هي: يوووووه هما جابو الاغنيه دي تاني
هو :ايه دي اه بحبك وحشتيني
هي: ايو ه
لحظه صمت
هو : الاغنيه دي بتدوس على زراير الغربه عندي وهيا مش ناقصه
هي: انا ما وحشتنيش اسكندريه
هو: وهو بيولع سيجاره ازاي يعني؟؟؟؟
هي: انا وحشتني الناس اللي فيها بس ومش كلهم كمان
لحظتين تلاته صمت
والاغنيه لسه شغاله
هو: يعني ما وحشكيش شارعنا ولا بيتنا القديم
هي: لا وحشاني الناس بس
هو: ولا حتى شاطئ اكتوبر والتمشيه عليه
هي : بيتهيئلي انت مزودها حبه
صمت
صمت
صمت
خلصت الاغنيه
ولكن لم تنتهي الاسئله
حقيقي ممكن نبطل نحب المكان ؟؟
حقيقي ممكن نبطل نحب الزمان؟؟
حقيقي ممكن نحب ناس مجردين بدون ما نتربط بالاماكن؟؟؟
هو :ايه دي اه بحبك وحشتيني
هي: ايو ه
لحظه صمت
هو : الاغنيه دي بتدوس على زراير الغربه عندي وهيا مش ناقصه
هي: انا ما وحشتنيش اسكندريه
هو: وهو بيولع سيجاره ازاي يعني؟؟؟؟
هي: انا وحشتني الناس اللي فيها بس ومش كلهم كمان
لحظتين تلاته صمت
والاغنيه لسه شغاله
هو: يعني ما وحشكيش شارعنا ولا بيتنا القديم
هي: لا وحشاني الناس بس
هو: ولا حتى شاطئ اكتوبر والتمشيه عليه
هي : بيتهيئلي انت مزودها حبه
صمت
صمت
صمت
خلصت الاغنيه
ولكن لم تنتهي الاسئله
حقيقي ممكن نبطل نحب المكان ؟؟
حقيقي ممكن نبطل نحب الزمان؟؟
حقيقي ممكن نحب ناس مجردين بدون ما نتربط بالاماكن؟؟؟
62 comments:
مظنش...عشقنا للناس بيرتبط ديما بالاماكن حتي ممكن تلاقي شخص بيحب مكان معين مثلا عشان بيفكره بشخص بيعزه او ليه ذكريات معينه فيه معاه
حبنا للناس بيكون شامل للمكان اللي هما فيه والزمان اللي عشناه معاهم بنحب كل حاجه ليها علاقه بيهم
بوست مليان غربه
سلامي ليك يااسكندراني وكل الود
الغربه شعور صعب والاشتياق والوحشه اصعب واصعب شعو ر الغربه بيطل من كل كلمه من كلمات البوست ربنا يجيبك بلدك بالسلامه يا اسكندرانى ويعينك على غربتك واشتياقك
الوطن مش مكان
الوطن بشر متجمعين
الوطن اخ واخت وصديق
الوطن لغة وثقافة ومنبع للحضارة
الوطن احنا مش تراب اراضينا بس
اسكندريه معناها ايه من غير الناس اللى بنحبهم الناس هما اللى بيحركوا شعور الاشتياق للمكان لاسكندريه
لو مفيش اهل واصدقاء واحباب موجودين بالمكان اعتقد ان الاشتياق مش هيكون بنفس الدرجه لو المكان فيه حد بنحبه
يعنى اعتقد ان ارتباطنا بالمكان
لارتباطنا بالناس الغاليين اللى به
دودو
بالعكس تماما.. مش عارفة أنا بس اللي كده ولا ايه
بس بجد العكس تماما هو الصحيح
الحنين الأكبر للأماكن.. للشوارع.. للهوى و روح البلد
لريحة اليود .. للون السما و لون الشمس
أما الناس
لينا ناس غالين .. و بيوحشونا و بتاشتاق ليهم
بس مش أكتر منها
ليه بقى؟؟
ده عاوزة بوست لوحدها
تحياتي
أيوه
وإذا راحوا الناس من الأماكن .. الأماكن ما بيبقاش ليها معنى بعد كده
الأماكن بتكتسب أهميتها من الناس
أنا في الدوحة يوم الأحد القادم
المكان والزمان والناس
اممممممم
متهيألى الشوق بيكون للتلاتة
وممكن يكون لكل على حدة
يعنى تشتاق لمكان كانت لك فيه ذكرى حلوة بغض النظر عن الناس
او تشتاق لوقت فى حياتك كنت فيه سعيد ..والظروف كلها حواليك هى اللى كانت مسئولة ..يعنى برده مش الناس لوحدها
او تشتاق لناس بعينها من غير ما تربطهم بزمان او مكان
او تشتاق للتلاتة بقا مع بعض زى ما حاصلك دلوقت ....وربنا يلهمك الصبر على بعدهم ..ويلهمهم معاك اكيد
طلع نفسك من المود ده ...عشان طول معاك
وكده مش حلو
ربنا يوفقك ويهون غربتك..ويجمع شملك باهلك قريب
:) ..
tota
يا مرحب يا مرحب
من وجه نظري ان الناس ممكن تزيد حبي للمكان
لكن حب المكان في حد ذاته مهمممممممممممممممممم
نورتي
ولكي كل السلام والتحيه
mano
اه والله ربنا ما يحكم بيها على حد
اشكرك اوي اوي على دعوتك
وربنا يرد المغتربيين جميعا الى بلادهم واهلهم
دودو
عزيزتي الغاليه اوي اوي اوي
انا مازلت على رايي
ان الناس ممكن تزيد حبنا للمكان
لكن الارتباط الاساسي بيكون في القلب للمكان
وبعدين حقولك حاجه
اختلاف الراي لا يفسد للود قضيه
مش كده ولا ايه
نورتي البوست
كده البوست بالفعل بقى له طعم تااااني لما علقتي
وش بيضحك
وجنبه
وش مكسووووف
Hannoda
معاكي واؤيدك تمااااااما في رايك
وماله يلا مستنيين البوست بتاعك ناقشي فيه اللموضوع
نورتي جدا جدا
يا مراكبي
يا هندسه
برضه وجهة نظر ومنطق
عموما باب النقاش مفتوح وخلينا نشوف ايه اللي حنوصله
مرحبا بيك في الدوحه
ياريت تكلمني ونتقابل
انا بعتلك المحمول قبل كده معاك ولا ضااااع
نورت يا باشا
Jana
معضله صعبه انا عارف
المكان والزمان والناس
ههههههههههههههه
طول ما انتي بعيد عمر المود ما حيتعدل 100%
ولكن اهو ادينا عايششششيييين
نورتي
mohand
اشكرك على رايك يا جميل
بس حقولك حاجه
ايه فايده اللي بنحبهم من غير ما يكون في مكان بنحبه يجمعنا
برضه ارجع واقول
اختلاف الراي لا يفسد للود قضيه
نورت يا مهند
ما تحرمناش من زياراتك
كل ده بيعود علي الانتماء
ضاع
ممكن يا استاذ اسكندرانى لو الامكان قسيت علينا
حتى لو كان لينا فيها اجمل الذكريات بنفتكر الذكريات الحلوة وبمجرد تذكرنا للقسوة الى شوفناها بتروح الذكرى وتختفى الابتسامة
تحياتى
عروس البحر
اهلا وسهلا
الانتماء
كلمه كبيره تحمل الكثييييييييييير من المعاني
نورتي
يا مراكبي
عااااااااااااااااااا
انا بعتلك ميل بالرقم
Desert cat
تفتكري ممكن يا استاذه قطه الصحرا
ايه استاذ دي
احنا فينا من كده
هههههههههههههههه
والله برضه دي وجه نظر اخرى وزاويه تانيه للموضوع
اشكرك جدا على التعليق المثمر ده
نورتي
شوف يا خاااال
أولاً بتعجبني قوي الحوارات إللي إنت بتعملها من ساعه زوج مدونه
وزوجة مدون
ثانياً كل إنسان مننا بيرتبط بأشياء بعينها مختلفه عن الآخر وده بحسب طبيعة الحياه إللي عاشها
قولي إزاي؟
قلت؟
:)
لما تعيش حياتك كلها في منطقه واحده وبيت واحد فإنت بترتبط بالناس والمكان فى نفس الوقت
أما لو زي حالاتي من صغرك كل شويه في بلد
فإنت بشكل طبيعي حتهتم بالناس بشكل أكبر مهما إختلف المكان
أما الزمان فهو مرتبط بالذكريات اللى بتمر بيها في حياتك كلها
وفي مختلف الأماكن ومع كل الناس إللي مروا في حياتك
ألا صحيح هو البوست ده من غير عنوان ليه؟
:):):)
انا جي اسلم
واسال اخبارك اية مع الغربة
بس البوست كفاية
تحياتي
لا طبعا مينفعش
لازم يكون في ارتباط بالمكان و الزمان و الريحة كمان
انا وحشتني ريحة شوارع مصر و الله يا اسكندراني
ليه عبق مختلف تماما
الاماكن ليها تأثير رهيب يا اسكندرانى انا للأن مش بروح اسكندرية برغم عشقى لها ولا احتمل ان اشم رائحة البحر وانا اقترب منها وعندما حاولت يوما انفطر قلبى حزنا ع ايام كانت من اجمل ايام حياتى
انت صح
وببساطة انت انسان عندة قلب فزمن عزت فية القلوب
تحياتى
ازيك اسكندرانى
انا هفلسف الموضوع شوية
من وجهة نظرى فى ناس الذاكرة بتاعتها تصورية يعنى بتحتفظ بالصور اللى بتلقطها العين و بتبقى لها هى دى الذكرى
و ناس تانية بتكون الذاكرة بتاعتها سمعية و دول تلاقيهم فاكرين الحوار اللى دار بينهم و بين الناس و هنا بتبقى الذكرى مرتبطة بالناس و بس
اختلاف الذكرى مش المشكلة
المشكلة لو ان نفس الذكريات كانت حلوة لك و وحشة لغيرك
انا بعشق الاماكن وممكن انسى الحوار تماما
تحياتى و مودتى
loumi
ههههههههههه
عجباكي اوي الحورات خانووووم
اتفضليها يا ستي ولا يهمك
بصراحه التنقل بين الاماكن في حد ذاته بيخلق جوايا حنين كبير لكل مكان وكل ركن
انا عارف ان الموضوع ذو شجون بالنسبه لكي
ولكن اختلاف الراي لا يفسد للود قضيه يا ستي
اديني عنونته اهه عشان ما تزعليش
نورتي
اسكندراني في الغربة
الف اهلا بيك وسهلا
اشكرك على السؤال واديك عرفت الاجابه من البوست يا سيدي
ما تحرمناش من الزياره ارجوك
نورت
S H A H
اهلا اهلا انت فين يااااارجل محدش شافك من زمان
شفت بقى حتى المكان له ريحه الواحد بيشتاق لها
يا سلام عليك
اشكر لك الزياره
كلاكيت تانى وتانى
اه من الاماكن واللي بتعمله فينا
لو بايدينا كنا اخدنا الاماكن اللي بنحبها معانا
لكنها بالفعل موجوده في الذاكره
وده العذاب بعينه
اشكرك على كلامك ولو اني شايف انه كتيير عليا
Rainbow
مش فلسفه ولا حاجه والله
دا كلام صح جدا جدا واضيف عليه ان الذاكره التصويريه لما تبقى متداخله معاها كمان الذاكره السمعيه بتبقى صعبه اوي اوي اوي
اشكرك بجد على زيارتك
لا طبعاً صعب جدا نبطل نحب الأماكن والناس والحاجات
دى نعمة كبيرة اوى إنك تكون عندك القدر على الارتباط بالأشياء لأن هذة العلاقات الوحيدة التى تخلو تماما من المصلحة
وكمان هى الى بتفرق بين انسان بيحس اوى وانسان عايش وخلاااص مفيش حاجة بتفرق معااااااااااة
تحياتى
انتظر مرورك لصدقك
مش عارفه بس حاسه مفروض انت اللي تصبرها مش العكس
وكمان شكلها بتمثل انها جامده
عشان ما تحملكش فوق طاقتك يعني يبقا غربه وكأبه
ارحمها يا عم هي ناقصه؟؟
اكيد حاسه زيك بس بالعه وساكته عشان خاطرك ما هي بني ادمه برضه
سلم عليها وخف شويه حاولو تتسندوا علي بعض عشان ايام الغربه تعدي ما ترميش اوي عليها حرام عليك
متهيألى جزء لا يتجزأ
الذكرى بالمكان بالناس
عندما تتذكر الذكرى تذكرك بالمكان وعندما تتذكر المكان لابد انك تتذكر الناس المرتبطة بهذا المكان
اظن ان اسكندرية صنعت حبنا للناس وارتباطنا بالمكان
فا هى قادرة على فعل ذلك
الحنييييييييييييييييييييييييييييييييييييييييييييييييييييييييييييييييييييييييييييييييييييين الغربة وحشة قوى اشالنى انا
مش ممكن
الحنين مرتبط بشخص وزمن ومكان
.
حلوة الفكرة
.
.
تحياتى وسلامى
السلام عليكم
أكيد اللي بيحب أشخاص لازم يحب الأماكن اللي كان له ذكريات فيها مع الأشخاص
وحتى بدون الأشخاص فالإنسان بيحن للأماكن اللي عاش فيها فتره من حياته حتى وإن كانت الفترة دي مش سعيدة
حتى الشاعر بيقول
نقل فؤادك حيث شئت من الهوى
ما الحب إلا للحبيب الأولِ
كم منزلٍ في الأرض يألفه الفتى
وحنينه دوماً لأول منزلِ
خالص تحياتي
دعاء مواجهات
اشكرك على تعليقك
اعدك بالزياره
على رايك فيه ناس كتير مش فارقه معاااااهم للاسف
وربنا يجعل احساسنا دايما موجود
نورتي
بنت القمر
في ايه بس يا ست الكل مالك داخله فيا شمال كده ليه
والله وبجد احنا الاتنين بنسند بعض
واحنا الاتنين ان جيتي للحق بايظين خاااالص من جوا
حاضر حعمل بنصيحتك بس من غير زق والنبي احنا مش قدكو
ههههههههههههههههه
تحياتي
نبض اسكندرية
لحد كبير كلامك صح وحقيقي ميه في الميه
ووجهة نظر مختلفه تستحق التقدير
اشكر لكي الزياره
شاب اسكندرانى
بس بس بس ربنا يكون في عونك
عارف ومجرب ودايق يا سيدي
ربنا يهون عليك وعلينا
princess dodo
برضه فكره
ارتباط الحنين بالزمن والمكان والاشخاص
برضه صح
نورتي وانستي
علاء سالم
اشكرك بجد على الزياره
وبيتين الشعر دول فيهم الفايده بجد
نورت يا باشا
لا معتقدش و بالذات مع أسكندرية كل عشاق الأسكندرية عشقهم للمدينة نفسها طغى على عشق اهلها لأن ممكن ببساطة اهل أسكندرية يبقى فيهم عيوب بتضايقنا زيهم زى اى اهل مدينة تانية لكن بيفضل الشارع الفلانى و الشط العلانى و الرملة و الموجة لا غلطوا فينا و لا زعلونا يوم ولا احنا زعلناهم بالعكس يا ما البحر سمع شكوتنا و هو ساكت و بيبلع الهموم مش بيزودها
بوست رائع تحياتى
على فكرة التعليق الى قبلى ده على طول فيرس
عاليا احليم
سا سيدي يا سيدي على الكلام حكم والله حكم
فينك يا حواء تيجي تقري الكلام ده
تسلم ايديك بجد
اشكرك على التنبيه وحلغي التعليق
لاء مش ممكن
احنا بنرتبط بالمكان
بالجدان
بالتراب
يريحه الهوا
ولو معانا كل الناس الى بنحبهم هنشتاق للمكان الى حبيناهم فيه
تحياتى
شيماء:)
سافرت لفترة قصيرة ومع ذلك كنت فى اشتياق لكل مكان وكل الناس اللى بحبهم
الاماكن بتحبنا وبتستنانا زي ما احنا احساسنا بيها بالظبط
حب المكان مرتبط كمان بحب الناس والذكريات
تحياتي
لا طبعا لا يمكن نبطل حنين للأماكن التى حملت ذكريات اتحفرت بداخلنا
يمكن يتغير شكل الجنين بس هو موجود
حنين للأماكن للناس دى مجرد حتى اغنية لو سمعناها بتعيد علينا زكريات بالأماكن كمان احيانا
تحياتى يا اسكندرانى
السلام عليكم يا اسكندرانى
بعيدا عن اسكندريه أو غيرها من المدن..أعتقد مينفعش أحب حاجة واحد بس من التلاته (الزمان و المكان و الأشخاص) اكيد لو حبيت حاجة فيهم غصب عنى حلاقيها بتفكرنى بحاجة تانيه و حلاقى ان كلهم مرتبطين ببعض..مينفعش أحب وقت أوى و الوقت ده ميفكرنيش بمكان معين كنت بحبه أو بشخص معين أنا كنت بقعد معاه و العكس..والله ف كل الأحوال ده احسن كتير من ناس ف الغربه و مبتنزلش تشوف أهلها بال 20 سنه و أكتر.تحياتى
مش ممكن
انا وحشتني مصر و نفسي اشوف ماما و بابا و البيت و الشارع و كل الاماكن بس مش عايزة الزحمة و لا التراب و لا الغلاء و لا الاستغلال و لا النصب اللي بتعرضلهم كل اجازة
معادلة صعبة
بحبك وحشتيني بس اوعي تقرفيني
كده تبقى اوقع
تحياتي
ههههههههههه
انا كلامى حكم ؟؟؟؟ ما علينا
عندى ليك اهداء
على فكرة انا اسكندرانى وعايش برة مصر وكنت بروح اكتوبر ووحشنى كل حاجة فى اسكندرية ..بس الكلام ملوش لزمة
تحياتى
هههههههههههههه
الف مبروك
أصله يا خال
كان صعبان عليَّ
يعني لو تاه نوديه فين؟؟
تحياتي
إسكندرية بالذات
مش مجرد بشر
إسكندرية بالذات مكان
أنا لو مع كل أهلي و أصحابي
بس مش في إسكندرية
بردو هشعر بغربة
دى إسكندرية مش أي حاجة :))
الغربه صعبه
بس الاصعب ان نشعر بالغربة ونحن في اوطاننا والاصعب من ذلك اكثر واكثر ان يشعر الوطن ذاته بغربة
الوطن ارض وسما وناس
رائع انك تملك مساحة كبيره في قلبك لوطنك
دمت
روري
اولا السلام عليكم
ثانيا وحشني يا اسكندراني جداااااااااااا
فينك مين يوم ما قولتلي
صرخه من عمق القلب
وش عينيه مدمعه
وبكتني وخلتني احرم احط بوست لاسكندريه
شكلك من يومها توهت عن مدونتي ولا تكون خدتك موجه جامده
كل ما استخدمت اكتر من حاسه من الحواس في ادراك الشيء
كل ما انطبع اكتر في الذاكره
يعني لما تكلم شخص في مكان معين
بتستمع لصوته
وترى ملامحه وتفاضيل المكان
وقد تشم رائحه يود البحر
وتسلم عليه
وتقول نكته تضحكه
ويسلام لو كمان قلبك كان بيحمل اي نوع من المشاعر
مليون في الميه هتفتكر الموقف ده بكل التفاصيل عن لو كان الموقف بتفصيله واحده
كمان لو نطاق حياتك ضيق بمعنى اماكن قليله اللي بتروحها
تحمل كثيييييييييير من الذكريات على مدار السنين
اكيد هيكون تعلقك بالمكان اكبر ما يكووووووووون لانه كنز حياتك
وقس على ذلك
سلام يا واحشني
لكل من قام بالرد ولم يسعفني الوقت لارد عليه بالاسم
اشكركم جميييييييعا واعذروني معلش
جاى عالجرح
انا برضه حاسه انى الوحيده اللى " مزوداها حيه " على راى الاخت
و كانى الوحيده اللى سبت مكان انا كنت عايشه فيه و كل اللى حواليه سابوا الناس بس !
صدقوني و الله الكلام ده كانه خارج من لساني انا وز بيعبر عن حالي انا انا اسكندرانية اوي و اضطرتني الظروف اسافر بره من سنتين وحشاني اسكندرية و الناس و الحنين عندي ملهوش محطة يقف عندها
لا
انا رايي لا
انا بحب الاماكن في حد ذاتها
بيتنا القديم
شارع مدرستي
الشجره اللي حفرت عليها اسمي بسن البرجل
ريحه اللب السخن في المقله
بتاع عصير القصب
شارع الجامعه
ستاد ناصر وقت متشات الاهلي والزمالك
باحب الاماكن بصرف النظر عن حب الناس
اه بحب الناس لكن حب مالوش دعوه بالاماكن في نفس الوقت باحب الاماكن حب مالوش دعوه بالناس
وعلي راي صلاح جاهين
الشوارع حواديت
حودايه الحب فيها وحودايه عفاريت
اميره وجهة نظر برضه
الناس والاماكن تكريبه متجانسه
وآه يااااني
Post a Comment