعايا مج نيسكافيه
هههههههههههههههههههههههههههه
حسن ارابيسك
انت فين يا ارابيسك حارمنا ليه من تشريفك
والله انا بحبها جدا جدا جدا في الشتا وواضح ان في ناس زيي
والدليل انت اهو
تحياتي ليك
مؤمنه
وعليكم السلام ورحمه الله وبركاته
ربنا يحفظك ويكرمك على الدعوتين الحلوين دول
وكل سنه وانتي كمان طيبه
انا باموت فى الشتا , انا سمعت فعلا من صحابى كتير إن اسكندرية رووووعة فى الشتا , استمتع على اد ما تقدر بس اوعى تاخد برد .
ازيك يا اسكندرانى
كل سنة وانت بخير وصحة وسعادة
لما الدنيا اتملت عندنا فى القاهرة من يومين برق ورعد ومطر العبده لله كانت ماشية زى المجنونة تحت المطر ولو كنت جوة مكان كنت اروح الشباك اغسل روحى بصوت وصورة المط
بحب المطر جدا لكن بتصيبنى حالة شجن غير عادية معاه
فما بالك لو كنت فى اسكندرية كنت هاقلبها مناحه !
تحياتى
هدى
gayalek ya marryaaaaaaaaa
:)))
زى الهوا
وسمعتي ليه
ما تجربي بنفسك مش فكره
عموما ربنا يستر من البرد اصل لانا بردي فيها شهر على ما يخف
نورتيني
rainbow
لا لا لا مناحه ايه
مافيناش من النواااااح
انتي استمتعي بالشتا والرعد والبرق
بس بلاش عيااااط
Epitaph
بجد دا خبر حلو اوي
دي الماريا تنوررررررررررر
بجد الله عليك يا اسكندرانى
على الرغم من ان اسكندرية دى حبيبتى اوى اوى إلا إنى لما بسمع حد بيتكلم عنها بحبها أكتر وأكتر
بصراحة هى فيها حاجة كدة بتعملها جوانا معرفش هى ايه بس تحس انك عاوز تحضنها اوى
هى جميلة فى كل وقت صحيح فعلا بتبقى اجمل فى الشتا عشان بتبقى بتاعتنا لوحدينا بس ماشى
تحياتى
ياااااااااااااااااه يا اسكندراني
عارف مش بروح اسكندرية الا في الشتاء
بحب بردها ومطرها
بحب هواها الي يطيرك من على كوبري ستنالي في شهر يناير
وموج البحر الي بيغطي شوارعها ويخبط في الصخور
حاجة ولا اجمل من كدة
تكون تتمشى وانت متجمد من البرد بس مبسوط في نفس الوقت
واحشتيني يا اسكندرية
طول عمري بقول ان الأسكندريه مدينه مثاليه تجمع ما بين الرقي والهدوء
مبروك البرد الي وصل يا سيدي
يا بختكوا والله
انا كمان الحمد لله الجو اتعدل شويه عندي هنا
صحيح لسه فيه حر بس الحمد لله
احسن من الحريق الي كان الواحد عايش فيه
مبروك الشتويه يا اسكندراني
ربنا يجعلها بالف خير يارب
كل عيد وانت بالف خير وسعيدد
متاخره صحيح بس انا طمعانه في كرمك اكيد
كل عام وانت بخير يا اخي الفاضل
تحياتي ليك جدا
سهر الليالى
اكيد اسكندريه دي حبيبه الكل
وليها في قلوبنا مكان كبييييير
اكيد في الشتا مافيهاش غير عاشقيها وبسسسسسسسسسس
تحياتي
Lemonada
اه من اسكندريه في الشتا
وجمالها والموج بيضرب الكورنيش وبشده
والبرد والمطر
يارب تشتي قبل ما اسافر
بلا عنوان
اسكندريه بتحتضن الكل
في الصيف مصطافيها
وفي الشتا عاشقيها
عاشقيها
و
بس
gohayna
دكتوره جهينه
كل سنه وانتي بالف خير
انتم الاحسن يا سيدتي
ومرحبا بيكي في اي اي وقت
الحمد لله ان الجو عندكو بدا يتعدل شويه
ويارب الرطوبه تنزل كمان وتشعرو بخريف جميل ان شاء الله
اسكندرية طول السنة جميلة وفى الستاء لها رونقها الخاص
مش قلتلك قبل كدة انك بتخلينى اشم ريحة اسكندرية فصورك تعرف انا حاولت اجى اسكندرية من سنتين مرتين بسافر وارجع وانا لسة مدخلتهاش انا عشت فيها احلى سنين عمرى فالشتا والصيف والشتا طبعا كان لة طعم تانى خالص
انت هتخلينى ارجعلها تانى
اقولك بس اشد حيلى شوية من تعبى واجى اسكندرية يوم اشم هوا البحر واركب فلوكة من المرسى واقعد ع كورنيش القلعة واكل سمك من قدورة
وهعزمك خليك فاكر
تحياتى وبراحة علينا شوية يا اسكندرانى والنبى
hend...hanady
اكيد اسكندريه حلوه كل وقت
والشتا خصوصا
كل شتا وأنت بدفا و عفا
عارف يا أسكندرانى مش عارفه ليه الجو ده بيحسسنى بالدفا و الأمان
غريبه
كل سنهو أنت طيب و متمتع بدفء أسرتك الكريمه
كلاكيت تانى وتانى
سيدتي اسعدتني زيارتك
الف سلامه عليكي وربنا يتم عليكي الشفا يارب
والف الف اهلا وسهلا بيكي في اسكندريه
العزومه دي واجب علينا
لكي الف الف تحيه
ايه السياح ده؟؟؟
كده حاتعمل دعايا لإسكندرية في الشتا و تتملى ناس
:))
سبحان الله يا اسكندراني
عارف؟؟
أول ما بدأنا ندخل في أول خمس أيام من سبتمبر
فعلا زي ما بقول السما إتحولت
بقت من مجرد بساط وااااسع لبني فارغ جدا
بقت لوحة روعة مليانة ألوان و مجسمات لسحاب تتفاوت كثافته
وأشعة الشمس متقسمة من وراه بخطوط دهب مش عادية
ساعتها حسيت بروعة الإحساس بشتا اسكندرية اللي واحشني بقاله سنتين بحالهم
و اللي زاد وغطى إنها شتتلي أنا بالذات في سموحة الصيف ده... فجاه الدنيا ظلمت و السما قفلت و المية نزلت ترزع على الأرض
وفجأه رجع كل حاجة تاني زي ماكانت
سبحان الله
Hannoda
ايه يا ستي ما تخفيش محدش حيقرب ناحيه اسكندريه في الشتا
مدارس بقى وامتحانات ودوشه فماتخافيش
اما الشتوايه الخصوصي دي بقى حاجه من عند ربنا
دي هبه وربنا يجعلك دايما من الموهوبين من فضله
كل الحب دة لاسكندرية ؟؟
بصراحة هي تستاهل
ومبروك البرد والمطر
عقبال ما يجي البرد هنا في الكويت لسة مشغلين التكييف
كراكيب عادل
اه انت حتقولي على الكويت وقطر والسعوديه
اه يااااني من المكيفات واللي بتعمله فينا
اشكرك على زيارتك
الله
شوقتنا ليها والله
cleopatra
اهلا وسهلا بيكي
الله وحشنى جو دخول الشتا
أحلى أيام فى إسكندرية فعلا هما اليومين دول
يا رب يخليك عيشتنى هناك دلوقتى
بس إنشاء الله حلحق حبة شتا
ما هو إنت أخدت عيد الفطر
وبإذن الله أنا حاخد العيد الكبير
تتصور متشوقة من دلوقتى
وعمالة أعد الايام
اوعى تاخد الشتا كله ومتسبليش حبة
ربنا يهنيك يا رب
ويحلى أيامك
Esmat
ربنا يارب يكتبلك كل السعاده
في اسكندريه وبراها
الشتا باين عليه جاي شديد السنه دي
رغم ان فيه كده موجات حاره لسه بتغلس
لكي كل التحيه
اسكندريه حتنور
يااااااه
امنية حياتى انى أروح أليكس فى الشتا
الى راحها فى الشتا بيقول
الى مراحش اسكندرية فى الشتا
يبقى لسه ماشفش اسكندرية
يا بخنك يا عم:))
طول عمرى اسكندرية بتعنى لى دوشة و زحمة لانى بروحها بالصيف ..
لكن يوم ما رحت بالشتا .. وقعت بغرامها و استغرقتنى حالة عشق غير طبيعية .. تمشى على الكورنيش و اغنية على الحجار تملا قلبك و احساسك و رزاز البحر بيلمس قلبك قبل ثيابك
ياااااااااه مافيش اجمل من الشتا بيها حقيقى
تسلم على الصور و تحياتى لك
انا حبيت اقول معاكو حاجه لانى عجبنى الموضوع اوى بذات لانى اسكندرنيه ولانو الاسكندرنيه كلهم مبيعشوش غير في الشتا فيها وفعلا بجد المشفهاش في الشتا مشفهاش
مجهولة
الف شكر ليك يا اسكندرانى اوى على تعليقك الرقيق بمدونتى
انا اخترت هذا البوست لك بالذات للتعليق عليه
لانى انا الاخرى اعشق اسكندريه بالشتاء
بعيدا عن الزحام وضوضاء المصطافين
اعشق المطر
اهيم عشقا بالرعد والبرق
فى الواقع املك شقة باسكندريه ولا اذهب لها الا شتاء
وبالتحديد فى مواسم
النوات كل نوه تقريبا
اخرج اقف امام البحر استمتع بالمواج ورذاذها على وجهى
وانهمار الامطار
وصوت الرعد
وبريق البرق
واظل هكذا الى ان اصبح مثل الكتكوت المبلول
ثم اتجه للمنزل واشعر ان الامطار غسلت روحى
فهنيئا لك بجمال اسكندريه بالشتاء
شكرا على
تعليقك على مدونة الصور
وشكرا على تعليقك بمدونه الشعر
وانا قلتك راى فى اسكندريه
اجمل بلد ربنا خلقها فى الشتا
والعن بلد ربنا خلقها فى الصيف
Monzer
تشرف وتأنس يا جميل
كلامك صح جدااااااااااا
لك كل التحيه واسف للتاخير في الرد
أريـــ [ السمر ] ــــج
اهلا بيكي ومرحبا بيكي في اسكندريه صيفا وشتاء
اكيد اسكندريه في الشتا لها طعم وريحه تانيه
تحياتي وتسف للتاخير في الرد
مجهوله
كم كنت اتمنى ان تكتبي اسمك كي اعرف من اخاطب
ولكن
اسكندريه بالفعل في الشتا لاهلها
اللي ما شفهاش في الشتا ما شفهاش
لكي كل التحيه
shreen
العفو يا ستي
ايوه بتيجي تشتي وتصيفي كمان يا حلااااوه
ههههههههههههههههههه
صدقيني لو قلتلك انا كمان بعشق حاجه اسمها رعد وبرق
وبتنطط كما الاطفال لما بتيجي النوه تقيله شويه
بجد انا سعيد بتعليقك وسعيد بتشريفك
واسف للتاخير في الرد
اسكندرانى اوى
انا ما بجيش اسكندريه فى الصيف
جربت مره وحرمت
بقيت باجى فى الشتا بس
واخيرا لقيت حد بيحب البرق وارعد زى
كل ما اقول كده لحد يفتكرنى مجنونه
وكمان الف شكر ليك على تعليقك على بوست
ما بعد همسات
ويكفى انك شعرت بما بها من احساس
تحياتى
shreen
الف اهلا وسهلا
احلى حاجه في الدنيا صوت الرعد ونور البرق ليلا على البحر
يااااااا لاااااهويييي
Post a Comment