كم اكرهه لا اطيقه
واستعذبه
تناقض غريب
واستعذبه
تناقض غريب
صغيرا كنت اودع ابي وامي واخي مسافرين
وكنت اكره ذلك اليوم بشده
ظللت على تلك الحال ثلاث عشره سنه
كنت اعودالى البيت بعد وداعهم وحيدا ...لاجد الفراغ
كان ابي هنا يقرا الجريده
وامي هنا تطهو الطعام
وانا واخي نلعب هناك
الان فراااااغ
وانا واخي نلعب هناك
الان فراااااغ
وعندما كبرت
ودعتهم مسا فرا لاعمالي
هنا
و
هناك
هناك
وفي كل الاحوال كنت اكره ذلك اليوم
وحيمنا سافر ابي لرحله
ال لا عوده
لم اكن هناك لاودعه
حزنت كثيرا
.كنت قد فارقته فبلها بحوالي الشهرين ونصف
لم اكن موجودا لاقول له ساشتاق اليك
لم اكن موجودا لاقول له ساشتاق اليك
للمره الاولى
منذ ان اعتدنا الاغتراب
منذ ان اعتدنا الاغتراب
لم اكن موجودا
ومتى
يوم وداعه الاخير
والان اودع
والان اودع
امي
اخي
زوجتي
احبائي
اخي
زوجتي
احبائي
مسافرا
طائرا
اكره ذلك اليوم
اكره الوداع
اكره الدموع
مع السلامه
دعوه ندعوها في تلك اللحظه
تحمل كل معاني الالم
لكن
اجمل شيء في الوداع امل في اللقاء
إن غبتم عن عيني ...فالقلب مسكنكم ...ومن كان في القلب فكيف العين تنساه
إن غبتم عن عيني ...فالقلب مسكنكم ...ومن كان في القلب فكيف العين تنساه
29 comments:
إن شاء الله تروح و ترجع لهم سالما معافى
:)
أيه ياعم هيه طالبه مع الاسكندرانيه
حزن ولا ايه
متروق كده وصلى على النبى
ولا المركبى ألب عليك المواجع
أحنا كلنا شركاء الالم
أكيد جزء فى حكيتك جزء فى حكيات كل واحد فينا
تسافر وتيجى بألف ألف ألف سلامه
وحياتك
هنفضل معك لو رحت فى أخر الدنيا
بأنا داخله أخدالعنوان من المدونه عشان أضيفك
تؤم تخلينى أعيط كده
أنا ماليش دعوه
البوست الجاى لازم تفرحنى فيه
nada
ربنا يكرمك ويتقبل دعائك
ويرد كل سالم غائب الى اهله يارب
تحياتي
في القلب
لا والله مش حزن ولا حاجه
بس هي فضفضات
اللهم صلي على محمد وال محمد
واللع المراكبي وانا وكل اليي سارحين في بلاد الله غلابه ربنا يكون في عونا
تشرفني اضافه مدونتي عندك
لا مافيناش من عياط الله يكرمك
البوست الجاي مفاجأه
انتظريني على الاسبوع القادم ان شاء الله
لك التحيه والشكر على مرورك الكريم
الوداع صعب جدا
خاصة وداع احب الناس الى القلب
والاصعب فعلا الا تودع شخص لظروف خارجة عن ارادتك وتكون هى اخر مرة كان يمكن ان تراه فيها
رحم الله والدك
وربنا يعيدك سالم غانم الى اهلك ان شاء الله
البوست فعلا ممتاز واسلوب كتابته يخلى الواحد يعيط اوىىىى
ماصعب الوداع كلمة اكرهها واتمنى ان امحوها من قاموسى للابد
لا اتمنى ان امر بموقف وداع
aliaa
اتمنى ان البوست ما يكونش خلاكي فعلا عيطي
لا بقولوكو ايه مش حكتب
مش كل ما الواحد يفضفض تعيطولي
اشكر ليكي داعئك لابي
جعله الله من نصيبه
وربنا يحزاكي خير
اشكر ليكي تشريفك
ايويه
اعتقد ان محو كلمه وداع من القاموس صعب
اتمنى لكي كل الخير بدون المرور بالوداع
لكي تحياتي
انا كمان مبحبش الوداع :(
لعله خير يااخى ان شاء الله
وبعد الوداع عودة ولقاء ان شاء الله
ان شاء الله يرجعولك بالسلامة
caaat
ومين فينا بيحب يقول مع السلامه
واكيد بعد الوداع عوده ولقاء
والله اتمنى هذا
لكي جزيل الشكر على زيارتك
sharm
الله يسلمك
راحو ورجعو وانا رحت ولسه ما رجعتش
يووووووه
القصه طويله
تحياتي
صباح الفل يا اسكندرانى
البوست المره دى حزين ليه
الوداع شىء صعب جدا بس احيانا الظروف
وقانون الحياه بتفرضه علينا
بنتقبله لكن بيعلم جوانا
لكن بيفضل دايما وزى ما قولت
الامل بلقاء هو اللى بيعطى قوه للصبر
وسعاده التلاقى بتمحى عذاب الوداع والبعد
انشاء الله ترجع بالف سلامه لكل احبابك
وتنور حياتهم وتعطى لها معنى
عايزين بوست مفرفش المره الجايه
الى اللقاء دايما
دودو
دودو
نورتي يا جميل
والله كلامك كله حكم
ينفع يتعمل بوست لوحده
بصي على قدر الوداع ما بيبقى قاسي اوي ومؤلم اوي
الا ان الحلم بالعوده زي ما قلتي هو اللي بيصبر
شاكر تشريفك
ونشوفك على خر
ايه دة
انت مسافر؟
و لا هما الى مسافرن ؟
عموما كلامك بجد حلو
و ترجع بالسلامة
الفراق صعب و القاء جميل
بس تفتكر ايه يقى احساسك لو فى فراق من غير لقاء
اعتقد انه هيبقى احساس قاسى قوى
و بس بقى هعيط :(((
rania
هما كانو بيسافرو
وانا قاعد
وبعدين انا سافرت وهما قعدو
احساسي الفراق بدون لقاء
قاتل طبعا
ربنا ما يكتبه على حد
لا بلاش عياط
عشان معيطش انا كمان
تحياتي ليكي
انا كمان كاتبه عندى باقى من الزمن خمسه عشره يوما عن مشاعر الانتظار والغربه ..صعبه جدا يظهر انها طالبه نكد مع الاسكندرانيه ربنا يرد كل غايب لاهله...
ازيك ياغريب زينا.. انا توتا التانيه توتا غريبه
----------------
وجعتني وجيت علي الجرح يااسكندراني
الوداع اسوء شعور في الدنيا بمعني الكلمه بقيت احس ان الناس كلها في غربه
كل المصرييين مغتربين ولا هما عارفين يعيشوا في مصر ولاهما مستريحين بره مصر
ربنا يهون عليك
بتمنالك كل السعاده وراحه البال
سلامي ليك
بنت القمر
اهلا بيكي
انتي بتعدي الايام واللحظات
وانا كذلك
يبدو ان الغربه بجد حتجننا
يارب يرد كل غايب لاهله
لا المشكله ان الاسكندرانيه لما بيطكلعو بره الميه بيتخنقو
تحيااااتي
tota
اهلا بيكي ياتوته
وماتقوليش غريبه
لانك طالما في اسكندريه تبقي صاحبه بيت
اه المصريين مغتربين بره وجوا
بس خلي بالك في ناس برضه ولا في دماغها
هي الجروح كتييير ولا انا بيتهيألي
واتمنالك مثلما تمنيت لي ومثله ومثله
وكمان مثله
خالص تحياتي
اسكندراني
حزايني قوي اللون ده
ربنا يرجعك لاهلك بالسلامة
وبلاش وحياتك تقطيع القلب ده احسن الواحد متلزق اليومين دول
تحياتي
mimi
والله انا بعد ما نزلت البوست فكرت اشيله
لقيت لونه غامق اوي
الله يسلمك وشكرا
هو ايه الحكايه كله متلزق اليومين دول وحاله حال
معلش ربنا يصبرك ويقويكي
ياااه سا إسكندراني
عارفاه اليوم ده.. وساعات من قبل ما أرجع الأجازة بكرها.. على قد شوقي لإسكندرية و أهلي على قد ما أ،ا نفسي ما تجيش الأجازة عشان اليوم ده مستخبي فآخرها
يوم الوداع
وزيك عشت 20 سنة بودع ماما كل يوم و هي رايحة الكويت و أنا في اسكندرية
وودعت أبويا لأول مرة و هو جاي قطر و سابني في اسكندرية
وداع مستمر و مش فاهمة ليه ما إتعودتش عليه
ليه ما بقاش عادي و مش فارق معاي و عاده بتحصل كل سنة من غير ألم و توتر
بس عارف
أنا بحمد ربنا إني ما اتعودتش عليه
مش صح؟؟
مش أحسنلنا يا اسكندراني إننا نفضل عمرنا كله نتعب في لحظة الوداع؟؟
مش أحسن لنا نفضل متشعلقين في كل اللي يخصّنا مهما إتغربناعنه؟؟
بيتهيألي آه.. آه رغم ألم اللحظة
بس ألم لو قارنته بالفرحة اللي بتكون وقت الرجوع... باااه على ده فرحة!!
تخيل بقى لو فقدنا قدرتنا على التألم في لحظة الوداع
أكيد بالمقابل حانفقد قدرتنا على الفرحة لحظة الرجوع
تخيل الرجوع من غير فرحة
الحمد لله على الألم
Hannoda
ايوه
هلو ورا بعضيكو هلو
البوست دا شكلي حمسحه
ايه يا ستي الشجن دا كله
بس تعرفي فعلااااااا
لو فقدنا القدره على التالم ساعه الفراق
مش حنستطعم الفرحه ساع اللقى
تحياتي
العزيز اسكندرانى قوى
هى الدنيا كده نودع ونستقبل وناس تودعنا وتستقبلنا
وفي الاخر كله بيعدي
ربنا يرجعك سالم غانم لاهلك وبلدك
تحياتى
loumi
على رايك الدنيا عامله زي محطه القطر
ناس بتمشي وناس بتيجي
ناس بتبكي وناس حيرانه
ربنا يرد كل عايب بالسلامه لاهله يارب
تحياتي ليكي
ايه يا عم الجمال ده بصراحة مدونة شديدة واسكندرانية جدا احييك علي مجهودك الحلو ده
عزيزي طارق
اهلا بيك
نورت المدونه
ويارب نشوفك هنا كتير
بجد أنا دموعي نزلت منى ميعرفش معنى الغربه والفراق الا الجربهم مع انى بحس انى أقو منهم لكن صعب أووى الفرق ربنا يرجعك انشاء الله بالسلامه
Post a Comment