بقولكو ايه تيجو نروح البحر
نضرب غطس ننسى الهم ونغسل من العقول ذكرى
ونتمشى ونتذكر ونتفرج على الجمال
والحلاوه
ونقول سوى سبحان من ابدع جمالك
ونصطاد سمك
وناكل فريسكا
حلويات
ونركب الحنطور
نروح نشوف اكله سمك حلوه
ونشويها ونقليها
ونشرب خمسينه شاي
ونحلي
وساعه المغارب
على الكورنيش نتمشى
ناكل جيلاتي
وكحك شبابيك
وترمس 
ونقعد نشيش تفاحه .....مش دعوه للتدخين عشان اخونا اياهم ههههه
يوم في اسكندريه ايه رايكم بقى
حلوياتونركب الحنطورنروح نشوف اكله سمك حلوهونشويها ونقليها ونشرب خمسينه شايونحليوساعه المغارب
على الكورنيش نتمشى
ناكل جيلاتيوكحك شبابيك
وترمس ونقعد نشيش تفاحه .....مش دعوه للتدخين عشان اخونا اياهم هههههيوم في اسكندريه ايه رايكم بقى
مش تستاهل نحبها
73 comments:
مساء النور
جميل البوست اوى
اسكندريه بجمال الغروب
والبحر وعمو بتاع الفريسكا
ولا السمك وجماله ايه الجمال ده كله
يعنى نظمت لنا حاجات لو نحب نقضى يوم على البحر يكون اذاى
بس الصور والتعليقات جميله
وواضح انك جمعت الصور بعد مجهود
كل مواضيعك جميله وبتعجبنى
فى انتظار كل مايزيد تعلقنا باسكندريتنا
دودو
أنا واحدة بموت فى أسكندرية و ماما أسكندرانية
أنا صحيح مولودة و عايشة فى مصر و بابا مصرى و أتحرمت من أسكندرية من زمااااااان بدون سبب مقنع غير القهر و خلاص بس مش عارفة ليه فضل هواها و شوارعها و ناسها و قبل كل دول بحرها متعلقين جوه قلبى ... لحد دلوقتى باقوم م النوم أفتكر أنى نايمة فى بيت قرايبنا الى هناك
عايزة أشكرك شكر من القلب ع الصور البديعة دى الى خلت دمعة لقى الحبيب الغايب فرت من عينى ... و عشلن أنت عندك صور و كلام عن حبيبى حتلاقينى نطالك هنا كتير :) :)
طولت مش كده ؟
العزيزه دودو
اهلا بيكي
نورتيني
اسكندريه حلو وجميله
ولازم الناس كلها تشوفها
اما عمو بتاع الفريسكا
فربنا يعينه على الشمس
مش مهم المجهود المهم الناس تعرف ايه هي اسكندريه
حنتظر زيارتك
تقبلي اشواقي
عاليا حليم
اهلا بيكي بلا دموع
وبلا قهر
اسكندريه للناس كلها
شرفي في اي وقت البلوج مفتوح
اما لو عن الصور فهي جزء صغير من حبنا لاسكندريه
اهلا بيكي مره تانيه
وشرفتي
اسكندرانى جامد قوى
بقت كدة ـ فلافل وجمة وطماطم وفريسكا
تصويرك واقعى وجميل ـ تحياتى
جدو حبيبي شرفتني ونورتني
ايوه فريسكا يا جدو
اكيد بتحبها
اشكرك على الاطراء تلامذتك يا جدي الغالي
نورتيني والله بقالك فتره ما شرفتنيش
نكنوش زعلانك ولا حاجه
هههههههههههههههههه
اهلا بيك دايما
هههههه
اظاهر ان كل الاسكندرانيه متعصبين اوى ليها ومغرمين اوى لدرجه انى مدخلتش عند حد اسكندرانى الا ولقيته كاتب عن اسكندريه
.....
بس انا سبقتك وكتبت عنها بوست هو يمكن حنين لاسكندريه شخصى شويه
بس من وقت للتانى دايما بكتب عن اسكندريه عشقى وبلدى واجمل بلد فى العالم
تحياتى ليك ولاسكندريه
ايه دا اكل وبحر وخلاص مفيش جرين بلازا ولاالحديقه الدوليه ولا شوبنج ولا سينماحتى!!!يا مصيبتاة شامه ريحه بخل هنا!!!ا
cat_eyes(همس الليل)
ليس بتعصب ولكنه حب
فهذه المدينه لها في نفس كل ابنائها الكتير والكتير من المكانه
انتي كتبتي بوست عن اسكندريه وانا عامل بلوج كامل لاسكندريه
وش بيغمز
خالص تحياتي
بنت القمر
بخل ...لا مش بخل ولا حاجه
يعني بعد الهده دي كلها وعاوزه سيمنا وجرين بلازا
حرام عليكي خليها يوم تاني
وش بيضحك
اما عن الحديقه الدوليه
فسكتي وخلي الطاببق مستور بلاش فضايح
تحياتي
الله ..بجد بوست اكتر من رائع
حسستنى بالصحبة واللمة وجمال البحر الى بموووت فيه
الله عليك...
اسكندرانى بجد..
البنت الشلبه
الصحبه موجوده
واللمه ان شاء الله حلوه
الحبايب كلهم معانا
اشكرك على زيارتك
تحياتي
ياةةةةةةةةةةةةة
نفسى فى اجازة لمدة شهر كامل اقعد قدام البحر واتمشى على الشط بليل واكل سمك امنية حياتى بس وحشنى البحر قوى
ايويه
اهلا بيكي اسكندريه تنور
احنا لسه في الصيف جهزي حالك وعلى اسكندريه طيرااااااااان
نورتي
حرااااااااام عليك
ألى أنته بتعمله فيه ده
ماهو يايخترعو حاجه تدخلنى جوه الشاشه
تمشينى فى الصور
يا والله العظيم
لنا شريه شقه فى الأسكندريه
أنا كنت بحبها أوى
دلوقتى بفضلك
بحبها مليار مره
يا صحبي ارحمني
انت معانا ولا معا الناس التانيين
امال لو مكنتش متغرب زينا كنت عملت فيا اية؟
في القلب
يلا اشتري شقه في اسكندريه وغيري محل الاقامه
اهو الصور زي ما بيقولو بترد شوقه شويه
اسكندريه تحب فعلا
اهلا بيكي
وياريت نشوفك هنا كتيييير
تحياتي
اسكندراني في الغربه
لا والله معاكو اصل احنا الناس التانيييين
ماهيا الغربه اللي عامله فيا كده يا صاحبي
بحاول اعوض شويه من الحرمان
طمني عليك المهم
تحياتي
يا اسكندراتى يا شقى
رتبت اليوم بالتمام من اول شقشقة النور للسهرة على الكورنيش
مين اللى هيدفع الحساب
العازم ولا المعزوم
اكلة السمك شكلها يجنن
يعنى نقبت ووزنت وشويت وقدمت وسايبنا على الاكل بقى والله كريم وصاحب واجب
حتى الفريسكا ما نستهاش بس نسيت ام الخلول هى وحشة ومش عارفة بتكلوها ازاى بس مرتبطة مع جو البلاج زيها زى الفريسكا
صور تحفة فعلا وخلتنى استعد للمصيف بقى
تحياتى
tota
اهلا بيكي
الحساب يوم الحساب
على الرحب والسعه
ام الخلول وحشه يا شيخه حرام عليكي
يا سلام عليها كده لما تكون طاظه وتتغطس في سلطه الحينه
الله الله
انتي لسه ما صيفتيش
دا الحال من بعضه بقى
اهلا بيكي
نورتي
ومصيف سعيد ان شاء الله
صحيح اخبار المتمحكون ايه
تحياتي
hello
alex is gr8 city u know
i used to bye ice cream from ice cream azza but the magasine which lies in mandara not this one u put it
anyway hope u good and wish send me ur msn
bye bye
شيئ في خيالي
اكيد ان اسكندريه مدينه جميله وساحره
جيلاتي عزه اللي انا حاطط صورته في البوست دا عزه الاصلي بتاع بحري
انت بقى اشتريت من فرع المندره دي حاجه تانيه
هههههههههههههههه
شرفتني واتمنى تكرار الزياره
عمرك شفت اسكندرانية عمرها ما اكلت فريسكا قبل كده
لا بجد لازم ادوقها فى اول مرة اصادف بتاع فريسكا
لما ترجع بقى اسكندرية جرب الشيخ وفيق فى بحرى برضه
ده ضرب عزة ومكرم
اختيارك للصور بديع كالعادة
تحياتى
jana
اهلا وسهلا انتي فين
ايه مش معقول مكلتيش فريسكا قبل كده ؟؟؟؟؟؟؟؟؟؟
يا خبر فاتك نص عمرك
عارف الشيخ وفيق وصابر انتي ناسيه اني اسكندراني ههههههههههه
بس هي المشكله البوست بعد اول 6 صور بدا بقى يزند ويعصلج فقلت اكتفي بالشويه دول
اشكرك على اطرائك
اوعي تنسي تاكلي فريسكا
حلويات فريسكا
حلويات!!!!!!
تحياتي
السلام عليكم
اسكندريه بجد جميله جميله اووي
انا بعشقها بس المشكله انها زحمة جدا
صورة الغروب تحفه
بس تعرف السمك عندنا احلي من اسكندرية
وايس كريم سلطانه احلي
bossy
اسكندريه جميله دي هبه ربانيه
زحمه دي هبه انسانيه
نعمل ايه للضيوف اللي مصممين يثبتو حبهم لاسكندريه !!!!!طبعا فاهماني
الغروب على البحر في اسكندريه
احلى منظر في الدنيا
سمك وايس كريم وسلطانه
مالقوش في الورد عيب قالولو يا احمر الخدين
ههههههههههههه
تحياتي
الله علي جمال اسكندرية انا بعشقها و حلوة اوي الصور بتاعت البوست ده
تحياتي
اسكندرانى اوى البوست جامـــــد اوى
من احلى الكلام اللى قريته بيتكلم عن اسكندرية ودى فسحة سهلة للى مش عاوز يتكلف فلوس كتير انما اللى يحب يروح جرين بلازا وسان ستيفانو والسينمات وفانتازيا لاند والداون تاون يحضر جيبه وعلى قد فلوسك مد رجليك ههههه
تحياتى ليك وشكرا لزيارة مدونتي
عروس البحر
كسبنا واحده بتحب اسكندريه كمان اهه
تحياتي
واشكر لكي تشريفك
ست ابوها
شفتي احنا بناول نوفر فسحه للشعب كله
بس خلي بالك شويه المياس اللي في الصوره دول بشيئ وشويات
بس يلا زي بعضه
مش خساره في حبايب اسكندريه
اما الاماكن اللي قولتيها دي بقى مسؤليه كل زائر انا ماليش دعوه
تحياتي
وشكرا للزياره وياريت تتكرر
صورك جميلة و موضوعك أجمل
بجد حسسيتنى انى فى اسكندرية حقيقى
ربنا يخليك
تحياتى ليك
eman eltaher
اشكرك على الاطراء
الحمد لله اني قدرت اوصلك الاحساس ده
تحياتي
بوست جااااااااااامد
الاحساس عالي
والصور تحفففة
ولو اني باعشق اسكندرية في الشتاء اكتر
بس ميمنعش ان اليوم اللي فيه كل اللي قلته في موضوعك لازم يبقي يوم محصلش
نزول البحر
تمشية الكورنيش
اكلة السمك
الفريسكا وجيلاتي عزة
حقيقي يوم جميل
تحياتي
بصراحة انت جوعتني جدا وانا بحب آكل الحاجات دي كلها
بوست جميل قوي
تحياتي
يااه يا اسكندريه
صدقنى بس هيه تغسل و شها بمية الشتا و هو البحر ينعشها
و هتبقى زى القمر
تحفه
حلم واحده بتحب البلد دي
اسكندريه في الستا طعم تاااااني خالص
احييكي على حبك لها في الشتا
اهو يوم على سبيل التغيير
اهلا بيكي في اسكندريه تحياتي
mimi
اهلا فينك
محدش شافك من زمان
يلا شمري وبسم الله
الاكل كتيير يكفي من الحبايب ميه
شرفتيني بالزياره
moneer
اه على شتا اسكندريه
وحلاوه جوها في الشتا
بس خلي بالك اسكندريه قمر صيف شتا
اهلا بيك
بوست جميل
ودافى
بس برضه
اسكندرية فى الشتا جنة
بلد دماغ وولادها دماغ بجد
ايوة يا عمممممممممممم
ايوووووووووووووووووووووووووهههه
وحشاني اسكندرية
وللاسف مش حاجى السنادى
إهئ إهئ إهئ
بس بوست كميييييييلة وتريح القلب
الله فعلا نفسى المعاد بتاع المصيف بتاعى يجيى بقى , شوقتنى للمصيف اوى , انا عمرى على فكرة ماكلت الفريسكة دى , ديما باشوف الناس على الشاطىء بياكلوها بس انا بقى اموت فى اكل الايس كريم ( المانجو) واموت فى ام الخلوووووول ولا الله بقى على حبة حمص شام ادام البحر بجد متعـــــــــــــة
hesterua
ابو حمديد
والله انت اللي دماغ
عشان عارف اسكندريه في الشتا بيقى شكلها ايه
وحلاوتها ازاي
نورت يا باشا
وخلينا نشوفك
اميره البلطجيه
يا اهلا يا اهلا
زعيمه اللعيبه وصاحبه الفكره
نوئو بقى
ولما اسكندريه وحشاكي مش حتيجي تصيفي فيها ليه السنه دي
ولا هو كلام وخلاص
اشكرك على اطرائك
زي الهوى
اهلا بيكي
ربنا يقربلك البعيد وتطلعي تصيفي
عشان تاكلي الجيلاتي
وام الخلول
وخلي بالك السنه دي لازم تاكلي فرسكاااااااا
حلويات
يا حالولى البوست ده محسسنى انى فى بحرى وانا كمان لسه مديها واحد جيلاتى متين عند عزه اول امبارح بعد ماصلينا الفجر فى جامع فارسى كان تحفة ولسه طازه
ومتفكرنيش بالفريسكا عشان كنا خدنا من واحد كان عايز يدينا الواحدة باتنين جنيه فاكرنا سياح.....اه عليك يا اسكندرية لما ولادك يتغربوا وسط المصيفين
اسكندرية دى عشق لدرجة الجنون
aolaaol
مرحب بيك يا سيدي
الف هنا الجيلاتي
يعني ما كلتش فريسكا
وش مذهول
اه هم الاسكنرانيه غرب في الصيف
هي اسكندريه كده حبيبه الكل
تحياتي يا جميل
تحت النظر يا اسكندراني وفي بوست جديد يا رب يعجبك
تحياتي
ياااه
الله ايه الفسحة دي؟
من زمااان مش روحت هناك اخر مرة كانت من تلات سنين ومكنتش حلوة لان كانت مع جروب غريب
بس انا نفسي اروح لوحدي زي ما كنت زمااان قوي
انا مش اسكندرانية ولا حاجة بس ناس كتير فاكرة كدا
بس انت نسيت حاجة مهمة قوي
فين ستانلي؟
:)
zenzana
زنزانه في اسكندريه يا مرحب يا مرحب
ايه النور ده
الحمد لله ان الفسحه عجبتك
اهم من الفسحه الناس اللي حتتفسحي معاهم
الرفيق قبل الطريق
اما عن استانلي اعتقد في بوستات فاتت نزلتله صور كتير
عموما البوست الجاي
حنزلك فيه صوره يا ستي
بجد نورتيني
العزيز اسكندراني قوي
صور جميله وحاله خلتنى وصلت لحد اسكندريه بخيالي معاها
عارف لما بيسألونى هم السوريين عاملين ازاى بأقولهم زي الاسكندرانيه
مريحين ومش معقدين
هههههههههه
تحياتى
أعمل معروف يا اسكندراني
انا نفسي اعرف
هي ايه الفريسكا دي؟
loumi
هذا ما كنا نصبو اليه
حلوه نصبو اليه
دي ههههههههههه
انكم تعيشو معايا يوم في اسكندريه
كم اتنمى اني اعيشه
السوريين احسن ناس زي الاسكندرانيه كده
وخلقهم ضيق برضه
هههههههههههههههه
تحياتي ليكي ونورتي
طهقان
بجد متعرفش ايه هي الفريسكا دي
يا لااااااااااهوي
طب حد يقوله ايه هي الفريسكه
دي عباره عن نوع من امواع الحلويات بتباع على هيئه اقراص رقيقه جدا
تذوب بمجرد انك تحطها في بقك
وبيتعمل بيها اقراص صغيره
توضع فوق وش السودلنيه والحمصيه والسمسميه
فريسكااااااااااااا
حلويات فريسكا
يا عيني يا إسكندراني
:(
كل ده عاملاك إسكندرية فيك؟؟
طبعا أنا دلوقت بغيظك
لا و الله العظيم أنا ماقدرش أغيظ حد عشان أنا لو قدامي كتير و حد غاظني حاتغاظ بجد و يمكطن أعيط
جميل قوي اليوم اللي أخدتنا فيه لإسكندرية ده
و جميلة الصور اللي أخدتني لذكريات روعة قلبي بنط مني لما أفتكرها
بس إنت إزاي إسكندراني و بتقول
"نروح" إسمها "نروحوا" .. إنت عارف؟؟
دايما نقول إن الكلام الإسكندراني ما يختلف كتير عن الكلام المصري العادي و إن لهجتنا ما فيهاش حاجة مختلفة زي زمان.. وإننا ما حدش فينا دلوقت في الجيل الجديد بيجمع الكلام
لكن لما جيت قطر بقى كل الناس يقولولي إنت إسكندرانية؟؟
أسأل عرفتوا منين يقولولي كلامك
بفرح قوي
hannoda
اهلا بيكي وباهل اسكندريه
اسكندريه ليها حق تعمل اكتر من كده في اي حد بيحبها
مين قال ان لهجتنا مافيهاش اختلاف عن باقي اللهجات المصريه
لا طبعا مختلفه ايوووووووووووه
ههههههههههههه
الحمد لله ان البوست رجع ليكي ذكريات وليس العكس
تحياتي وخلينا نشوفك
الله عليك
أنا بفكر اسافر حاااالاً
بوست يجنن
وطبعا تستاهل نحبها
احسنت
princess dodo
تنوري اسكندريه طبعا
اهلا بكل زوارنا
اشكر ليكي زيارتك وتعليقك
حرام عليك الذل ده انت كانك بتدينا الاكل و تاخده تاني انا كنت في اسكندريه و قعدت اسبوع و رجعت و كاني ماكنتش هناك نفس الاشتياق للبحر و الجو و الناس يا بختك يا اسكندرني انك اسكندرني اوي
الصور تحفه تحياتي
دنيا محيرني
عمر الاشتياق للبحر ما ينتهي
لو قعدتي في اسكندريه سنه
قمه الذل فعلا بقى اني اسكندراني
وبحبها اوي
وبعيد عنها
شرفتيني بالزياره
السلام عليكم ورحمة الله وبركاته
الصور بجد جميله جدا
انا شبعت جداا
ولسه كمان في جيلاتي وكحك :D
بس الفريسكا دي باين عليها حلوة اوي:(
وان شاء الله ترجع اسكندرية قريب :)
الزهراء
اشكر ليكي زيارتك
وربنا يرد كل مغترب لاهله معافا ان شاء الله
هو في احلى من الفريسكا على البحر
تحياتي وشرفتيني
اسكندرية مدينة جميلة
شكرا على البوست الجميل و الصور
تحيتي
ريانه
اهلا بيكي شرفتيني
اشكر لكي اطرائك
تحياتي
نفسى و امنية حياتى
اجى يوم واحد بس اسكندرية
لاسف مش عارف
تحياتى ع البوست
انت حسرتنى
kafrawy
تشرف وتانس وتنور
معلش حتيجي صدقني حيحصل بس انت كمان لازم تشتغل عشان تحقق الامنيه دي
اهلا بيييييك
انا جاااااااااااايه
فى اول شهر 9 ان شاء الله
ياااه وحشانى اسكندرية
desert cat
اهلا وسهلا بيكي
تنوري
شوقتنى لاسكندرية اكتر ما انا مشتاقلها اصلا :(
بس شكرا على الصور :)
والعزومة ;)
koka
اشتاقي يا ستي زي ما انتي عاوزه
والصور موجوده ترد شوقه
نورتيني
سؤال بسيط ... هى الصورة الاخيرة بتاعة الشيشة دى متاخدة من على كافتيريا برستيج اللى فى سبورتنج ؟؟
السلام عليكم..
ما أجمل الرحلة التى أصطحبتنا فيها، وما أجمل الفكرة نفسها وأسلوب التقديم :) أنا من عشاق اسكندرية الشتاء... من أجمل بقاع الأرض. ولا تحتاج فيها أكثر من الجلوس على الكورنيش طوال اليوم حتى تعود هادئ البال، وقد أحسست أنك خلقت من جديد.
أشكرك بالفعل على هذه الرحلة الصيفية، وياريت تجهز رحلة شتوية :)
تحياتى
u3m
لا ادري مكان اخذ الصوره صراحه الصور دي انا جمعتها من اماكن متعدده ومواقع كتيير اعتذر عن عدم المساعده
*********************************************************************************************************
marmad
سافترض من الاسم انك سيده
نعممممممممممم
انها الاسكندريه الجميله
صاحبه رداء النقاء الشتوي
حاااااااضر نشوف الموضوع يترتب له ازاي
نورتيني
اتاسف لكما عن التاخير في الرد
يااااااااااااااااه بجد كلامك وجع قلبى من كتر ما أنا بحب أسكندريه ومن كتر ماأنا زعلانه إنى بعيده عنها أصلى مش منها بس بموووووووووووت فيها ونفسى أكمل بقيت حياتى فيها يااااااااااااه والله العظيم بعشقها ولما بجيها بعيط وأنا سيباها كتير سلميلى عليها وعلى ناسها وعلى بحرها
بجد أحلى بلد فى الكون
أدعولى أكمل فيها بقية حياتى مع إنسان أحبه ويحبنى ويكون حنين أوى
يااااااااااااه يا أسكندريه يا حبيبتى
Post a Comment