Thursday, August 9, 2007

يا ترى ليه


أعلِّمهُ الرِّماَيَةَ كُلَّ يوَمٍ ... فَلَمَّا اسْتَدَّ ساَعِدُهُ رَمَاني
وَكَمْ عَلَّمْتُهُ نَظْمَ الْقَوَافي ... فَلَمَّا قَال قَافِيَةً هَجَاني
أعلِّمهُ الْفُتُوَّةَ كُلَّ وَقْتٍ ... فَلَمَّا طَرَّ شارِبُهُ جَفَاني

يا ترى محدش سأل نفسه ليه بيحصل كده؟؟؟
ولو حصل كده معك/ي ممكن يكون رد الفعل ايه؟؟؟؟

موقف حصل........ خلاني اسال واتسائل


64 comments:

sakayar said...

ايه ده انا اول تعليييق؟؟؟
لأ انا كده أخاااف
بتبقى صعبة اوي الرؤية دي للأمور ... لو حصلت يعني
يعني لو اتصرفت اي تصرف مع والدي وافتكرني بتصرف زي ما الابيات دي بتقول هتبقى كارثة بالنسبة لي
لكن ايه اللي يخلي ممكن حاجة زي كده بجد تحصل بين اب وحد من اولاده ... ممكن اسلوب خاطيء في التربية
لكن في كل الحالات اتمنى الموقف اللي انت بتقول حصل يعدي على خير ويكون سوء فهم وينتهي

اسكندراني اوي said...

العزيز سكاير
اهلا بيك
معلش هو البيت الاول هو اللي عمل المشكله
انا لغيته
انا بس بقتكلم عن الناس اللي بتنكر الجميل وبتعض الايد اللي بتتمدلها

تحياتي يا باشا والتاج بتاعك اجاباته عسسسسسسسسسسسسسسل

Esmat said...

يا عزيزى هذه اول مره أعلق عنك لكن أقولك المجتمع دلوقتى أصبح أنانى الناس بتفكر فى مصالحها الشخصية فقط ولو كان ده على حساب المقربين غليها وده حيخلى الواحد يعد صوابعه بعد مايسلم على أحد-بس سؤالى هوه ده لسه حاصل معاك دلوقتى يا أخى عدى وكبر دماغك وحطهم فى الباك ليست اللى عملوا كده معاك أنا حصلت معايا كتير ولسه عايشة بس الباك ليست بتاعتى ايه بقى مليانة مليانة وعجبى من هذا الزمان ربنا يرحمنا برحمته

اسكندراني اوي said...

esmat30
اه صدقتي والله
الانانيه وحب الذات اصبحو السمه السائده في العصر الحالي
وبكده البلاك ليست تكبر وتكبر كل يوم

اشكر لكي تشريفك

البنت الشلبية said...

سلام عليكم

عادى,,,الى حصلك والى بيحصل لناس كتير من مواقف زى دى عادى
دلوقتى بقت عادى اوى

انت بس اتعلم ,,,وخد حذرك
حرص ولا تخون

وحط مليون خط تحت حرص دى

سلام

hazem shalaby said...

صديقى ..... يحضرنى بيت شعر حلمنتيشى

قوم اذا ضرب الحذاء بوجههم ... صاح الحذاء بأى ذنب ٍ
أضربُ .... فلا تحزن يا صديقى فمثل هؤلاء لا يستحقون ان نبكى عليهم .... تحياتى

اسكندراني اوي said...

البنت الشلبيه
وعليكم السلام ورحمه الله وبركاته
حرص ولا تخونش
نصيحه حلوه في الزمن الاغبر
ههههههههههههههههههه
شاكر زيارتك جدا
تحياتي

اسكندراني اوي said...

حازم شلبي
يا مررررررحب يا هندسه

فمثل هؤلاء لا يستحقون ان نبكى

نعم دا صحييييييح

والله فعلا ما يستحقوش حتى نفكر فيهم

الف شكر ونورتني

Jana said...

من نقض بقلب بارد العهود
وقطع خيطا من الود كان ممدود
لا يستحق من اجله يوما ان تعود
ولا تعطى لصديق خذلك مرة ادنى فرصة
فقد يخذلك من جديد
وثق دوما انك ستجد من حولك الف صديق وصديق

koka said...

طبيعة بشر فى زمن مبقاش فيه البشر بشر
نادر اوى دلوقتى لما تلاقى حد بيعترف بالجميل او بيحفظ الود لناس ساعدوه وحبوه وفتحوله دراعتهم

معذره .. بس هو حضرتك لسه واخد بالك دلوقتى؟؟

مؤمنه said...

الغلط بيبقى فى البدايه من الاختيار........ على العموم الخساره ما بتكونش ميه فى الميه برده التجارب مفيده للانسان وبتقويه وبتخليه أكتر صمود والاهم ان هو ما يرجعش لغلطه تانى و(لا يلدغ المؤمن من جحر مرتين ) ولا ايه

ست ابوها said...

بما انت معظم الناس ردت بشعر انا كمان هرد بشعر
نعيب زماننا والعيب فينا
وما لزماننا عيبا سوانا
المواقف دى بتخصل لغياب القيم والمبادىء ومبقتش الناس زى الزمان وقول للزمااااااااااان ارجع يا زمان عمر اللى فات ما هيرجغ تاااااااااااااانى

مؤمنه said...

الغلط بيبأى من البدايه فى الاختيار لو رجعنا كل أمورنا للدين مش هنتعب أقولك ليه الأن ايحنا لو أخدنا الاستخاره دايما فى أمورنا مش هنندم أبدا .......... أه ما بنكرش ان فى ناس وحشه بس الرسول عليه الصلاه وأزكى السلام قال(الخير فى وفى أمتى الى يوم القيامه)صدق رسول الله صلى الله عليه وسلم
وأخيرا أحب أقول ان غلطاتنا مش كلها وحشه لا فيها نقطة نور هو اننا بنتعلم منها الصمود القوه أكتر والأهم ان ايحنا مش هنكرر الغلط تانى دى لو ايحنا وافقنا نتعلم
وبالتوفيق انشاء الله

sa7arkash said...

السلام عليكم
انا اول مرة ليا عند حضرتك...وعايزه اقول لك ان ده بيحصل كل يوم وكل ساعة..للاسف الشديد...وزى ما هيا حقيقة قاسية جدا ...مضطرين نتعايش معاها..ونحتسب اعمالنا عند الله
اما السمك الفظيع والجمبرى الجبار والآيس كريم بتاع عزة والذى من...هنقول اية اتقى الله فينا ...مش عشان انت عايش ياعم....هتقلب علينا المواجع؟؟

Shreef said...

للاسف فعلا ده بئى موجود كتير لان مبقاش فيه صداقة حقيقة كله مصالح..الابيات ديه جميلة و كنت قريتهم قبل كدا بس بصراحة البيت التالت ده جديد مقرتوش قبل كدا هوا معاهم اصلا ولا لأ عموما..تحياتي ليك و لمدونتك الجميلة..سلام

سابرينا said...

علشان أنا اللي بكون قدامه
في مرماه يعني!!!!!!
لأني لسه واقف بساعده!!!!!!!

اسكندراني اوي said...

jana
اه يااااني
نفسي اشوف واحد من الالف صديق دووول

شكرا لزيارتك

اسكندراني اوي said...

koka
والله احنا مازلنا نعترف بالجميل
ونقدر من احسنو الينا
ولا احنا مش بني ادمين و لا الزمان ما غيرناش
نهايته نرجع نقول الحمد لله في السراء والضراء

تحياتي

اسكندراني اوي said...

مؤمنه
والله حكايه اللدغ دي بتحصل كتير بس فعلا هو الاختيار اساسا مهم
وحنفضل برضه صامدين ان شاء الله
الف شكر لزيارتك

اسكندراني اوي said...

ست ابوها
تااااااااااااااني
اكيد فعلا عمره ما حيرجع
لكن برضه لسه في امل
تحياتي ونورتيني

اسكندراني اوي said...

sa7arkash
اهلا وسهلا
واتمنى انها ما تكونش اخر مره
صحيح اهم حاجه اننا نتعايش بس دا احيانا بيبقى على حساب الواحد واعصابه .............الله المستعان

والله انا نفسي في السمك والجمبري والبحر والحاجات الحلوه دي
الغربه اكلتنااااااااااا

نورتيني

اسكندراني اوي said...

shreef
البيت دا معاهم وفيه بيت قبلهم كمان بس انا حذفته

ايوه كله بقى نظام مصالح
ربنا يعين
اهلا بيك دايما

اسكندراني اوي said...

sabrina
لا عشان انا اللي علمته ولما اتعلم وبقى كويس ضربني انا

نورتيني

فى القلب said...

أتصور يا اسكندرانى
أنت حتيط أيدك على جرحنا كلنا
بس بحس ألى بيعمل كده مش بيبقى حاسس أنه يقدر يفعل مثل الشخص ألى وقف بجانبه فيبيحاول يخبط فيه
يعنى بحس أن جوه الشخص السئ جزء أعجاب للشخص ألى أذاه
ومش عارف يبقى بدرجته فيتحول الموضوع عند بعض الناس لأاسلوب تدمير بدل البناء
وعموما الدنيا لسه عمرانه بالقلوب الطيبه بس أحنا نبص كويس
ولا يهمك يا أسكندرانى

mimi said...

اسكندراني
ده اللي بيقولوا عليه بيعض الايد اللي بتتمدله
انت لما بتمد ايدك لحد بالمساعدة مش بتستنى مقابل وهو لما ميقدرش ده يبقى مايستاهلش تزعل عليه لان ده ينم عن ندالة وقلة اصل اعذرني دخلت شمال كالعادة بس الحاجات دي بتنرفزني قوي
تحياتي

اسكندراني اوي said...

في القلب
على ما يبدو ان الكل اجمع ان انكار الجميل اصبح سمه غالبه على اغلب العلاقات الانسانيه
ياما دقت على الراس طبوووووووول
اشكر لكي زيارتك

اسكندراني اوي said...

mimi
انتي تدخلي شمال تدخلي على طول براحتك
ايووووووووووووه
هو ده اللي بيعض الايد اللي بتتمدله
والله احيانا الحاجات بتحرق الدم مش بس بتنرفز

شكرا جزيل للزياره
تحياتي

قلب أبيــض said...

السلام عليكم
مدونتك رائعة
بس انتا نسيت تكتب حاجة مهمة مع الابيات الرائعةدى
علمناهم الشحاتة سبقونا على الابواب
هههههههه
يلا خير
اخوك قلب ابيض

اسكندراني اوي said...

قلب ابيض
لا يا احمد ياريتهم سبقونا على الابواب وبس
لاااااا
الموضوع تيكيلم تيكيلم خااالص

تحياتي واشكرك على زيارتك ويارب ما تكونش الاخيره

LAMIA MAHMOUD said...

هو ده المطلوب اصلا

هي الدنيا ماشية كده .. فلما اشتد ساعده رماني:)

هاني جابر said...

السلام عليكم
مدونة جميلة ما شاء الله
علي فكره الحياة كده
متقلبه
ولازم تتقبل الموضوع
انت كمان ممكن تفتخر ان الي انت علمته اول اما بدا بدأ عليك لانه من انتاجك

اسكندراني اوي said...

LAMIA MAHMOUD

اسمحيلي اخالفك الراي
ليه دا بدل ما يقولي شكرا
يضربني باليد اللي انا عملمتها ازاي تضرب
اه يااااااني

شاكر زيارتك

اسكندراني اوي said...

هاني جابر
اهلا بيك ونورت البلوج
انا لو اعرف انه حيعمل كده ما كنتش انتجته ولا عرفته وكنت سيبته كده زي ال...... ولا بلاش

نورتني يا باشا

Reemo said...

أولا ميرسى بجد على الزياره والتعليق
ثانيا بجد مدونتك حلوه
انا سعيده انى عرفت طريقها
اما بخصوص البوست
فأعتقد انه بيتلخص بكلمه واحده
قله الأصل
معندوش اصل علشان كده محفظش الجميل
وأول ما ضرب ضرب الايد اللى علمته
موجودين كتير
بس فى النهايه بنعامل ربنا
تحياتى

اسكندراني اوي said...

reemo

العفو يا ستي لاشكر على واجب البلوج عندك بجد جميل
ايووووووه انتي جبتي من الاخر قله اصل
اه موجودين كتيييير بجد وربنا يستر ومانتكعبلش فيهم كتيير

انا شاكر زيارتك وياريت تتكرر

تحياتي ليكي

Anonymous said...

الناس عندها احساس متأصل جواها ان اللى بيساعد غيره ده حتى لو كان بيساعدهم يبقى شخصية طيبة أو بمعنى آخر ضعيفة و هبله يبقى ممكن أى حد يستهبله بسهولة و ده احساس للأسف خطأ و ناكر للجميل.
مش معنى ان حد يساعد حد انه يبقى أهبل بالعكس.
الدنيا بقت صعبة أوى و عشان تعيش مرتاح لازم تاخد حقك و حق غيرك بس ياريت كنت أعرف أعمل كده.

نانو said...

يااااااااااه ده ياما حصل معايا قبل كده وفى ساعتها أقول عمرى ما هعمل جميل فى حد تانى أو أساند حد وبرجع تانى أنسى واقف جنب ناس كتير ومنهم مقربين منى جدا وأقول يا بنت أعملى الخير وأرميه فى البحر أنتى مش مستنية حاجة من حد بس برضه قلة الأصل موجوده كتيير قوى عند الناس الأيام دى وببقى أنا اول واحدة ممكن يعضوا فيها وتبقى دى أخرتها وزى ما بنقول أتقى شر من أحسنت إليه

Unknown said...

صحيح
ياترى لية انا كمان مش قادرة اوصل لحل

اسكندراني اوي said...

Queen eraser
اهلا وسهلا ومرحبا

والله حكايه الهبل دي انا مش معاكي فيها لان الانسان اللي بيعطي وبيعلم من المفترض انه شخصيه محترمه ومستنيره ولا تبخل بعلمها على الاخرين
اما موضوع اخد حقي فدي انا معاكي فيها بنسبه ميه في الميه
لكن برجع واقول هي قله اصل للاسف
تحياتي وشاكرين للزياره

اسكندراني اوي said...

نانو
صح يا نانو انتي صح جدا اعملي الخير وارميه البحر

وكما حاء في الايه الكريمه
انما نطعمكم لوجه الله لانريد منكم جزاء ولا شكورا

نورتيني بالزياره

اسكندراني اوي said...

ايويه
فينك مش باينه من زماااان

طب ما تيجي ندور على الحل ونشوف النس قليله الاصل دي نعمل فيها ايه

شاكرين زيارتكم يا افندم

Anonymous said...

طيب واية رأيك أنة لما يشتد ساعدة يرمينى ويطاردنى لسنين ويمنع عنى النفس ويرفع علية قضايا وةيشتكينى فمحاكم ويواصل محاربتى فكل مكان وتشوية سمع7تى فكل لحظة وبرغم انة لم يصل لشئ الا انة معتبر الأيذاء فن ووسيلة بقاء عندة وتكون انت اللى علمتة ازاى يتكلم ويتنفس ويتحرك يبقى اية دة ؟؟نسأل اللة العافية وأعتقد أفضل رد اللى سمعتة من واحدة طيبة فلاحة جالسة ع باب بيتها رميت عليها السلام وقالتلى ربنا يابنتى مايحكم ولا يشمت فيكى ظالم ولا ناكر جميل
تحياتى http://normaray.blogspot.com/

اسكندراني اوي said...

nermeen
لا اله الا الله
اعتقد ان شخصيه مثل هذه مصحات الامراض العقليه اولى بها
بدلا من ان يسبب كل تلك المعاناه للاخرين
كان الله في عونك

يا مراكبي said...

ياراجل .. ده بقى بيحصل كتير جدا دلوقت

أغلب الناس دلوقت بيبقى قلة الأصل عندهم حاجة عادية جدا ووشهم مكشوف وأهم حاجة عندهم هي المصلحة الشخصية ومافيش رد أو شكر للجميل

دي بقت الخصائص الغالبه في الزمن ده

اسكندراني اوي said...

يا مراكبي
انت فييين يا راجل دا احنا كنا بنشوفك لما كنت في الكويت اكتر من مصر

تقريبا دا بقى العادي
محدش بيحفظ الجميل خلاص
اه يا ااااااني

هههههههههههههه
نورت

اسكندراني في الغربة said...

طب منتا الي غلطان
في حد بيعلم حد في الزمن دة
--------
عارف لية الناس المحترمة هما بس الي بيحصل فيهم كدة؟
علشان هما بيستنوا المقابل ولو حتى شكر
الناس التانية بياخدوا المقابل مقدما
صح؟

اسكندراني اوي said...

ابو اسكندر
اسكندراني في الغربه
هههههههههههههههههه
عندك حق المفروض ما نعلمش حد حاجه ونسيبهم كده الدنيا تخبط فيهم
والله يا اخي ولا مستني حتى شكرا
لكن تعمل ايه بقى في الدنيا والعالم اللي عاوزه ...... ولا بلاش

تحياتي وماتغيبش عليا

keda-sponsor said...

أيووووووووووووووه يا جدعان

المدونه دي حسستني أني قاعد على البحر مع أصحابي و قاعدين نتكلم

و أنا فرحان قوي بأول زياره

وجهه نظري لما أكون أنا إللي معلمه هقدر أديله في سنانه لما يقل أدبه على أساس أني طول عمري لما أعلم حد أسيب نقطه تميز ليا علشان ما يحصليش كده

مره حصل لي الموضوع ده مع واحد صاحبي ... بس قدرت أديه على دماغه

سلاااااااااااااام

اسكندراني اوي said...

keda-sponser

باشا منور يا ابو اسكندر
شفت بقى البلوج وديتك على البحر ازاي
حبييييبي
اما من ناحيه انه ياخد على دماغه ممكن ومن السهل اوي
بس والله الواحد هو اللي قلبه حنين
وبيقول ما يستاهلش حتى الواحد يفكر فيه
نورت زياريييييييييت تنورني دايما بزيارتك

islamventura said...

انا لى رأى
انا اعرف ما يدور فى ذهن من امامى
اذا انا استطيع التفاهم معه دون وصوله لاى نقطة قد تكون خطيرةى بالنسبة لى

وجود انتى فيروس
فعلا صعب جدا
مديت له ايدى اكل دراعى
بس الحياة و الجوع و قلة الدين كدة

اسكندراني اوي said...

islamventura

اهلا وسهلا بيك والله موضوع الانتي فايروس دا المفروض انه مع المكن
مش مع البني ادمين
عموما ربنا يجازي كل واحد على قدر نيته
تحياتي وشاكر لك الزياره

Lemonada said...

عارفة دايما بشوفك بتعلقي عند جيجي او هنودة بشوف التقليقات بتاعتك بس زي الهبلة
ايوة الي هي انا الهبلة مش بدخل المدونة بتاعتك
دانا هبلة بجد
كل دة فاتني
وااااااااااااع
طب اي العبط دة
والله انت سكر
وكلامك حكم
وكلك فرفشة ودماغ بنفس الوقت
عارفة البوست بتاع اسكندرية
فاكرني باسكندرية جامد جدا
كل الصور والمناطق زرتها
بس للأسف باجي اسكندرية في الشتاء
اصلي بحبها في الشتاء والموج عالي
حاجة مفيش اجمل ولا حاجة رومانسية اكثر من كدة
بس ياخسارة
مش باكل فريسكا
هو في الشتاء مفيش فريسكاولا انا بنسى اسأل عنها
مش عارفة
ما علينا يا جميل
بعتذر عن عدم زيارتي ليكي من قبل كدة
وخالص تحياتي لأهل اسكندرية الجدعان
اولهم هنودة وانت

loumi said...

العزيز اسكندراني قوي
التصرف ده بيحصل من قديم الازل
بدليل الابيات دي
مقومات شخصيه
بيئه سيئه
قيم معدومه
قناعات زائفه
ناس اسلوب حياتها كده
تاخد وما تديش
وتعض الايد اللى تتمدلها
الناس دى مريضه فعلا
ربنا يبعدهم عنك وعننا جميعا
اما لو حصل
فما لنا الا ان ندعوا لهم الله بصلاح حالهم وربنا يعفو عنا وعنهم
بس اهم حاجه اننا ما نفقدش الامل فى باقي الناس
لان دول قله
بس برضه الحذر واجب
ولو ان اللى بيعمل خير ما بيبقاش منتظر رد من حد
لانه بيعامل ربنا
وبرضه بيتعرض لنفس الموقف
الواحد مننا بعد كل موقف من دول يقول انا حاخد بالي المرة الجايه
بس على مين
تحياتي

Unknown said...

بيحصل يا اسكندرانى عشان الوفاء بقى موضة قديمة و الأخلاص و حفظ المعروف و العهد بقى خيابة بيحصل عشان احنا مش زمن عبدالحليم
و فى الحقيقة هو ما حصلش معايا يمكن حصل معايا شبه و لو حصل حادعى للعمل معايا كده ان ربنا يهديه بعد قبل ما اسقطه من حياتى تمامت عشان برده اعمل باصلى و ما اضيعش عليه الدعوة

اسكندراني اوي said...

Lemonada

بس بس سد سد في ايه حصل خييير واديكي جيتي ونورتيني

واشكرك على كلامك ولو اني لا استاهل كل ده
اما بقى من ناحيه اسكندريه في الشتا فانتي كده جبتي المفيييييييييييد
بصراحه ما اعتقدش انك ممكن تلاقي فريسكا في الشتا لكن عموما برضه اسالي في بحري وناحيه ابو العباس
اهلا بيكي نورتيني بزيارتك
واتمنى اشوفك هنا كتيييير

اسكندراني اوي said...

loumi
العزيزه لومي
اهلا وسهلا بيكي وبتعليقاتك المتزنه
والله شوفي هو اللي بيعامل بيعامل ربنا وحش حلو بقى هو ونيته
ندعو الله بالهدايه للجميع وربنا يبعد عنا الشروووور كلها

اسكندراني اوي said...

عاليا حليم
انتي فين محدش بيشوفك ليه
والله اصيله وكلامك بيدل على كده
بس اعتقد ان الناس للاسف فعلا حفظ الجميل عندها اصبح موضه قديمه
زمن المصالح هو السايد اليومين دووول

اشكر ليكي زيارتك

aliaa said...

والله مش عارفة الناس دى بتعمل ليه كده انا حصل معايا من الموقف ده كتير فوق ماتتصور بالرغم من صغر سنى
وطبعا كله حصلى فى الدراسة من الاصدقاء اللى بيقولوا انهم اصدقاء
فكرتنى ياأخى بالهم والقرف
يلا الحمدلله
وحسينا الله ونعم الوكيل

اسكندراني اوي said...

aliaa

معلش انا بعتذر اني فكرتك بالهم والقرف
لكن انتي قلتي جمله جميله حسبي الله ونعم الوكيل

ربنا يجعله في ميزان حسناتك
واعملي الخير ولا يمكن يضيع
اسف للتاخير في الرد

Hadota ... حدوتة said...

السلام عليكم
فعلا الموضوع صعب
يعنى بعد ماتحسن لحد تلاقيه بيئذيك
انا بصراحة بنكسر من جوايا وبزعل
وبيخلص رصيد الشخص عندى
وبنسحب فى هدوء
لانه ميستاهلش حتى مجرد التفكير فى خطاءه فى حقى


تحياتى ليك
:)

اسكندراني اوي said...

Hadota حدوتة

عارفه والله الاذيه المعنويه احيانا بتبقى سيئه العواقب جدا

لو على الارصده في ناس كتيير ارصدتها بقت صفر
تحياتي

Doaa Ebrahim Aaql said...

بيحص كده عشان لازم يحصل
دى حكمة ربنا يكون فى خير وشر
أبيض واسود
صح وغلط
بيحصل كده
لأن مش كل الناس زى بعضها

لما يحصل كده
مش تفكر غير فى ان اللى عمل كده معاك اكيد خسران
واكييييييد هيتعمل كده معاه


كلام جميل اووى على فكره

تحياتى ليك

اسكندراني اوي said...

princess dodo

والله للاسف ان ناس كتير بتعتبر اللي بيحصل ده عادي وايه يعني وماله
طب دول احطهم في الابيض ولا الاسود ولا فين

الكلام الجميل لو تقصدي ابات الشعر دي من زمااااااااااان اوي حد الفها
ويبدو ان الاسود موجود من فتره طويله
شاكر لاهتمامك والرد

•√أريـ السمر ـج√• said...

من غير ليه .. لان فى أسئلة كتير مؤلمة بتمر بحياتنا و بتكون أجاباتها قاسية و بدون أسباب تقنعنا .. زى الأساءة من ناس أحسنت ليهم
لكن بتفضل تجاربنا تعلمنا الحذر بدون ما تأثر علينا فى أننا نساعد غيرنا


مدونة جميلة جدا بأهنيك عليها و اجازة موفقة