الساعه 4 العصر وزوج المدونه نايم
واولاد المدونه في التمرين في النادي
المدونه شغلت الكمبيوتر وهوب لسه حتسجل دخول
ياماما هو مافيش غيارات نضيفه عندي ولا ايه
(هو دا ايه اللي صحاه مش كان نايم)
ازاي يا حبيب يفي الدرج التاني في الشفنيره
مافيش مش لاقي حاجه
طيب يا بابا جيالك
تدخل الاوضه تلاقيه فاتح الدرج الاولاني
يا بابا دي غيراتي انا
غيراتك اهه
النظره في عينه بتقول ما انا عارف
وياخد الزوج الغيارات ويدخل ياخد دش
تجري عشان تلحق الردود كتير على اخر بوست
وعاوزه ارد على الناس
سجلت دخول وقرئت اول تعليق ولسه حترد
يا ماما عاوز فوطه لو سمحتي
في حد في الدنيا يدخل يستحمى من غير فوطه)
حاضر يا بابا
وترجع جري على الكمبيوتر عشان تكمل رد
يا ماما يا اما يا اماتي...دا التليفون بيرن الرنه بتاعه العيال
خير الله ما اجعله خير
ايوه يا حبيبي
مامي الكابتن استاذن بدري تعالي خدينا
طيب جايه ما تتشاقوش على ما اجي وبلاش ا لعناب الساقع اللي بتاخدوه من الكافيتريا
بابا الكابتن اعتذر والعيال مستنينك
ولا ردددددددددددد سكون تام
ترد بسرعه على تعليق في البلوج
يا بابا.....وبتبص ناحيه الباب لقيته واقف ماشاء الله وعنيه حتطلع على الشاشه وبيقول
سمعتك
ايه يا ماما في حاجه
بقولك الكابتن اعتذر والعيال مستنينك في النادي
ابتسامه صفرا
يماما انتي مش عارفه ان في اجتماع اتحاد ملاك النهارده عند الاستاذ ص
نظره انتصار
ونظره حصره
خدي المفاتيح وروحي هاتي العيال
..........................................
تسجل خروج من غير ما تكمل رد
31 comments:
السلام عليكم
طيب والله الزوجه دي غلبانه
ربنا يعينها
احييك علي استكمالك للموضوع
بس في نقطه كنت عايزه اوضحهالك بالنسبه للحريه
انا لو عايزه اعمل حاجه غلط هعملها لو كنت الناس كلها موجودخ وبتراقبني
ولو مش عايزه مش هعمل حتي لو كنت لو حدي
دا شئ اولا واخيرا بيرجع للتربيه
ازاي الاب والام رابوا اولادهم
ازاي يطلعوا عندهم مسئوليه
وممكن نثق فيها
في ظوابط لكل فعلا
اسفه علي الاطاله
تحياتي
bossy
اهلا بيكي
كلامك مظبوط 100% وتسمحيلي ازود ان الالتزام الديني كمان مهم جدا
والله ناس قالتلي اكمل وناس قالت لا
وانا مشيت ورا احساسي
ورزقنا على الله
الجوز غلابه وحالتهم كرب
هههههههههههههه
نورتيني
تحياتي
واللهى الحلقات دى ممتعه أوى أوى
يريت تكملها
لأنها بجد مواقف حقيقيه
بجد تحفة يا اسكندرانى
جميلة ولازم تكمل لحد ماتحس انك خلاص كده جبت اخرك
والمفروض اصلا انه يكون فى ثقة بين الزوجين والحب والتربية هو اللى هيخلق الثقة دى
بس بجد جميييييييييييلة
خيالك كويس جدااا
في القلب
اشكر ليكي زيارتك
والله هي مش حلقات ملا حاجه هي بس تخيل للي ممكن يحصل في الحياه
وبرضه بقول ان دي مجرد تخيلات مش احدهث حقيقيه
تحياتي
aliaa
يا اهلا وسهلا بيكي
اشكرك ياستي لا تحفه ولا حاجه دي كده بس خربشات
اكيد الثقه بين الزوجين شيئ اساسي لا من غير الثقه الحياه الزوجيه تبقى جحيم
بس هي حته الغيره ان مش عاوز حد يشغل مراتي وا جوزي عني
بس يا ستي دي كل القصه
تحياتي
ههههههههههههه
وهيه متشتريش لاب ليه وتمشي بيه ... بدل ما تقعد تجري من هنا لهنا تبقى ماشية وهيه معلقة اللاب في رقابتها وبتكتب وترد ع التعليقااات
جميله خليتنى اتخيل فعلا انى
امام اشخاص حقيقين
دمه خفيف اوى زى حرم مدون
والحوار كمان عسل وفى حاجات ضحكتنى اوى
غيرت رايى جديد البوست ده فى روحه
وبعدين المواهب دى كانت فييين ؟
دودو
sakayar
صح فكره حميله وتشغل كمان برنامج تحويل الصوت الى كتابه
عشان تبقى حره الايدي
افكار 10على 10
هههههههههههههههههههههه
نورتني
دودو
يا اهلا وسهلا و 300 مرحبا
الحمد لله ان البوست عجبك
مش قلنا كده قلتو اطلعو من البلد
المواهب موجوووووووووده بس كله بوقته
تحياتي
اسكندراني
بوست لذيذ وواقعي جدا
بس صراحة هي المفروض ما تبدأش تشوف اللي هي عايزة تعمله الا لما تخلص كل التزاماتها بدل التشوش اللي هي عايشة فيه
تحياتي
Anonymous
الف شكر لزيارتك والله هو من جه واقعي فهو الى حد كبيير واقعي وممكن يكون بيحصل
انا ما اتشرفتش بالسم وبالتالي معرفش اقولك نورتي ولا نورت
عموما شكرا للتعليق
السلام عليكم
معلش انا ابتديت من الاخر
لقيت البوست بيوصف حالى
مع الفرق انى مابخدش مفاتيح العربية من جوزى لأنى مبعرفش اسوق...وباخد تاكسى
فعلا بتجيب حالات من الواقع
المدونة اكثر من رائعة
وحاروح اقراها من اولها
تحياتى
nana
اهلا بيكي ونورتي
ههههههههههههههه
هو دا فعلا بيحصل معاكي
يعني انا ما جبتش حاجه من بره
طب ما تتعلمي السواقه هو عيب
المدونه تنور بتصفحك ليها
واشكر لك تشريفك
دمك خفيييييييييييييف يخرب عقلك
أنا هفطس م الضحك
ايه يا ابنى اللى بتعمله فينا ده
؟؟؟؟؟؟
لا و الله دمك خفيف موت
هبقى أقرالك علطول و هحطلك لينك ليك بعد اذنك
تحياتى ليك
Eman Eltaher
يا اهلا وسهلا
شكرا على المجامله
يحصلي الشرف انك تضيفي لينك ليا عندك
تحياتي
اسكندرانى قوى
حال المدونين والمدونات متشابه جدا سواء من ناحيه تدخل الازواج والزوجات او الام والاب
لأن ببساطه إحنا ثقافه الحريه الشخصيه مش فى قاموسنا
لو كل واحد راعى حريه الاخر مش حتبقا فيه مشكله
تحياتي
loumi
اهلا بيكي نورتي
اسوء شيئ في الوجود ان حد يحط مناخيره في حياه الاخر الشخصيه
انا اوفقك تماما ان الحريه الشخصهمفتقده لحد كبير في مجتمعتنا الشرقيه
بس حنعمل ايه
امرنا لله
برضه حنفضل بلوجرز
تحياتي
والله الست دي غلبانه جدا
مش ملاحقه
عشان البيه جوزها اكيد مش فاضي
اصل انت عارف كلهم بيكونو راميين الحمل من علي دماغهم وسايبن كل حاجه عليهم
منزلش هو ليه يجيب العيال
بجد مفيش تقدير لحريه الطرف التاني
انه يقتطع لنفسه ولو وقت صغير جدا عشان خاطر يعمل حاجه بيحبها
يلا ما علينا
المهم انت ازيك
بقالك فتره غايب
خير
تحياتي
gohayna
والله الكل غلبان هو المره اللي فاتت عاوز يكتب ومش عارف
وهي المره دي
عاوزه تكتب ومش عارفه
ليه ما يبقاش في مساحه الطرف يقدر يتحرك فيها
بدل ما الطرف التاني يبقى كابس على نفسه
يا ساااااااااااتر
هههههههههه
شرفتيني بزيارتك
انا موجود
ولسه بدون اهه
اسكندرانى
اولا ميرسى اوى على زيارت ليا فى مدونه الفاشون والكومنت
ثانيا المدونه عندك جميله
و فكره البوست اجمل
دايما الزوجه بيكون عليها عبء كبير فى واجباتها ناحيه بيتها وعلشان تقدر توفق ما بين بيتها وحياتها الشخصيه بيتطلب ده منها مجهود كبير
ربنا يكون فى عون الزوجات :)))
بحييك على كتابتك
تحياتى
reemo
اهلا بيكي
العفو بصراحه ريمو فاشون تستاهل الزياره بجد مش مجامله
اكيد الست عليها عامل كبير وعبئ كبير ربنا يكون في عونها خاصه لو كانت مدونه
هههههههههههههههه
اشكرك على تشريفك واطرائك
لك تحياتي
ههههههههههههه
ايووووووه الست دى غلبانه اوى مش
قادره يا عينى تقرا الردود
بس هو ليه بيقولها يا ماما و هى بتقوله يا بابا؟؟
dalia
اه مش كده برضه غالبانه خالص
بيوت كتييير الزوج والزوجه بيندهو بعض كده
انتي ايه رايك
شرفتيني
السلام عليكم
بجد والله صعبت عليا بس كويس اوي انه بيسمحلها انها تقعد على الكمبيوتر وهو موجود
مهو زوج مسالي اهو
ربنا يعنا جميعا
بوست رائع احييك
اسكندراني
انا صاحبة التعليق اللي من غير اسم
كنت برد في ظروف صعبة بردة بس تقريبا في حد عايز التليفون وانا شاغلة التليفون بالنت فرديت بسرعة
اهو جزء من مشاكل المدونات برده
تحياتي
اسكندراني
اسمحلي ارد على داليا
حكاية بابا و ماما بتيجي بعد ما الازواج يخلفوا والاولاد يندهوهم كده فهما بياخدوا لغة الاولاد مع ان لو قالها يا حبيبتي وهي قالتله يا روحي الحياة هتبقى اجمل بكتير بس بتحتاج اللسان يتعود عليها
آسفة اني سمحت لنفسي بالرد
تحياتي
mimi
اهلا بيكي
والله الدايل اب
جزء من مشاكل المدونين والمدونات على حد ساء ربنا يعينا على 07777ههههههههههههههه
ردك على داليا واقعي فعلا
وبيحصل
ولا داعي للاعتذار
شرفتي
الدمعه
وعليكم السلام ورحمه الله وبركاته
اعتقد ان الزوج اللي ميعطيش مساحه لزوجته انها تمارس هوايتها في حدود العرف والدين زوج اناني
ودي متعتبرش مثاليه لانه زي ماهو من حقه ان يمارس هوايته من حقها هي كمان
عموما الموضوع يطول شرحه
اشكرك على تحيتك
ونورتي البلوج
هي دي روح الفكاهة الإسكندرانية الجميلة
ايه ياعم يا اسكنراني الديالوج اللذيذ ده
ده انت نبهتني لحاجه مهمة اني لما اخد حمام مانساش الفوطة
وبعدين هما هايفضولنا ولا ها يفضوا للبلوجات بقى واحنا كنا متجوزينهم ليه
حاجه غُلب
حسن ارابيسك
ههههههههههههههه
على رايك هو جواز ولا تدوييييين
تحياتي واسف على التاخير في الرد
Post a Comment