اما زلت غاضبا

اما زلت غاضبا
كلما ا تيت اليك اشكو لك همي
تصرخ في وجهي الست انت من يسمعني
اذن لماذا تغضب
اشكو اليك ....من من تركت
وشق بسكين الحب فؤادي
لما يابحري
نعم انت بحري انا
السنا من زمان اصدقاء
ومن عهد القصر وانت تسمع لي
اما زالت شكواي تغضبك
اعرف اني لست بذلك الطفل اللي اعتاد اللعب على شاطئك
فقد اخذتني امواج اخرى الى شواطئ اخرى
غريبه
ليس فيها
هوائك
ولا ملحك
ولا مائك
ليست رائحتك هي ما استنشق هنا
انه بحر لكن ليس مثلك
فانت يا بحري اين انت
ساظل اشكو وستبقى غاضبا

زوج مدونه

الساعه 4 العصر وزوج المدونه نايم

واولاد المدونه في التمرين في النادي

المدونه شغلت الكمبيوتر وهوب لسه حتسجل دخول

ياماما هو مافيش غيارات نضيفه عندي ولا ايه

(هو دا ايه اللي صحاه مش كان نايم)

ازاي يا حبيب يفي الدرج التاني في الشفنيره

مافيش مش لاقي حاجه

طيب يا بابا جيالك

تدخل الاوضه تلاقيه فاتح الدرج الاولاني

يا بابا دي غيراتي انا

غيراتك اهه

النظره في عينه بتقول ما انا عارف

وياخد الزوج الغيارات ويدخل ياخد دش

تجري عشان تلحق الردود كتير على اخر بوست

وعاوزه ارد على الناس

سجلت دخول وقرئت اول تعليق ولسه حترد

يا ماما عاوز فوطه لو سمحتي

في حد في الدنيا يدخل يستحمى من غير فوطه)

حاضر يا بابا

وترجع جري على الكمبيوتر عشان تكمل رد

يا ماما يا اما يا اماتي...دا التليفون بيرن الرنه بتاعه العيال

خير الله ما اجعله خير

ايوه يا حبيبي

مامي الكابتن استاذن بدري تعالي خدينا

طيب جايه ما تتشاقوش على ما اجي وبلاش ا لعناب الساقع اللي بتاخدوه من الكافيتريا

بابا الكابتن اعتذر والعيال مستنينك

ولا ردددددددددددد سكون تام

ترد بسرعه على تعليق في البلوج

يا بابا.....وبتبص ناحيه الباب لقيته واقف ماشاء الله وعنيه حتطلع على الشاشه وبيقول

سمعتك

ايه يا ماما في حاجه

بقولك الكابتن اعتذر والعيال مستنينك في النادي

ابتسامه صفرا

يماما انتي مش عارفه ان في اجتماع اتحاد ملاك النهارده عند الاستاذ ص

نظره انتصار

ونظره حصره

خدي المفاتيح وروحي هاتي العيال

..........................................

تسجل خروج من غير ما تكمل رد

حرم مدون

الساعه 10 صباح يوم اجازه

المدون بيقول يا هادي وبيفتح الكمبيوتر
حرم المدون بتنده من المطبخ ...مش حتنزل تجيب لنا الحاجه اللي كتبتها لك في الورقه
المدون لا تعليق!!!!!!!!!!!
اخيرا الدايل اب جمع وبدا يفتح المدونه
حرم المدون لسه من المطبخ بتقول انت ما سمعتنيش ولا ايه
المدون لا زال لا تعليق
الحمد لله البلوج فتحت وحيبص على اتعليقات الجديده على اخر بوست
(حرم المدون وصوتها بقرب (تقريبا سابت المطبخ
في ايه انت مش بت رد ل ي ه
اه انت قعدت قدام الجهاز طيب!!!!!!!!!!!
المدون اه بس ببص على التعليقات الجديده على البوست الاخير
زوجه المدون لمحت اسم صاحب اخر تعليق (شركسيه) ودي بقى راجل ولا ست ان شاء الله
المدون يا ستي وانا ايش عرفني حد ساب تعليق حرد عليه انا حتجوزه
زوجه المدون طب وريني كده ايه اللي مكتوب
المدون استني بس لما ارد الاول
زوجه المدون تلمح المكتوب
(بوست عسل خالص ايه الحلاوه دي بجد بجد بوست يجنن باي)
زوجه المدون عسل اسود ومهبب على دماغها
المدون يبصلها وما يردش
المدون مش عارف يركز في الرد لان فيه تلات ردود لسه عاوز يرد عليهم
زوجه المدون مش حتنزل بقى تجيب الحاجه من تحت
المدون يبصلها تاني طب اخلص وانزل
المدون يحاول يركز
زوجه المدون طب ما تنساش ابقى خد كيس الزباله معاك و صوتها بيبعد
المدون يرجع تاني للبلوج ويجي يرد
يفاجا بان الدايل اب فصل
ويسمع صوت زوجه المدون بتكلم صاحبتها في التليفون
اصلها رفعت السماعه من الصاله فباتالي الدايل اب فصل
المدون يشد فيشه الجهاز وياخد كيس الزباله وينزل
زوجه المدون تخلص المكالمه بسرعه
وتجري على الجهاز تفتحه وتدخل البلوج
تروح على شركسيه
تفتح البروفيل تلاقي

Age: 44
Gender: Male
Astrological Sign: العقرب
Zodiac Year: الحمار
Industry:مدرس
About me:بحب الاكل اوي
Blog name:شركسيه

تفصل بسرع النت وتطفي الجهاز
المدون رجع شايل الحاجات ودخلها المطبخ
زوجه المدون مش حتدخل ترد على الناس اللي بعتالك تعليقات على البوست الاخير
المدون بيبصلها وياخد بعضه ويدخل الصالون يفتح التلفزيون على الجزيره

ملحوسه: الموضوع كله محض تاليفي ولا يمت للواقع بصله
ولو فيه تشابه بين التاليف والواقع مسؤليه الواقع مش مسئوليه المؤلف

استايبنا

اسكندريه زمان

تحديث في 5-7- 2007

اشكر جدو جدا على مساعده واهدائه رابط يشرح اجابه سؤالي وكذلك الشرح الوافي

واشكر انسانه على الشرح الوافي اللي قالتهولي في الرد بتاعها

اكم جزيل شكري وامتناني واعيش واسالكم
انا لغيت الؤال من البوست مدوروش


كلنا طبعا لما بتيجي سيره اسكندريه بنفتكر البحر وطريق الكورنيش والمنتزه وميامي والمعموره ومحطه الرمل والمنشيه وكوبري استانلي

لكن ياترى اسكندريه دي من 100 سنه كان شكلها ايه شوارعها ايه ومواصلاتها ايه وشكل العيشه دي كانت ايه

تيجو نتفرج على اسكندريه من 100 سنه كانت ازاي

مسرح زيزينيا سنة 1911

شارع فؤاد سنة 1930

شارع سعد زغلول الحالي سنه 1913

تقاطع شارع المانيا وشارع رشيد محدش يقولي فين دول

كورنيش سبوتنج سنه 1934

شاطئ استانلي سنه 1928

baccus-city ترام باكوس مستعاره من

محطه القطر في سيدي جابر سنه 1901

دا بقى ميدان محطه الرمل سنه1937

طبعا الذكريات ما بتنتهيش ولو جينا قارنا بين اسكندريه زمان واسكندريه دلوقتي حنلاقي فرق كبير في الشكل

لكن المضمون والروح هي هي ....حتى الاسكندرانيه برضه هما هما

وصدقوني لو قولتلكم اني احيانا بتمنى اني كنت اعيش في الايام دي لاني دايما بسميها ايام الزمن الجميل

مش كده ولا ليكو راي تاني؟؟؟

......!!!! الف ليه

ليه لما بنصحى من النوم الصبح اول حاجه بنفكر فيها

انا مش رايح الشغل النهارده ؟؟؟؟؟؟؟؟؟؟؟؟؟؟؟

ليه لما بنصحى من النوم الصبح اول حاجه بنفكر فيها يا سلام على خمس دقايق نوم زياده كمان؟؟؟؟؟؟؟؟؟؟

ليه لما بنصحى من النوم بقول اه سيجاره وكوبايه نسكا فيه او اسبر سو يا وعدييييييييييييييي؟؟؟

وليه وليه وليه لما بنصحى من النوم الصبح !!!!!!!!!!!!!!!

وليه بنفضل مشتاقين للحبايب

وليه نفضل مشتاقين للعذاب

وليه في اليالي نفتكر اللي غاب

واناجي البحر واقوله

سلملي عليه وقوله

والله قلبي معاه وبفكر فيه

ليه يا ناس ليه

وزيد عليهم الف الف ليه

بحرنا

احلى حاجه في بحرنا انه فعلا

ملوش حدود

بص له............. واسرح

وخلي حلمك في الافق يرمح

بهبه ريح

بلسعه شمس

بيوم غيمه يمطر ......ملح ؟؟

وساعه المغرب تنزل شمسنا تغطس

وبعدها تغمض عنيها

ويبدا النسيم في الهمس

ويوم ما نرجع اكيد اكيد حتفتح بابها

وبالاحضان تلاقينا

وكل الحبايب مستنين اليوم

اللي يرجع ليهم حبيبهم

اللي فيوم سافر

ملحوسه: دامش شعر دي مجرد دردشه

اسبوع ............معقوله

اسبوع مر على عمر هذه المدونه
صدقوني مر بسرعه رهيبه مع ان اليوم في الغربه هنا بسنه والساعه بيوم
لكن النتيجه النهائيه اسبوع
يارب الباقي على خير

زارني في الاسبوع ده ناس مكنتش اعرفهم قبل كده وفرحت جداا جداا بزيارتهم
لكن في عالم المدونات اللي عمري فيه اسبوع مدون وسنه قاريئ
اقدر اقول ان مسير الحي يتلاقى

المنتزه صيف 2005

(حتى لو على صفحات هذا الفضاء الافتراضي(هما مش بيسموه كده برضه

سعدت بزياره من زارني و ترك بصمه
وسعدت بمن قرأ وجري ولا كانه جه

لكن الاهم اني سعدت بزياره زوجتي للمدونه

وفي حاجه مهمه اوي عاوز كلنا نشترك فيها ان ندعو للدكتور محمد بالشفاء العاجل

ربنا يرجعك لينا بالسلامه يا جدو

ياريت اشوفكم كتير لاني محتاج حد معايا ....بجد بجد

مدون من اسبوع