فكره البوست ده جاتلي من عند الاخوه المتمرجحون كنت بدخل هناك كتير اوي عشان اسمع الاغنيه دي
vola vola Palombella
طيري طيري يا عصفوره الاغنيه الجميله
اللي كلنا شفناها من بنوته صغيوره كلها براءه في شكلها وكلامها
حتى حركاتها على المسرح في اواخر التمانينات على ما اعتقد
حتى حركاتها على المسرح في اواخر التمانينات على ما اعتقد
كانت لسه سنانها واكلهاالسوس و الاسنان الجديده لسه طالعه
منتهى البراءه اللي في الدنيا
قلت ادور على الاغنيه وانزلها عندي
وارحمهم من زياراتي شويه
وارحمهم من زياراتي شويه
وابقى ادخل عندهم برضه هههههههههههه
المهم رحت عن اخونا جوجل وسالته وداني على اخوه يوتيوب لقيت الاغنيه فيديو
احمدك يارب
وعشان الفقي لما يسعد لقيت اغنيه تانيه
Vola 2007
اكيد ريمكس قلت ياواد شوف
ويارتني
ما شفت
ولا سمعت
ولا عرفت
الفكره جميله جدا ناس بتسال ياترى البنت اللي غنت
vola vola
فين دلوقتي واخبارها ايه
وبيقولو عليها انها كانت طفله شاطره
وفجاه تظهر الطفله
بس ايه
ما بقتش طفله بقى
ليه بيعملو كده بيبوظو حتى ذكريات الطفوله حراااااااااااااااااام
بجد بجد خلتوها خل
66 comments:
أنا بس جايه أحجز أول مقعد
وأفكرك أنهم وصلو 75 قرش عشان الحقوق مضعش
وهقراء و ارجع تانى
في القلب
هههههههههههههههههههه
ماشي كده الحساب تقل اوي عليا
نورتي
ما شاء الله
كبرت وبقيت عروسة
مش عارف ايه اللي مزعلك بس يا ابو اسكندر
!!!
أنا فوق شايف 75 قرش وكلام من ده
هو التعليق هنا بفلوس ولا حاجة؟؟
عموما احنا اسكندرانية زي بعضينا
يعني في سوق حرة بيتهيألي
مشكور يا بلديات
كنت بحب الاغنيه جدا طيرى
طيرى وكانوا ديما يجبوها فى اليوم المفتوح
للاسف لسه ماشوفتش التجديد بتعها
النت تقيل شويه وانتى محدتش وصله يوتويوب
البوست بتاعك جابلى ذكريات جميله
تحياتى
القلم السكندري
اه عروسه
بس مسحو بالكليب الجديد براءه الاغنيه الاصليه
لا لا لا مافيش لا سوق حره ولا حاجه
الموضوع ان اللي بيعلق الاول المفروض انه بياخد ربع جنيه مخروم دا تقليد عامله جدو
فهيا بقاله 3 بوستات بتيجي الاول
فبطالبني باللي عليه
هههههههههههههههههههههههه
اهلا وسهلا بيك
لك مني كل التحيه
momken
كلنا بنحب الاغنيه
لانها بتمثل ذكريات الطفوله
لكنهم للاسف خلوها خل باكليب الجديد اللي عملوه
على فكره الينكات موجوده
لو دوست على كلمه
ده الفيديو الاصلي اللي اتعمل زماااااااان
حينقلك لموقع اليوتيوب
و
وده بعد ما خلوها خل
حياخدك للموقع على الكليب الجديد
تحياتي ليك وشاكر لاهتمامك
بجد في حلمه تحس وكأنها لطمس الطفوله واحلال بدلا منها أفكار معلبه
محمد مفيد
دول بيمحو الطفوله يا محمد
حتى الذكريات الجميله
بشيلوها
تحياتي
انت جبت المفيد والله
قلبي ....
بقه يعملوا كده مع البت البريئة ده
وبقه سيادتك عايز تسمع الاغنية من بره ؟
طااااااااااااااااااااايب
انا عالعموم كنت بور علي ميلك عشان ابعتها لك ام بي ثري
بس كده خلي اليو تيوب ينفعك هو والجوجل
يا سيدى يعنى جت على دى
ما كل حاجه بقت بالخل
ده حتى عملوا الشيبسى الشيبسى
بطعم الخل
هههههههههه
بص بقه سيبك من الموضوع ده وركز معى شويه
سيادتكم واضح ان ليك فى المعلم جوجل
والنبى يا بيه
تشرحلى بس بالتفصيل الممل لانى شايله نحو
أزاى أنزل جوجل ريدر
واستعمله أزاى
وأضيف عليه مدونات ازاى
لان كل وقتى رايح على الجرى وراكم أشوف مين كتب جديد
وطبعا زوج مدونه بداء يكشر عن أنيابه عشان الوقت الى بقضيه امام النت
وحسنه قليله تمنع بلاوى كتيره
الاغنية دة كان ليها ذكريات جميلة قوى معيا ولحد دلوقتى كنت بقعد مع نفسى اغنيها
لية كدة شوهوا الاغنية وبرائتها
علشان اية شوية فلوس
..خلوها مسخره اسكندرانى
..ماعندهم اغنيات كتير وفيه كلام كتير ممكن يتكتب مش لقيو غير الاغنيه دى
شكرا اسكندرانى
ما هو إحنا بقينا
في زمن المسخ
كل حاجه يتم تشويهها
البراءه
والأحلام المشروعه
والقيم المبادىء
الأخلاق
ولا عزاء لأحد
:(:(:(
احمد عبد الفتاح
هههههههههههههههههههههه
معلش يابيه
اشكرك والله لاهتمامك بس انت لو دعبست في البروفايل حتلاقي الميل انت بس اللي كسلاااان
وش بيغمز
انا نزلتها من اليو تيوب على الجهاز
وكمان فصلت الصوت من الصوره
وعملتها ام بي ثري
وحتطتها نغمه للموبايل
ايه رايك انفع ؟؟؟؟؟
نورتني يا ابو حميد
والله حجيلكم هناك عشان اسمعها
برضه العشره ما تهونش
في القلب
ههههههههههههههههههه
حلوه حتى الشيبسي عملوه بالخل
على رايك
اه زوج المدونه بدا يشوف شغله
لا ما يرضناش طبعا
بصي يا ستي
ادخلي على الرابط ده
http://www.google.com/reader/view/
وحتسجلي دخول عادي بحساب الجي ميل بتاعك اللي انتي عامله بيه المدونه
وحتلاقي على الشمال
Add subscription
حدوسي عليها
وتكوني محضره الرابط بتاع البلوج اللي عاوزه تضيفيه
كوبي وبيست
وتدوسي على
add
حتضاف البلوج
وطبعا كل البوستات اللي في البلوج حتظهر معاكي
لو البلوج انتي قارياها كلها تدوسي
mark all as read
وكل مدونه تعملي فيها كده
معلش هي حتاخد وقت اول مره عشان تضيفي كل مدونه بنفس الخطوات
ولكن بعد كده اي بوست في اي مدونه من المضافين ينزل بمجرد نزوله حيبان عندك
والدخول بعد كده بنفس الرابط
http://www.google.com/reader/view/
اتمنى ان اكون وضحت لك وفهمتيني
حاكم انا في مواضيع الشرح دي زيرو
تحياتي
ايويه
نعم كان ليها ذكريات جميله ولكن للاسف بقت خل
ههههههههههههههههههههههه
لا مش فلوس دا مخطط يا عزيزتي
وربنا ان شاء الله قادر يفشله
تحياتي
osama
اه يا سمسم شفت
حتى البنوته الصغيره ما فلتتش من ايديهم
انا اللي شاكر ليك الزياره
loumi
شفتي عملو ايه في الاغنيه
للاسف
كلامك صحيح كل حاجه بتشوه
لا وايه للاطفال واخده بالك يعني بيضربو الاساس
الله المستعان
ولو إني مش فاهم إيه علاقة الخل بالأغنية علشان مش عارف أشوف الفيديو .. لكن أنا قلت إنك لازم تعرف إني ما بأحبش الخل ومتضامن معاك وخلاص
أي خدمة
ايه يا ريس اروح الشغل و ارجع انام شوية أصحى الاقى كل ده .... كل الزملا دول جم أمتى حبايبك كتير يا باشا يا بختك ... فكرتنى بايام زمان والله الاغنية دى كنت كل يوم أسمعها فى الراديو قبل ما اروح المدرسة فى بداية الثمانينات طبعا راديو الكويت مش مصر فانا مغترب قديم من صغرى يعنى مغترب بالوراثة أبناً عن أب ... تحياتى يا زميل
يا مراكبي
اهلا بيك انت فين يا راجل
انا اعتقد ان اليو تيوب محجوب في السعوديه
عموما اشكرك للتضامن
يلا بقى فركه كعب اهه وعلى الدوحه
نورتني
حازم شلبي
ايه يا عمنا بس في ايه
صح النوم يا صديقي
هههههههههههههههه
الحمد لله ان الحبايب كلهم هنا ربنا يزيد ويبارك
اه قلتلي بقى انت من المغتربين بالوراثه
ههههههههههههههههههههههههههههه
طب يا سيدي ربنا يردنا جميعا سالمين ان شاء الله
الأغنيه دي أنا متربي عليها هي و أغنيه العيد فرحه
طب كانوا يعملوا كده في أغنيه العيد فرحه .... على الأقل بايخه
لكن الأغنيه دي أنا بحبها جدا
كان لازم تورينا الكليب ده
وااااااااااااااااااااء
مش قادر أكمل التعليق
سلااااااام
طب ما ينفعش اللى يجي متاخر كمان ياخد بريزة مخرومه
الحقيقه الكليب مش صادم بالنسبه لى من ناحيه ان البنت كبرت للوهله الاولى حسيتها وحشه بعد حبه لقيتها حلوة ومش زمبها ان احنا اختصرناها كانسانه فى مرحله طفولتها والاغنيه. طب ازا كانت انثي كدا وكلها حاجات كويسه ومش عاجبانا. امال كمان 20سنه هانعمل فيها ايه لما تعجز؟ اكيد نضربها بالنار طب لو شوفنا فيروز الصغيرة دلوقت ممكن بقى نكرهها
انا الى صادمنى ايه لزمه الرقاصه والعربى ابو عقال بيرقص!!!!ا
المعلومه الغريبه بقي اللى اول مرة اعرفها ان الملحن هو احسان النذر اللى بيعمل برنامج دندنه فى الام بي سي حاجه حلوة والله لانها اغنيه عالمية
تحياتى
إسكندرانى أوى
معلشى انا باجى متاخرة لانى بدخل فى الليل والكمبيوتر معلق معايا -انا فاكرة طبعا الاغنية -ما إحنا الجيل المسكين بتاع القناة الاولى والتانية فقط و سينما الاطفال واليوم المفتوح ويجيبوا لنا فيلم كنا نفرح بيه قوى ونستناه وكان ديما ابيض واسود طبعا ياااه رجعتنى لايام حلوة برده وطبعا الاغنية دى كانت فى كل برامج الاطفال
لك تحية طيبة على هذه التذكرة
keda-sponser
مرحب مرحب
طب بس بس بس
بلاش عياط المره الجايه حنعمل كليب العيد فرحه
هههههههههههههههههههه
بنت القمر
بريزه بس طب قولي 12 ساغ
هههههههههههههههه
هي المشكله الاساسيه ان الكليبين على طرفي النقيض تماما
الكليب الاول بنت بريئه
والتاني انسه .....وبس
لا ومش الرقص وبس
خدي باللك من الشيش
والتعري اللي في الكليب
اللي اساسه اغنيه اطفال
تحياتي ليكي يا بنت القمر
اخبار المستعليين ايه
ههههههههههههههههههههه
خلوها خل وشوربة وكل حاجة
يا عم انت اعمل ديليت للجديدة
واخلي البنت الصغيرة في قلبك وعقلك وخليك طفل
esmat30
اهلا بيكي في اي وقت
باليل بالنهار في اي وقت
الاغنيه طبعا بتفكرنا كلنا بذكريات جميله لطفولتنا بس للاسف قدرو انهم يضربو الذكريات دي في مقتل
تحياتي ليكي
واهلا ومرحبا
Lemonada
مش كده برضه
اشيل التانيه من دماغي
ويااااااااريت ارجع طفل تاني
ماشي يا ليمو
تحياتي
فعلا شئ يضايقويخنق
حتى البراءةمسلمتش منهم
ان كنت بحب اشوف الاغنيه دى واشوف نظرات البراءة فى عيون البنت دى
بس بعد اللى شفته دلوقت افتكرانى هبطل اشوف الاغنيه دى تانى
تحياتى ليك
يا اسكندرااانى
ومسالتنيش لييييييية عنها يا عم انت؟؟؟
انا جبتها عندى من سوارى
http://www.sawari.com/
ادخل واختار أغانى اطفال قديمة
حتلاقى بقا التحف الروعة بتاعتنا كلها
من اول كوكوواواااا
مرورا بتوت توت قطر صغنتوت
ودبدوبة التخينة
وامما زمانها جاية
وطبعا بولا بولا
يااااااااة
انا نزلت كل دة عندى ومش حتتخيل كل شوية اقعد لوحدى اسمعهم
واحساسى بيبقا عامل ازاى
لو معرفتش تنزلها من الموقع قوللى وانا ابعتهالك من الكمبيوتر عندى
اغنية كاملة مش كليب
روايح الزمن الجميل
لالالالالالالالالالالا
استنى بقااااا
مكنتش شفت الكلب
أوأوأو
أقصد الكليب
بولا بولا على دخان الشيشة والحشيش والقعدات الحمرا والليالى الزرقااا
يا حلاااااااوة
المسخرة فى الليلة كلها
البت الهبلة اللى غنتها وهى صغيرة ودمرتها وهى شحطة وأد الحيطة
عاوزة تتشهر على حس زماااااان
تقول للزمان ارجع يا زمان
ولا هى اتشهرت
ولا سابت ذكريات الاغنية حلوة زى ما هى
وسع كدة شوية على جنب يا اسكندرانى
اتفوووو على دة زمن ودول ناس
شمعة أمـــــل
اه شفتي عملو فيها ايه
الغنيه باظت معالمها خالص
والله انا بجد زعلان انهم حتى حلم الطفوله ضيعوه من ايدينا
تحياتي ليكي
شهروزه
يا مرحي يا مرحب
شفتي يا اختشي دمرو الاغنيه ازاي
والله انا اتفجعت لما شفت النيله المنيله بنيله اللي نيلوها
لا وايه شيش بقى ومسخره ودي اصلا اغنيه اطفال يعني هو دا اللي عاوزين يوصلوه للجيل اللي طالع يربطو بين التسيب وبين الرمز
خيييييييييييبه
غرقتينا يا ستي ايه اللي بتعمليه دا بس
بالنسبه بقى للاغنيه
والله انا قلت في احد ردودي حد يبعتلي لينك الاغنيه بس يبدو انكو ما قرتوش التعليق كويس
عادي بتحصل
وش بيغمز
ودخلت على الموقع اللي بعتيهولي
كل اللينكات شغاله الا لينك اغاني اطفال قديمه
ههههههههههههههههههههههههه
برضه بتحصل
وش بيجز على سنانه
عموما شاكر شعورك
وشاكرين للزياره يا ستي
اسكندرانى باشا..
إيه القرف ده؟ دى صاعقة.مش البنت أنا أقصد الكليب الجديد والله حزنت على أيام زمان و قال بقول استعجلونى.. أه بعد اللى شوفته ده استعجلونى أوى كمان.. الأغنيه القديمة كنت بشوفها على طول وانا صغيرة و كانت كل الناس بتحب تسمعها حتى الكبار.. والله حرام بجد دى كانت من الحاجات اللى محدش يقدر يهوب نحيتها بس خلاص.. كل شيئن انكشفن و بااان..البنت قاعلت التريننج اللى كانت لبساه و شيشه و رقص. ربنا يسامحها
Queen eraser
اهلا اهلا بشابات اسكندريه
شفتي اللي حصل
خيييييييبه
والله انا بجد سعيد اني قدرت اوصل فكره البوست للجيل اللي سمع الاغنيه وشافها زمان
اه قلعت الترينج ولبست اللي لبسته
وشيشه
وعك
على رايك
كل شيئن انكشفن وبان
اشكر ليكي زيارتك
السلام عليكم
طيري طيري يا عصفورة
انا متلك حلوة صغيورة
بركد فوق حباب الزهر
بحجل على ميات النهر
---------------
وتخبي بشعري بشورة
----------------
انتي وكل الاهل صحاب
بتحكيلون شو ما عملنا
لعبنا دارسنا بكتاب
واتغدينا واكلنا
وماشفناكي وشفتينا
يا عصفورة
طيري طييييري يا عصفورة
------------------
بقى العصفورة الجميلة يعملو كده فيها تقلش قاعدين في غرزة اسم النبي حارسهم؟
بس تعرف ايهالي دايقني؟
لو ركزت معايا حضرتك في العيون
ايوه عيون البت
سبحانك يا الهي
ازاي نظرةالبراءة بتتحول لنظرة اغراء مفتعل
حاجة تغم مش كدة
اية يا عم اسكندرانى هو فى اية فضل على حالة دى حتى الاغاتنى با الذات بقيت هيصة لكل من هب ودب حتى اغانى ام كلثوم وحليم يا عم قول يا باسط والبنت ومانها كبرت برضو وسنانها طلعت وياريت تزور مدونتى
انا كده مش هلاقى مكان فى السرفيس ههههههه
انا رقم كام كده!!!
على فكرة انا فضلت فترة طويلة ادور على الاغنية دى لكن ىخر ما زهقت نزلت اغنية واخدة نفس تلحينها لماجدة الرومى طيرى طيرى يا عصفورة
وعامة هيا هتيجى على دى يبوظوها
المهم انت عامل ايه
nani
حلو اوي انك كتبتي الاغنيه
ايه بقى البشوره دي ؟؟
اما كيفيه تحويل البراءه الى شيطنه
دي سهله
لما يكون المجتمع والعادات اليي يشوفها الطفل سيئه
اكيد حتتحول النظره الطفوليه الى نظره اغراء
تحياتي على الزياره
aliwa
عليوه
ايوه على رايك كل حاجه حلوه بوظوها
ربنا يهدي
تحياتي يا عليوه
البنت الشلبيه
عليكي وعلى شهروزه خديها منها
هههههههههههههه
او نزليها من اليو تيوب
على رايك هعيا جت على دي
انا كويس الحمد لله
تحياتي وشاكر لسؤالك
انا مش عارف اية الي مزعلك
دي حتى جيبين مزة مش احسن من السنان الي مسوسة
:)
وبعدين محنا عملناها قبلهم
فاكراغنية ام كلثوم الي عملوها ريمكس و جابوا كام مزة بيرقصوا مع طفل صغير
يعني احنا الي اخترعنا (خليها خل
فبلاش نعيب على الناس الغلابة دول
اية يعني جيبين العرب بي شيشة و حشيشة و دخان
عادي يا عم طنش تعيش
ايوا يا بنى هى دى اطاطا هو فى حاجه بتفضل على حالها
قصدى البنوتة بتاعة الاغنية
كبرت وبقت عروسة
ايه مزعلك بس
دى وصفه هايله دى وصفه سهله
ربنا يكرمك يا اسكندرانى يا رب
ويجعل كل مركبك فى العالى
واللهى ريحت قلبى ووصفك ولا أروع
وكرمك ولا أكرم
عشان تيجى لحد عندى تشرحلى
ربنا يجعله فى صحيفه أعمالك
بس كده أنت جبته لنفسك أى حاجه خاصه بالحج جوجل واقفه معى هجى أسالك
ههههههههههههههه
شكراً
اسكندراني في الغربة
طب وده صح يعني
لما ناخد القديم ونمسخه كده
مش مشكله مين اللي عمل يا ابو اسكندر
المشكله اتعمل ليه
يلا حنقول ايه
شرفتني يا باشا
Desert cat
عارفه ايه اللي مزعلني
انهم مسخو الذكرى
واختصروها في بنت بترقص وشويه شباب بايظ
اشكر ليكي زيارتك
فى القلب
تحت امرك
والمهم يكون الامر اشتغل معاكي والمسائل مشيت
واي اسئله ان شاء الله لو اعرف حقول على طووول
المهم زوج المدونه ما يزعلش
نورتيني واهلا وسهلا بيكي في اي وقت
السلام عليكطم ورحمة الله وبركاته
يالا معلش ما جتش على دى
الصغير مسيره يكبر
والسلام عليكم ورحمة الله وبركاته
ياختى عليها ياختى
بقى هى دى العسولة اللى كنت بحب اشوفها وانا صغيرة لا حول ولا قوة الا بالله بجد انا مش مصدقة ده
انا كنت بحبها منهم لله
بس هى ليها حق يا جماعة الكل كده يبقى لازم تكون هى كمان كده امال تعد تحط اديها على خدها ومتظهرش ؟
بس فى راى انها لو كانت ظهرت باحترامها واتقدمت على اساس انها هى البنت اللى غنت الاغنية دى كانت هتتحب اكتر وهتكبر فى نظرنا اكتر لالتزامها وعدم انجرافها مع التيار
بس اللى يدخل المجال ده صعب انه يفضل كويس زى ماشوفنا أمال ماهر كانت بدأه ازاى وبعدين دلوقتى بقيت ايه وبتلبس ايه
مسخرررررررررررة
ربنا يهدينا جميعا
طولت عليك يا اسكندرانى معلش
بس اتفقعت والله
تم افتتاح مدونات
4xmisr
لتعليم التدوين على بلوجر باحتراف
spot-weblog.blogspot.com
الثانية للتعامل مع الانترنت بأمن
4xpert.blogspot.com
(تحت الانشاء)
باقى المدونات للربح من الانترنت لمن يهتم بذلك
شاكرين لكم سعة صدركم مقدما
وأرجو التواصل معنا بابداء الأراء والتوجيهات شكرا
معرفتش اشوف ال2 بس لظروف فنية
بس متخيلة يعني الفكرة
سيبك انت اسمع القديمة واعمل مش شايف عالتانية
وبيتك يا عصفورة وين ما بشوفك غير بتطيري
مؤمنه
وعليكم السلام ورحمه الله وبركاته
ايوه يا ستي ما قلناش حاجه الصغير يكبر لكن ما يهدش احلام وذكريات الصغيرين
عااااااااااااااااااااااااا
تحياتي يا مؤمنه
aliaa
كلنا اتفقعنا مش انتي لوحدك
يعني اعتقد انها كان من الممكن انها تظهر وتفكرنا بنفسها بشكل اكثر وقارا من اللي حصل
لكن العوم ضد التيار صعب اليومين دول
تحياتي ليكي ولتعيقك اللي اسعدني
وماطولتيش ولا حاجه المطرح مطرحك
وش بيضحك
4xmisr
اهلا وسهلا بيك
حروح واشوف واكيد حقولك رايي
ولو اني مش مع التربح من النت
اشكر ليك الزياره
LAMIA MAHMOUD
يا اهلا يا اهلا
معلش هي المشكال الفنيه دي بتعمل قلق للناس كلها مش انتي لوحدك
حاضر حطنش التانيه واسمع الاولا نيه
وش بيضحك
سعيد بجد لزيارتك
تحياااااتي
حسبي الله ونعم الوكيل فيهم
الأغنية دى كنت بحبها جدا والبنت كانت أمورة وزى العسل وطفلة بريئة ليه شوهوها كده وشوهوا صورتها قدام العالم كله عايزة تغنى بعد ما كبرت وتحولت للشكل ده تغنى براحتها بس ميربطوش بينها دلوقتى وبين أغنيتها وهى طفلة يسبونا نحبها وهى طفلة زى ما أحنا عايزين منهم لله
نانو
اهلا اهلا بالاسكندرانيه
شفتي مش قلتلكو خلوها خل
بجد البلوج نور
هوه فيه حاجه لسه مبظتش ربنا يستر
انا بس كنت عايزه اقولك اني توقفت عن باسمك نحيا لظروف خاصه المهم اني اتفقت انا و اصحابي اللي بدانا المشروع مع بعض اننا ان شاء الله نكمله في رمضان ابقي تابعني و ربنا معانا
نهر الحب
اهلا بيكي
اشكرك على ردك على البوست
واتمنى من كل قلبي انكم تكملو المسيره ان شاء الله
ورمضان على الابواب
ربنا يتقبل منا ومنكم صالح الاعمال
الاغنية بتاعتى
عاااااااااااااااااااااا
الاغنية بتاعتى باااااظت
عااااااااااااااااااا
دا انا هعيط والم عليكوا الناس النهاردة
هما مش بس بوظوا طفولة الببنت
دا بوظوا طفولتى انا كماااااان
انا كنت بحب البنت دى وانا صغيرة والعيال اللى معاها
رجعتنى للذكريات
:)
تصور ان تقطيعها متغيرتش كتير
بس ده مش خلوها خل
ده خل بالبصل و التوم علي الريق
يععععععععععععععععععع
هههههههههههههههههههه
المهم ان التصوير ملوش اي دعوه بالكلام بتاع الأغنيه
ههههههههههههههه
تصور ان تقطيعها متغيرتش كتير
بس ده مش خلوها خل
ده خل بالبصل و التوم علي الريق
يععععععععععععععععععع
هههههههههههههههههههه
المهم ان التصوير ملوش اي دعوه بالكلام بتاع الأغنيه
ههههههههههههههه
طب انت عارف ان الاطفال بتوع اليومين دول مش زى طفولتنا
وطبعا المغنى لازم يواكب العصر والمغرب والعشاء والفجر والظهر
معلش لفيت لفة كبيرة عشان انا زعلان منك عشان جبت الكليب التانى دا
بس
Post a Comment