Thursday, August 16, 2007

ابين زين


البوست اللي فات جالي تعليق اقل ما يقال عنه انه عديم الادب
من شخص اقل ما يقال عنه انه عديم التربيه
انا ما مسحتش التعليق ورديت عليه
واكاد اجزم انه/ها او انهما انا عارفه/ ها او اعرفهما
ولكن ليس من عادتي ان اتهم بلا دليل

بس المره دي لو حصل حمسحه علشان الناس المتربيه
مالهاش ذنب تقرى كلام مش نظيف


نخش بقى على البوست


طبعا انا كنت عملت استطلاع راي على جنب كده في البلوج عن وشوشه الودع ولما قلت وشوشه الودع كنت اقصد قريت الطالع قبل كده باي شكل كان

قراءه الفنجان

وشوشه الودع

فتح المندل

قراءه الكف

وغير ذلك من اساليب معرفه المستقبل

اللي صوتو ( ادلو بصوتهم يعني) مش صرخو ههههههههههههه

عددهم الاجمالي 32

اللي عمره ما وشوش الودع كانوبنسبه 59%

اللي وشوشه كام مره كده كانوبنسبه 18%

اللي بيوشوش الودع كتيركانو بنسبه 18%

اما اللي ميعرفش يعني ايه وشوش الودع كانوبنسبه 12%

كتير منكم اكيد ما اخدش باله من الاستطلاع ده

مش مشكله احنا بس عاوزين نتكلم شويه عن وشوشه الودع وما على شاكلته من الاساليب

اللي الناس بتحاول تعرف بيها المستقبل اللي جاي

طبعا الدين الاسلامي حرم تماما هذا الكلام في الحديث الشريف( من اتى عارافا او كاهنا فصدقه فقد كفر بما انزل على محمد)


لكن كده برضه في ناس مازالت بتلجئ لهؤلاء الدجالين والعرافين والمصيبه ان الموضوع اصبح في متناول الكل بعد وجود محطات فضائيه متخصصه في تلك المواضيع


ومش حقولكو بقى على المهازل اللي بتحصل في البرامج بتاعتها


خييييييييبه ما بعدها خيبه في الاسئله


ولا الاجوبه بقى تسمع اللي بيتكلم او بتتكلم تقول هي/ و بتقرا من كتاب


ايه التمكن دهوايه الثقه دي كلها


مش عارف الموضوع دا شالغلني بقاله فتره بفكر الناس دي ليه بتعمل كده


يمكن عشان قلقانيين من بكره ....او خايفيين من اللي جاي



طبعا حيطلعلي بقى مخلوقات من عينه انعكاس القيم البدنجانيه على الاسقاطات الوهميه في حله الملوخيه ويقولك اصل انت ما تعرفش وانت مش فاهم علم التخاريف اقصد قراءه الطالع ده بيناقشوه من سنين طويله وانت ايش وصلك لمناقشه الموضوع ده

انت بتناقش القضيه بدون تعمق وبتسطحها ووووووو والكثير من الكلام الفارغ اللي مالين بيه مدوناتهم


عموما الموضوع دا اكيد كتير منكم لاحظه زيي فايه رايكم ؟؟؟؟؟؟؟؟؟؟؟



ها وشوشت الودع قبل كده ؟؟؟





102 comments:

عروس البحر said...

ههههههههههه
اخيرا عرفت احجز مكان لاول تعليق بصراحة البوست جميل و السؤال حلو و برده الاجابات كانت مختلفة و متزعلش اللي بيعملوا نفسهم مجهولين و يعدوا يشتموا

عروس البحر said...

سوري نيست اقول تحياتي

اسكندراني اوي said...

عروس البحر
اهلابيكي
هههههههههههههههه
والله انا مش عارف موضوع اول تعليق ده
عارفه انا لما بدخل اعلق على بوست وبلائيني اول واحد بفرح اوي ههههههههههههههههه
يا ستي قلنا كتير دع الكلاب تعوي والقافله تسير

ماشي يا ستي
وتحياتي انا كمان

الله مقولتيليش شوشوتي الودع قبل كده ؟؟؟؟

Unknown said...

عمرى موشوشت الودع

بس اعتقد الى بيعمل كدة من فتح المندل والكوتشينة بتبقى ناس خايفة خايفة من بكرة او خايفة على شى عايزة تحافظ علية الخوف عندها بيغلب اى شى تانى
بوست رائع اهنيك علية

زحل الفلكي said...

حلو اوي البوست ده
موضوع فعلا ممتع
انا عن نفسي محاولتش اعمل كده وخصوصاً بعد لما عرفت الحديث الشريف فمفكرتش اساسا في حاجه زي دي
لكن فيه موقف حصل ادامي
كنت عند الحلاق
لقيت الموضوع ده بيتكلموا فيه وان واحد صاحبه رايح لواحد يفتح المندل
قولتله نعم!!
قالي اه
المهم الراجل ده جه بعد المندل ده
وبيقول اصل اتسرق مني فلوس مرتين من البيت ومش عارف ايه
قولتله متبلغ البوليس
قالي البوليس حييجي يبهدل البيت والدنيا حتبقا مش كويس يعني تصرفات البوليس
قولتله الحديث الشريف وقولتله يعني البوليس اهون واللا اللي انت عملته
قالي ماشي ياعم الشيخ
قولتله انا مش شيخ
وسكت عن الموضوع

فعلا حاجه غريبة ومتعلمين اللي بيعملوا كده
الله يحرق الودع على المندل ويهدي الدجالين دول

اسكندراني اوي said...

ايويه
عمرك ما وشوشتي الودع ؟؟؟؟
طب كويس جدا والله
بس اكيد اكيد وشوشتيه في قرايه حظك اليوم في الجرنان
صحححححححححححححح

كلنا خايفين من بكره مع ان لو فكرنا بالراحه حنلاقي بكره في ايد ربنا سبحانه وتعالى
اما اننا نحافظ على اللي معانا دا محتاج تعب وجهد مش فتح المندل

اشكر ليكي اطرائك ورفع معنوياتي

نورتيني بالزياره

اسكندراني اوي said...

زحل الفلكي
والله مشكله ان في فعلا متعلمين ومثقفين ثقافه حقيقيه وبروحو يفتحو المندل ويقرو الفنجان
ربنا يهدي الجميع
على فكره ناس كتير لما بتقولهم حديث او تفكرهم بايه قرانيه اول حاجه يقولهالك
ماشي يا عم الشيخ
المشكله الحقيقيه ان في ثوابت في الدين ناس كتير بتحيد عنها
وبمناسبه تشريفك احب احييك على المدونتين العسل بتوعك

يا جماعه الراجل ده دماغه حلوه اوي ياريت تزوروه
نورتني يا هندسه

mohand said...

السلام عليكم

لا انا بوشوش نفسي
مش بوشوش حد

تحياتي

علك بخير

مؤمنه said...

السلام عليكم ورحمة الله وبركاته
بقى بعد الى قولته من رزق الهبل ع المجانين ودى كلام اهبل والاحاديث الى اوردتها على حرمانية الودع والاطلاع ع الغيب
بتسأل
طبعا الكل هيقولك طبعا طبعا طبعا
بصدق فى الودع
هههههه دى مش محتاجه كلام
وفقك الله على هذه اللفتات التى لا نستطيع ان نقلل من اهميتها
والسلام عليكم ورحمة الله وبركاته

اسكندراني اوي said...

mohanad
لا علي صوتك سمعنا الوشوشه
ههههههههههههههههههههههههه
نورتني بالزياره

اسكندراني اوي said...

مؤمنه
اختي اشكرك على المتابعه الدائمه
والله انا بس عاوز اعرف البلوجريه بيفكرو ازاي في موضوع زي ده
ههههههههههههههه
تفتكري الكل حينكر
حنشوف
شرفتيني

Esmat said...

عزيزى ولا يهمك من التعليقات البايخة أكيد من ناس مش فاهمة قصدك ولا تلغى اى تعليق مش ظريف لانه صدقنى بيعرفك نوعية عقول مختلفة يعنى ادينا بنعرف اللى سطحى واللى بيستزرف واللى فاضى ورايق خليها نضحك عليها شوية ولا تزعل ابدا انا احب اعرف الامور الغيبية عن طريق قراءة طالع الابراج بس قراءة لا لا اسير حياتى عليها لان المفاجأت هى سمة الحياة بس لو مش سارة ربنا يبعدها عننا وسلامى لكل المعلقين المحترمين وسلام كبير لك

O S A M A said...

اسكندرانى

الموضوع جامد وفعلا الموضوع دا كتر اوى من وشوشه الودع وقراءه الفنجان وقرايه الكف وماشابه طبعا كله حرااااام ودجل وكذب

انا لو وشوشت ولاعمرى هودع

موضوعك جميل

ليا تعليق صغير وتوضيح بالنسبه لجمله رزق الهبل على المجانين حرااام نقولها

لان اللى بيرزق ربنا وهل يعقل ان ربنا مجنووون؟؟ دى معلومه اخدتها من الشيخ مسعد انور ربنا يجازيه خير في شريط الفاظ تخالف العقيده ياريت اللى مش سمعه يسمعه

تحياتى وسلامى لك يا اسكندرانى

keda-sponsor said...

تحياتي يا أسكندراني

لا والله عمري ما وشوشت الودع

و الناس إللي بتعمل كده بإقتناع ,,, و نقطه أقتناع دي مهمه .... بتعمل كده علشان خايفه من المستقبل .... بس ده في وجهه نظري علامه من علامات نقص الإيمان
لأنها دليل على عدم الثقه في قضاء الله و قدره

بس فكره حلوه موضزع الأستفتاء ده

سلااااااااااام

koka said...

محصلش انى وشوشته قبل كده ومعتقدش انى هاعملها فى يوم من الايام

لكنى اعرف ناس غاوية الحاجت دى اوى

ربنا يهديهم بقى

تحياتى لحضرتك :)

اسكندراني اوي said...

esmat30
اشكرك لرفع معنوياتي
بس في تعليقات بتتعدى عدم الظرف الى عدم الادب واعتقد من الصعب على اي زائر للبلوج ان يصدم بمثل تلك الكلمات
اتمنى اني مضطرش فعلا لحجب اي تعليق
اه انتي يعني بتحبي تشوفي الامور ماشيه ازاي
والله برضه هو كذب المنجمون ولو صدقو وكويس انك ما بتاخديهاش على محمل الجد

ربنا يكفينا شر المفاجات الغير ساره يارب

تحياتي ليكي

اسكندراني اوي said...

osama
كلامك صحيح يا صديقي
اوعى توشوش الودع انا بقولك اهه
هههههههههههههههههههه
اشكرك جدا على نصيحتك ولكن الجمله اللي بتعترض عليها لم تكتب بغرض تقرير حاله ولكنها مقوله او مثل مشهور يعني
عموما نشوف لها بديل او نشيلها خالص يا سيدي
جزيت خيرا يا ابو السماسم

الف تحيه

اسكندراني اوي said...

keda-sponser

يا ميت اهلا وسهلا
الخوف من المستقبل ....اه ياني
طب المستقبل بايد ربنا سبحانه وتعالى
نخاف ليه ومن ايه
اه ممكن نفكر ونخطط وعلى الله التدابير ولكن ما يبقاش ده منهاج حياه
هههههههههههههه شفت انا عملت الاستطلاع ده وقعد فتره بس للاسف الناس ما تفاعلتش معاه بالقدر الكافي
لكن يلا معلش اهو برضه في كام واحد عبروه
ههههههههههههههههههه

سلاااااااااااام يا باشا
نورت

اسكندراني اوي said...

koka
طب كويس انك مش ناويه توشوشي الودع
عارفه ان في تاس ما بتخطيش خطوه الا لما يعرفو الطالع ويشوفو البخت
ربنا يهدي

وتحياتي لحضرتك

Anonymous said...

بص يا سيدشى

أنا مرة بأزور واحدة معرفة
ومأعرفش بتاتاا انها من الناس اللى هوايتها تقرا الفنجان بعد ما حضرتى تشفط اللى فيه

مرة من المرات زورتها
وشربت القهوة لأول مرة كنت دايما بأطلب شاى أو تمر هندى كالعادة

حطيت الفنجان
سحبته من على الصينية وكركبته على بعضه وقعدت بقا تقول وتحكى
مش شغلة
اطلاااقااااااا
لكن هواية او غواية متعرفش

وهاتك يا رص
والمصيبة ان كل كلمة قالتها كانت صح فى أدق خصوصياااتى اللى محدش يعرفها حتى أقرب الناس ليا
اترعبت منها طبعا
ومروحتش هناك تانى الا كله سلامات بالتليفون ولو اتقابلنا بالصدفة فى الشارع


حنتفضح يا مولااانااا على تانى أو تالت فنجان

نياااهاااهااااااااا

المهم
البحث فيما وراء المجهول خوف طبيعى يا اسكندرانى من المستقبل
المستقبل مجهول
وطبيعة الانسان انه عجول
خلق الانسان من عجل
مستعجل كل حاجة معندوش صبر ينتظر بكرة ويعرف فيه اية

ومن وراء خوفه من المجهول يضطر للجوء لمن يطمئن قلبه ولو بالكذب والخديعة

أمل زائف يستمسك به يعينه على قسوة الانتظار

ولعلمك الظاهرة دى قليلة ومش كبيرة فى المشرق
عنها فى الغرب
الغرب تقريبا عايش حياته على الحاجات اللى زى دى وبيخلق لها علماء ومراجع وكليات تدرس فيها وكلام كبير كبير
والمنجمين هناك شعبيتهم أكبر من شعبية البريزيدنت بتاعهم


طيب تعرف ان ريجان ونكسون وهتلر وموسولينى كان لكل واحد منهم عراف أو متنبىء وبيقرا لهم الطالع ومكانوش بيتحركوا الا به؟؟؟

يعنى احنا بموروثنا الدينى نوعا ما نتحاشى حاجات زى دى
لكن هناك؟؟
أكتر من أكل العيش

===================
بالنوسبة بقا للمجاهيل
لو انا مكنتش حذفت البلاوى اللى جاتلى من المجاهيل
كنت اخدتك من ايدك وفسحتك فى التعليقات فى المدونة عندى وخليتك شفت أختك اتعمل فيها اية

لو نقدت الاخوان
يطلع لى مجهول يشرشحنى ويفرج البلؤ كله عليا

ولو نقدت الوطنى يطلع لى مجهول تانى يشرشحنى ويفرج الجمهورية عليا

ويا سلام بقا لما قربت من عمرو خالد
خللوا اللى ما يشترى يتفرج يا مولانا
خخخخخخخخخخخخخخخخخخخخ

يعنى انت تحمد ربنا يعنى
لسة سنة أولى مجاهيل

سيبك سيبك
كله بيعدى
ناس عندها فراغ عاطشفى على كوكتيل استحمار واستغباء وهيافة على عقد بلؤية

وعلى رأى اخواننا الشاميين
يا جبل ما يهزك ريح

تحياتشى


انت برج اية؟
وحظك اية النهاردة؟؟؟؟؟؟

نياااهااهااااااا

Anonymous said...

اسكندرااااانى


المدونة الجديدة بتاعتشك بتاعت الكلام اللى ميتقالش

انت عاملها سبيشيال يعنى؟؟

فيها كلام للكبار يعنى ولا انفيتات بقا وحركات؟؟؟

كنت عاوزة اتفرج

بس خللى بااك انا لسة صغنونة وبريئة

نياااهااهااااااا

3abdo me7tas said...

ازيك يا مان واخبارك ايه

أولا بالنسبة للتعليق اللى فى البوست اللى فات انا شايف انك تمسحه لانها كلمة جارحه جدا لبض الناس
لان فيه ناس بتقولك يا عم اهى كلمه وايه يعنى بس فيه ناس بتستحى انها تشوفها مش تقراها

أما بقى نيجي للموضوع التانى وهو وشوشه الودع
انا عمرى ما وشوشت ولا همست حتى للودع
بس فيه حاجه جامده بقىانا بعرف افتح الكوتشينه
نيهاهاهاهاها
لما كنت فى المزرعة كنت الم العنمال حوليا وافتح الكوتشينه ليهم وايه كل حاجه بتبان بقى
لدرجة ان فيه ناس كانت عايز افتحلها الكوتشينة بفلوس
بس هقولك على حاجه فتح الكوتشينة ده ليه طريقة وهى لا بتعرف لا ماضى ولا حاضر
هى طريقة بتتعمل بتخليك تعرف كل حاجه عن اللى قدامك
هنبقى نشرحها بعدين بقى بس على فكرة انا واخدها على انها لعبة
وانا مش بعرف العب كوتشينة أصلا الا بعض العابها البسطة

موضوع مفيد
جزاك الله كل خير

اسكندراني اوي said...

شهروزه
يا سلام عليكي بجد ايه رايك اشيل البوست اللي انا عامله واحط التعليق بتاعك بجد شيئ يفرح
وبتسعدني جدا قفشاتك الجميله والله
المشكله في الغرب فعلا انهم بيحطو تقديرات العارافين في العتبار الاول خاصه لو في حاجه بتتعلق بقرارات ماديه او سياسيه
مصيبه والله
احسن حاجه انك بطلتي تروحي عند قريبتكو دي عشان العمليه ما تتنشرش وتلاقي كل المستخبي با
هههههههههههههههههههه
موضوع الابراج دا كمان مصيبته مصيبه
اللي يقولك الحوت ما يتفقش مع السرطان والجدي ما يمشيش مع العقرب لا يلدغه
هههههههههههههههههههههههه
وحاجات انا مش عارف جايبينها من انه داهيه
نهايته
من ناحيه التعليقات
عارفه لو تعليق في تطاول ماشي حنعديها انما دا وصل للسباب يا اختشي
شوفتيش تخلف اكتر من كده
واعتقد ان زائر البلوج من حقه انه ما يشفش ما يجرح حيائه خاصه لو بنانيت وسيدات
وشباب ورجال محترمين


بالنسبه للبلؤ الجديد والله دي لسه فاضيه على الزيرو
ولما تتفتح ان شاء الله حشوف بقى حمشيها ازاي
بس في الاغلب حتكون ببلك برضه للناس كلها. بس يا ستي مافيهاش حاجه ما تقلقيش

انا عارف ان كلكن الحمد لله فضليات
هااااااااااااااااا

اسكندراني اوي said...

3abdo me7tas

يا صباحو
ازيك يا صديقي منورني
والله يا اخي التعليق دا مزعلني جدا عارف ليه
لانه جاي في بوست ما يصحش انه يتقال فيه كده
ناهيك عن بذائه التعليق
ولكن حسيبه شويه
واكيد حمسحه
كوتشينه !!!!!!!!يا راجل
لا دا الواحد يخاف منك بقى ههههههههههههه

ربنا يكرمك وتبطل احسن

وربنا يجزاك انت كمان خير
وخلينا نشوفك

Unknown said...

فية مدونة ليك مش عارفة ادخلها انت مانع الدخول فيها هية موجودة على البروفايل بتاعهك

hazem shalaby said...

من الكويت للدوحة بأمسى على صديقى الاسكندرانى وأقوله سيبك يا زميل ما تشغلش بالك بالعالم الزبالة دى والمرة الجاية امسح التعليق وخلاص وأحب اوشوش الودع وأقوله فين السمك السنجارى .... على فكرة جربت مرة واحدة أوشوش الودع كانت فى حديقة حيوانات الجيزة ايام الكلية مع ست غجرية ومش حتصدق ارتعبت من اللى قالته وازاى عرفت عنى كل ده من يومها حرمت اعملها تانى ... نصيحة بطل توشوش الودع وخلى الطابق مستور

اسكندراني اوي said...

اختي العزيزه ايويه
دي بلوج لسه ما جهزش
حفتحها لما تجهز
وانا عموما رفعتها من الروفايل عشا محدش يزعل مني
اشكر ليكي متابعتك الدائمه

اسكندراني اوي said...

حازم شلبي
صديقي العزيز
مرحب بييييك
والف اهلا وسهلا
اه من السمك السنجاري وعمايله
اسكت بقى سيبني متلصم
هههههههههههههههه
اوعى توشوش الودع تاني حتعمل زي شهروزه لما كانت عند قريبتها
ههههههههههههههههه
نورتني يا جميل


بمناسبه التعليقات
لو فيه قله ادب حيتمسح ولا عزاء لكاتبه
نورتني يا جميل

aliaa said...

بص يابنى
انا طبعا عمرى ماوشوشت الودع لكن اكيد قريت اقصد وشوشت ( اصل انا صوتى منخفض علطووول ) حظك اليوم بس ده كان وانا صغيرة كنت عيله بقى وبصدق الكلام العبيط ده لكن من اول ثانوى بدأت افهم ان ده حرام والحمدلله اقلعت عنها ولم اعد اصدق مثل هذه التفاهات

بس موضوع حلو اوى
انت بقى وشوشت الودع ولا عليت صوتك؟

koukawy said...

انا مصوتش بس مش بصدق اصلا في الحاجت دي
و لا ابراج و لا طالع و لا كوتشينه و لا عفريت ازرق
و بحس انها ممكن تعمل حاجات مش كويسه

tota said...

اسكندرانى

اولا عذرا على الالفاظ فى التعليق على البوست السابق
وان كان هناك من يستطيع ان ينطق بها فاغلب ظنى ان تركها فى المدونة لن يؤنب ضميره او يؤلمه او يذكره باسائته للناس لانه من الاساس معدوم الضمير
فاولى بك حذفها حتى لا تسىء الى بقيه من يحب كلماتك ولا يحب ان يرى اهانة لك

ثانيا
الودع والدجل الخرافة التى لا تنتهى
عمرى ما فكرت اعمل كده
ببساطة لو ربنا عايزنا نعرف المستقبل كان حلله ويسره
ولبات الانسان حاملا هم ما سوف يحدث له فاقدا كل متعة خاصة لو كان مستقبله لا يشير الى خير
فمن حكمته ان لا نعرف

اما لماذا يلجأ الناس لذلك فهو البحث عن اى امل حتى ولو كان كاذب

قولى انت بقى سبق ووشوشت الودع ورد عليك ؟

Desert cat said...

لنل بصراحة مجربتش اوشوشه
بس فى واحدة فى مرة قالت لى تعالى نروح للشيخ مش عارف مين اصله بيعالج بالقران
وانا عايزه اروح له علشان يعالجنى اصل كل لما يتقدم لى عرلايس تحصل مصيبة
قولت لها يلا يابت من هنا مش عايزه وجع دماغ
بلا جهل
وقعدت فاهمها انه حرام انها تعمل كدا
وان الزواج رزق من عند ربنا
يمكن دى الحاجه الوحيدة اللى اتعرضت لها فى الموضوع ده

اسكندراني اوي said...

aliaa
انا اللي بسال مش انتي اللي بتسالي هههههههههههههههههه
يعني اقلعتي عن عاده قراءه حظك اليو م
عارفه انا اكتشفت ان تقريبا 90% من الناس بتقراء حظك اليوم
اغلبهم ممكن ما بيقتنعوش بيه
لكن في ناس وانا اعرفهم شخصيا
لما يبقى البخت وحش تلاقيهم مقبوضين كده وحالتهم حال
اما بالنسبه ليا انا
وانا شاب صغير في فتره المراهقه وشوشته في المعموره مره
وكنا في شتا معرفش دي طلعت لنا منين
المهم دي كانت المره الوحيده اللي عملت فيها كده
الف شكرليكي على الزياره

تحياتي

اسكندراني اوي said...

koukawy
كويس انك ما بصدقيش في الخرافات دي
حاجات مش كويسه ازاي يعني
تعمل عكوسااات
ههههههههههه
صدقيني والله
ربنا قالها في كتابه قل لن يصيبنا الا ما كتبه الله لنا
تحياتي ليكي ونورتي
وانا سعيد لخروجك من مود الحزن وربنا يطمنا عليكو دايما

اسكندراني اوي said...

tota
اهلا بيكي
واشكر ليكي شعور البلوج هنا وانا بناء على نصيحتك ونصيحه بعض الاصدقاء حزفت التعليق
شاكر ليكي مره تانيه ولا حرمن الله من زياراتكم المثمره
وبعتذر ليكي ولكل الزوار عن التعليق

واي خرافات يا سيدتي يا خبر دا الواحد بيشوف مهازل
وزي ما قلت في التعليق السابق قل لن يصيبنا الا ما كتبه الله لنا
والله خير حافظا

اه وشوشت مره وانا صغير في فتره المراهقه
ومعملتهاش تاااااني

تحياتي وشرفتيني بزيارتك

اسكندراني اوي said...

desert cat
دي مصيبه تانيه اللي بيدعو العلاج بالقران دول
مصيبه حلت على الناس وعلى الدين ربنا يرحمنا منهم

شاكر ليكي مشاركتك بالواقعه دي وعلى الله تكون صديقتك دي اقتنعت ان دا حرام

تحياتي واهلا وسهلا بيكي

فى القلب said...

أسكندرانى
أنا عايزه ألفت نظرك أن فيه ناس مش بتحب نجاح أى شخص و الحقد مالى قلوبها
ولما يلقونا كلنا كده ملمومين حوليك وبنحبك جدا فى الله
النار بتولع فى قلبها
ومش عارفين يطولوك أزاى
ولأنهم قليلين الحيله
يقوموا يهوهاو على القافله
بس أحنا كل البلوجاريه بنحترمك و بنقدرك بعمق
وبعلنها أن حضرتك ضفت روح أقل وصف ليها أنها رائعه وجميله
فى عالم البلوجات
وربنا يخليك لكل البلوجاريه يا مصرى يا اصيييييييييييييييل

اسكندراني اوي said...

في القلب
اللي انتي قلتيه دا كتيييييييييير عليا اوي اوي اوي
انا يادوب لسه بحبي في عالم التدوين يادوب هما شهرين بس
انا لا استحق كل هذا
وان كنت اشكرك كثيرا
احبكم الله الذي احببتموني فيه
وربنا يديم المعروف والمحبه في الله
كل المدونين اللي بيزوروني وازورهم ولله الحمد على درجه عاليه من الاخلاق والتدين
ايوه بيهاوهوو
كانت كلمه جدي لامي رحمه الله عليه
دع الكلاب تعوي والقافله تسير
زي ما سبق وقلت لاخونا مهند
ربنا يخلينا كلنا لبعض ويجمع قلوبنا على حب الله
وطاعته

**********************************************
فين اجابه السؤال
وشوشتي الودع قبل كده ولا لا ؟؟؟؟
الاجابه اجباري يا سيدتي لو سمحتي

بنت القمر said...

السيد اسكندرانى اوى المحترم
بص بالنسبه للوشوشه انا وشوشت زمان ايام اعدادى والست قالتلى فيه واحد من دمك بيحبك واسمه محمد واكيد ها ياخدك طبعا انا كنت عيله وطبعا مفيش عيله مفهاش احمد ومحمد لاحظ الكلام دا يجي من 40 سنه خخخخخخخ
المهم قعدت فترة كل ما حد اسمه محمد يكلمنى ابص ليه شذرا واسلم عليه بطراطيف صوابعى وبغلاسه متناهيه ما هو اكيد دا. لادا. لاديبقي اكيد دا لما جالى حول وطبعا مجوزتش محمد فى الاخر المهم
انا دلوقت مش بوشوش انا بصوت فى الناس والحيطان والفامليا بتاعتى انتهى زمن الوشوشه لان الضغوط رهيبه
بالنسبه لحكايه الشتيمه فانا لااوافقك الراى على تركها ليه؟لان مدونتك زى بيتك والناس اللى بتيجى تعلق وتقرا دول ضيوفك . يعنى ما ينفعش حد يجى يكب زباله فى بيتك ويمشى او يتبول عذرا ويمشى كان لازم تمسح التعليق وممكن تنوه طبعا انا احيي ثقتك فى نفسك وقدرتك على ضبط اعصابك ولكن بيتى اللى يدخله يا يدخله باحترام يا اما برة...وجهه نظر
تانيا عيب الكدب انت عارف مين اللى شتم
طب اقولك انا؟
للاسف احنا وقعنا ضحيه فخ لما تقول وجهه نظر مضادة لشخصيه س مثلا ويكون هناك من يرغب فى التقرب منها واستعراض العضلات ادامها والاسترجال يقوم يدخل معاك معركه يخرج عن حدود الحوااار ليه؟ لانه اصلا مش عاوز يتحاور هو اصلا عاوز يبهدلك عشان يظهر ادام الشخصيه اياها حامى حماها والمثقف الاوحد ويكلمك بكل صلف واستكبار وسفاله
المهمالدليل انه راح تلك المدونه وقال بصي بنت القمر واسكندرانى مبهدلنى عشلنك وهى ما كانتش تعرف اصلا حاجه وخلاها تيجى تشوف التعليقات والصراع يبقى فى فخ ولا لا؟؟ مفيش حد محترم يقول مبهدلنى دى!!كان الموضوع جاله على الطبطاب عشان يعمل كداا
وبعدين انا بتعامل مع الجميع بمنتهى الاحترام ويقول انا من ش12انا من الجمرك انا ها اعمل واسوى ايه البيئه ديه؟ ايه اسلب البلطجيه اللى بيقطعوا هدومهم ويطلعوا المطاوى عشان اخافه الاخرين واستعراض العضلات؟؟
تحياتى لحضرتك وخلى بالك يحسن دى ناس مستبيعه خخخخخخ
وبعدين احنا يا دوب ابتدائى !!!على فكرة حفظت جدول الضرب ولا ايه؟؟ طيب مرفووود ها ترجع حضانه تانى
اختك بنت القمر ناجحه ومنقوله تانيه ابتدائى_

اسكندراني اوي said...

العزيزه بنت القمر

كل ده ولسه ما لقتيش محمد يا خبرررررررررر
عجبتني اوي انا بصوت مش بوشوش ههههههه
بجد ضغوط الحياه بتخلي الواحد يخبط احيانا دماغه في الحيييييط
كان الله في عون الجميع
وبلاش توشوشي الودع تاني
***********************************

انا اسف طبعا اني جعلت البوست الاخير في مدونتك مسرح لصراع للاسف غير متكافئ
لا من ناحيه التفكير
ولا من ناحيه الثقافه
ولا من ناحيه الاراء
ولا من ناحيه التعبير
ولا الاسلوب
عجبني جدا ردك عنده وعندك
انا بالفعل دخلت عنها وقريت ما كتبه هناك
ليكن تربيه اي مكان مش المكان اللي بيعمل البني ادم ولكن هي التربيه اللتي تفرق بين الناس في ناس متربيه وفي ناس لا
انا حزفت التعليق اللي كان عندي في البوست الاخير
انا بس كنت سايبه علشان الناس تعرف الانحطاط اللي وصله قله من البلوجرز المصريين
عندما نختلف في الراي
ويوضع في خانه اليك زي ما يقال
اول حاجه يعملها انه يستخدم لسانه
دا للاسف حيله الضعفاء
دا من وجه نظري انا
والله لو تعرفي انا بحاول انتقي الالفاظ اللي بكتبها حتى لا يساء فهمها
لاني ضد التدوين المولوث للاخلاق
والتعبيرات المقززه المنتشره في بعض البلوجات مع جم احترامي لاصحابها

انا مش بكدب
انا قلت


واكاد اجزم انه/ها او انهما انا عارفه/ ها او اعرفهما
ولكن ليس من عادتي ان
اتهم بلا دليل


وانا معنديش دليل واضح صريح لاي حد
هههههههههههههههههههههه
اللهم الاي بي بتاع اللي كتب التعليق

وجه نظرك صحيحه ميه في الميه

ودا اللي انا قلته في بدايه البوست ده
اي حاجه بعد كده حتتمسح مش عشان حاجه اكثر من ان الناس المتربيه حرام لما تشوف كلام ناس مش متربيه
عموما
انا شاكر ليكي جدا الزياره والتعليق
وبعتذرلك مره اخرى على اللي حصل عندك في البلوج

سيدتي لو الانتقال الى الصفوف الثانويه يتطلب اعتناق مثل تلك الافكار الشاذه فانا على استعداد ان ابقى حياتي كلها في الروضه
ولكن في طاعه الله
لا ادعي الكمال
لكني اجتهد الا اعصي ربي

شاكر ليكي تشريفك مره تانيه
وربنا يحفظ الجميع

فى القلب said...

هو عشان سؤال أجبارى
أنا هجاوب وأنا مغطيه وشى و مكسوفه
أيوه يا سيدى
أستغفر الله العظيم
وسوسه شيطان وراحت ان شاء الله لحلها

NeRmeeN said...

السلام عليكم

دى اول زيارة ليا فى مدونتك ..وان شاء الله مش هتكون الاخيرة

بالنسبة للموضوع اللى انت بتتكلم فيه..هو فعلا بقى منتشر اوى ..والناس بقيت مولعة بحاجة اسمها استطلاع الغيب ...وبقت قراية الابراج نشاط يومى معتاد..واللجوء للعرافين و الدجالين بقى الحل رقم 1 عند بعض الناس ....بالنسبة انا قبل كده وشوشت الودع ولا لا
الصراحة اه..قبل كده وانا فى تانية اعدادى تقريبا ...وانا واقفة مستنية بابا يجى ياخدنى لاقيت واحدة جاية عليا انا و صحبتى وبتقولى رسة كلام حافظاه ..اللى فهمناه يعنى انها عايزانى اوشوش الودع ...واتنيلت وشوشتته ..ورصتلى كلام محفوظ و اخدت جنيه باين و مشيت ..انا عملت كده فضول مش اكتر ...بس بعدها حسيت انى اضايقت وقعدت اقول ازاى انا اعمل كده وقلت مش هعمل كده تانى...لاقيت الاسبوع اللى بعده .وانا قاعدة برده مسيتنة بابايا..واحدة جاية تقولى نفس الحوار ..كلمتها برخامة ...قعدت تردحلى فى وسط الشارع و كان مسخرة يومها:ي

معلش طولت عليك...تحياتى

اسكندراني اوي said...

في القلب

جميل جدا ان يعترف الانسان بخطاه
والحمد لله انا ما تكررتش
اشكرك على المتابعه
تحياااااتي

اسكندراني اوي said...

NeRmeeN

اشكر ليكي زيارتك
وكويس انك عرفتي من بدري ان دول نصابين
لا وشوفي رايحه فين اما مدرسه
يعني عارفه ان دول بسه شابات صغيرات عاوزين حيتجوزو مين وينجحو ولا لا
بيسترزقو

الحمد لله انك فطنتي للملعوب
ههههههههههههههههههه
تحياتي

Esmat said...

إسكندرانى أوى
حاول إنشاء الله لو قدرت تنزل اسكندرية فى رمضان إنك تنزل - تحضر رمضان فى إسكندرية لانه طعمه مختلف وأنت مع اهلك حاول من دلوقتى تفكر روح تانية رمضان فى مصر واللمة جميلة والناس فى الشوارع حتى الفجر و انا عملت عمرة الشهر الماضى فى رجب والحرم من دلوقت زحمة فظيعة وكل سنة وانت طيب

Unknown said...

شكلى جيت متأخر ... أنا علطول مقصرة معاك بس و الله الجهاز بتاعى مغلبنى و أنت أظن مش محتاج أشرحلك أنت قد أيه غالى عندى بالنسبة للى شتم ده الكلب لما بيهوهو ما حدش بيرد عيه
بالنسبة للودع عمرى ما عملتها و باستغرب ع الناس دى الى فاكرة أنها دخلت فى علم الغيب و أكتر على الناس الى بتصدقهم

Anonymous said...

السلام عليكم يا باشا الباشوات كلهم..اخبارك اية واخبار الغربة اية..عايز اقولك انك لازم تتوقع ان هناك بعض النفوس المريضة المتخلفة اللى عايشة فى مجتمعنا ودى سنة الحياة يا باشا..سيبك منهم وكبر دماغك ..اللى زى دول بيبقوا معقدين نفسيا ومش بيعرفوا يعيشوا فى مجتمعات متحضرة....على فكرة يا باشا انا مش باشوفك على المسنجر لية ..لعل المانع خير انشاء الله ....وصباح الفل يا عمنا


تحياتى

هيداكا وهيروا

اسكندراني اوي said...

esmat30

اكيد رمضان في اسكندريه طعمه غير اي مكان تاني
ان شاء الله في مداولات بشان هذا الموضوع مع الناس هنا وربنا يقدم اللي فيه الخير

عمره رمضان
ما اطهرها وانقاها واجملها
لقد من الله عليا بعددج لاباس من العمرات في رمضان
وعدد لا حصر له في غير رمضان اثناء تواجدي في المملكه
افكر جديا ولكن الظروف قد تتغير في اخر لحظه فلا اريد ان نتعلق بامل ثم لا يتحقق
شاكر جدا دعواتك
وربنا يكرمك

اسكندراني اوي said...

عاليا حليم
لا متاخره ولا حاجه البيت بيتك دايما في اي وقت
من ناحيه الجهاز اخر مره انتي قلتي انك عملتيله لمون
المره دي اديله مضاد حيوي يمكن ربنا يكرمه
هههههههههههههههههههههههههه

ان الله عنده علم الساعه وينزل الغيث ويعلم ما في الارحام
وماتدري نفس ماذا تكسب غدا
وماتدري نفس باي ارض تموت


فباي منطق يعتقد الناس انهم يعلمون ما في ملكوت الله

ربنا يهدي

شاكر زيارتك

اسكندراني اوي said...

هيداكا وهيروا

باشا
الهندسه الكبير

اه والله العقد والكلاكيع بيطلعوها علينا
ربنا يهدي ويشفي
ههههههههههههههههههههههه

المسنجر هنا مخاصم مسنجرات الدنيا كلها فعذرا لو معرفناش نتواصل




انت ما جاوبتش السؤال

وشوشت الودع قبل كده ؟؟؟؟
السؤال اجباري

Doaa Ebrahim Aaql said...

انا عمرى ما وشوشت الودع
بس مش بنكر انى مرة فكرت انا وصاحبتى
من باب الجنون وتجربة كل شئ
بس كانت فكرة وقتية
بعدها تراجعنا على طول

وبعدين مش تزعل ياجميل من التعليق
انت بعد كده فى التاجات
لما يسألوك حد قل أدبه فى التعليقات
هتبقى تقول اه
ههههههههه

ومن حقك طبعا تحذف التعليق اللى مش يعجبك

سلامى ليك

اسكندراني اوي said...

princess dodo

اهلا وسهلا بيكي
نورتي
الحمد لله انك تراجعتي عن الفكره
لان مش كل حاجه لازم تجربيها في حاجات لازم الواحد يحجم عن الخوض فيها

بلاش سيره التاجات الله يكرمك يجعل كلامنا حفيف عليهم
ههههههههههههههههههههههه

Hadota ... حدوتة said...

السلام عليكم ورحمة الله وبركاته

اخى الفاضل

طبعا سخافة تعليقات المجاهيل ساعات بنعانى منها كلنا .. انا شخصيا اتعرضت لها فى بلوج قبل كده مش عندى الحمد لله
فالباب اللى يجيلك منه الريح اقفل المجهول واستريح


وشوشة الودع وقراية الطالع وكل دا حرام بكل ما تحمله الكلمة من معنى من منظور اسلامى طبعا

لان الرسول كان واضح وصريح فى النقطة دى كذب المنجمون ولو صدقوا

فميش مجال للمناقشة بقى


الناس بتلجأ لدا رغم انه حرام من ضعف النفوس ووسوسة الشيطان


تحياتى ليك على مناقشة الموضوع دا

سلام

Lemonada said...

اولا نفض بكل ما تملك من تنفيض على الرزلين الي كنت بتتكلم عليهم
ثانيا وش وش الودع
هممممممممم
لاء خالص
معنديش الحجات دي
الي يجي من ربنا احسن حاجة
حتى لو كانت وحشة
اكيد بكرة يجي يوم وقول الحمد الله الي حصل كدة
بس يا عم
تحياتي
ليمو المنعنشة

اسكندراني اوي said...

Hadota .. حدوتة

مشكله التعليقات المجهوله بيشتكي منها الكثير من اصحاب المدونات
انها شكوى عامه يا سيدتي
ولكن يبدو ان اللي حصل معايا كان شديد حبتين
بس برضه احنا اسكندرانيه ما يهمناااااااش
ههههههههههههههههههههههههه
اه المشكله فعلا ان اللي بيعمل الحكايه دي عارف ومتاكد انها تخالف الشريعه
لكن الشيطان والنفس الاماره بقى

اشكر لكي تشجيعك
وتحياتي ليكي

اسكندراني اوي said...

Lemonada

حنفض واغسل وانشر كمان ماشي ههههههههههههه
يعني ما حصلش انك وشوشتي الودع
خالص خالص؟؟؟؟

لا برافو عليكي

كل اللي يجيبه ربنا كويس
حتى لو من وجه نظرنا وحش
بس اكيد في لينا مصلحه فيه

تحياتي ليكي

Hannoda said...

أ،ا معملتهاش قبل كده بس.. ودايما مقتنعة جدا إ، ده شيء مرفوض و غير مقنع ومنفر بالنسبة لي
بسش
تعالى معاي لـ.. "بس".. ساعات الواحد يكون داخل على حاجة مهمة و جديدهو صعب تاخد فيها قرار
وتلاقي حد بيزن عليك .. في صورة علم الفلك أو الودع أو الفنجان

فتلاقي نفسك بتعمل نفسك مش سامع صوت عقلك اللي انت متوعود عليه

وتشتغل نفسك بإن الناس ده ساعات بتقول كلام صح

و جايز تقول أنا بهرج و عمرى ما اقتنعت بالكلام ده .. آديني بهرج و خلاص

المستقبل فايد ربنا .. الحاجة الوحيده اللي ممكن نضمنه بيها هو عمل الخير و طهارة النفس
كل ماكان اخير فأعمالك أكتر كل ماكان الخير اللي جايلك أضمن

وطالما ضامن إن المستقبل جاي بالخير فيجي بقى زي ما ييجي

تحياتي يا اسكندراني

loumi said...

عرّافه
بصّاره
برّاجه
اشفلش بختك يا بنييه؟
وشوشي وشوفي من مستنيش على جمر النار
ما تخافي
ان طلع كلامى صدج ادفعى وان مو صوح ما تدفعي شى
هى دى الثلاث كلمات
والجمل المأثورة التى ترددها
تلك السيدات اللى بيبقوا داقين وشم على ذقنهم ويلفوا بين الناس فى القهاوي فى سوريا
واغلبهم من الغجر طبعا
الناس دى
عندها نوع من الفراسه وبيلعبوا بالبيضه والحجر
وهى بتبقا نوع من انواع التلسيه مش اكثر
ورزق الهبل على المجانين
زي ما بيقولوا
وتقريبا اللى بيوشوش الودع بيدى انطباع للعرافه انه منتظر خبر
فبتبتدى تقول كلام فى الاول بشكل عام
ويمكن تلقط معاها اشاره لموضوع معين
الموضوع جميل
والتعليقات بصراحه جميله كلها
انا مش عارفه ليه دايما باجى متأخره
أأأأأأأأأأععععععععععععععععععععع
تحياتي
ما زال البعض لا يرقى للغه الحوار
وفى نفوس مريضه ودى ناس ما تستاهلش ان الواحد حتى ينوه لها
ربنا يكفيك شر تعليقات المجاهيل
تحياتي يا كبير قوي

Anonymous said...

باشا الزمن اللى فات واللى جاى كمان ...شو اخبارك ..هو المسنجر بتاعك لسة بيرجع...ههههههه..حبيت اطمن عليكى يا معلم واعرف اخبارك اية...اما بخصوص الودع ..ما خبيش عليك انا من عشاق البحر خصوصا اوقات الشروق والغروب وكنت وانا صغير فعلا باعمل زى كدا اللى بيسموها وشوش الودع بس الواحد بقى لما كبر وكبرت معاه المسئوليات نسى ...بس الاجابة فعلا انا وشوشت الودع من قبل بس بصراحة مش فاكر قالى اية...وعلى فكرة هنا فى الامارات فى مكان باحب اروحه كتير عشان الاقى قوقاع اوشوشها بس الظاهر انها نادرة اوى هنا ...بس اوعدك لو الودع قالى حاجة اكيد حاقولك..بس على فكرة الموضوع كله يعنى درب من دروب الدنيا والتسالى مش اكتر ..فى ناس ممكن تحصل معاه الحاجة بتاعت الودع وبالتالى تعتقد فيه ..بس نرجع ونقولك اهى تسالى ...و.....اوشوش الودع ....ههههههههههههههه....سلام وتحياتى

هيداكا وهيرو

loumi said...

على فكرة
كبير مقاماً
:):):):):)
تحياتي

اسكندراني اوي said...

hannoda

عارفه علشان السبب اللي انتي قلتيه دا ربنا سبحانه وتعالى شرع لنا
صلاه الاستخاره

وربنا يثبتنا على العمل الصالح يارب

نورتيني

اسكندراني اوي said...

loumi

ابين زين ووشوش الودع وشوف البخت
ابين زيييييييييييييين

دا اللي بيقولوه في مصر ههههههههههههههه

مافيش تاخير يا ستي ولا حاجه البلوج يشرف بيكي في اي وقت
واهلا بتعليقات في اي اي اي وقت

والله كل الناس اللي بتشرفني هنا على اكبر قدر من الادب والاخلاق والمعرفه
ولكن بيطلع احيانا ناس مالهاش لازمه ....يلا ملوش لازمه الكلام

احنا قلنا دع الكلاب تعوي والقافله تسير


ياستي ربنا يكرمك ويعزك

تحياتي ليكي

اسكندراني اوي said...

هيداكا وهيرو

لااااااااااااااا
ما بحبكش وانت بتوشوش الودع
خليك مع الله لا ودع ولا حاجه ابدا
عارف يا صديقي انك مثلي من عشاق البحر
واه يا بحرنااااااا

وحشني اوي

كلاكيت تانى وتانى said...

من 17 سنة وأكتر كنت بتمشى فسيدى بشر وقابلتنى غجرية ووشوشت الودع بهزار مع صحابى وقالتلى هتتجوزى بدرى وهتسيبية بدرى وأول حرف من أسمة ع وهتتعبى قوى وتستريحى قوى وضحكت ومشيت ولسة فاكراها للأن لأن كل االلى قلتهولى حصل بس أنا مبفكرش فالصح أو الغلط لسة للأن بشرب قهوة مع صاحباتىونقرأ الفنجان بس هزار ولسة بدور ع الودع ع الشط وأوشوشة ولسة بحط الودع ع ودانى وأسمع صوت الموج بس كل دة حنين لأيام عدت وتمسك بحميمية العلاقة مع البحر والموج والغجرية وضحكات الطفولة والشباب وهناك فرق شاسع بين الأعتقاد والأيمان بشئ وبين أنى أعملة لمجرد العادة أو الفضول يعنى كل يوم ممكن أشوف حظى وبرجى بس مستحيل أصدق أو أرتب حياتى ع هذا الأساس والمفيد أنى بوشوش الودع وعمرى ماهبطل أوشوشة عشان البحر والودع والغجرية زى القمر والليل والشعر ميفترقوش

اسكندراني اوي said...

كلاكيت تانى وتانى

اهلا بيكي سيدتي
لسه بتقراي الفنجان وتوشوشي الودع

اه ما متؤمنيش
بس اعتقد انه حتى لو على سبيل الدعابه

كون اللي اتقالك من 17 سنه حصل هذا لا يعني انها اطلعت على الغيب

احييك على صراحتك
اما اننا نعمل ده على سبيل الدعابه مش عارف بقى وجه نظر الدين فيها ايه


ما احلى اننا نسمه صوت البحر في الصدف
والموج يرن والبحر قدامنا



اشكر ليكي زيارتك

Anonymous said...

بصراحه عمرى موشوشتش الودع
ولو عملته بعد كده يبقى تهريج مش اكتر

اسكندراني في الغربة said...

مش انا اسكندراني
واتمشيت عل البحر 2بليون مرة بس
وقابلت كتييييير من الي بيوشوشوا الودع ويقرأوا الطالع و الي نازل
بس بجد عمري معملتها
وعلشان الحلفان حضرت الوشوشة مرة واحدة
وكانت النتيجة (أنها) حتتجوز يا احمد يا محمد
عاوز تضحك بقا
بالفعل هي اتجوزت واحد من الاتنين

اسكندراني اوي said...

محمد
اهلا بيك في المدونه
والله نصيحه ولا من باب التهريج لان التهريج ممكن يقلب بجد لو توافق الواقع مع قد يقال ليك وده ممكن يدخلك دايره صعبه اوي

ربنا يحميك وسعدت بزيارتك جدا

اسكندراني اوي said...

اسكندراني في الغربه
يا اهلا يا صديقي
اهم حاجه اللي طالع واللي نازل
اه منكم يا اسكندرانيه
هههههههههههههههههههههههههههههههههههههههههههههههههههههههههههههههههههه

طب اتجوزت مين احمد الشهير بمحمد

ربنا يهدي الناس اللي بتحط ودنها لبتوع ابين زين واضرب الودع


نورتني يا صديقي

mimi said...

اسكندراني
شكرا انك فاكرني وبتطالب بالجديد
البوست حلو قوي
انا وشوشت الودع مرة واحدة والست قالت حاجات كتير شوية صح وشوية اعتقدنا وقتها انها غلط بس دارت الايام وكلام العرافة اتحقق
قالت لاختي هتاخدي واحد من دمك ووقتها كانت مخطوبة لواحد مش قريبنا ولفت الايام واتجوزت من دمها فعلا قد تكون صدفة ولكن في قاعدتين يجب ان نسلم بهما الاولى
كذب المنجمون ولو صدقوا والثانية قول رسول الله :( من اتى عرافا لم تقبل له صلاة اربعين ليلة)
تحياتي ع البوست واوعدك بالجديد قريب

بنت القمر said...

يا لهوى هما كلهم بيقولوا يا احمد يا محمد !! لا دول حافظين رغم النصابه بتاعتي كانت فى مصيف باسماعيليه
يلا انا كنت صغيييييرة
وربنا يسامحنىويسامحنا كلنا... وفعلا اة من الاسكندرانيه خخخخخ نكتتتته

همس الليل said...

اسفه على تاخير تعليقى
مش عارفه ليه
معلش قله ادب بئا ههههههه
المهم
على فكره الموضوع دا بردو بصراحه لافت نظرى اوىىىىىى
انتشر فى الشوارع دلوقتى تلاقى اتنين ماشيين لابسين فلاحى كدا وبينادو ابين زين وحجات كدا
كان زمان بيعدو على البحر والشواطىء باعتبار المصيفيين بياخدوها تسليه
انما الغريب انهم بقو بيعدو فى شوارع ملهاش علاقه بالبحر ولا التصييف ولا الهيافه اصلا
.........
هحكيلكو حكايه تضحك عن بتوع الحجات بتاعه الطالع والنازل والواقف دى
انا على خلاف فى الفتره الاخيره مع خطيبى فبيتصل بيا فحصلت مشكله جامده وقلتله انى مش عيزاه
وبنا انه بعيد وهو مسافر مش قادر يرجع اتصل بامه وقالها تكلمنى تشوفنى انا عايزه اسيبه ليه
المهم قابلت والدته واتفاجىء انها جيبالى اتنين من دول
وهات يا لت وعجن على دماغى
وكلام كدا
لما طردتهم ومشيت وانا دمى محروق
........
انا مش بؤمن بالحجات دى لانها حرام
بس للاسف انى بعرف اقرا الفنجان كويس اوى
انا زمان كنت باخدها على سبيل التسليه والهزار
مره على مره بئا كلامى بيحصل حتى لما اقرا لماما او اخواتى
وبقو بيشربو قهوه ويجرو ورايا اقرهالهم
لحد ما بطلت مش بقراها الا لنفسى بس دلوقتى هههههههه
يلا تعالى اقرالك الفنجان بئا ههههههه

معلش طولت عليك ورغيت كتير ههههههه

Marwa Friday said...

ههههههه مش عارفه ليه افتكرت اغنية شادية ! انا عمري ما وشوشت الودع بس بحب اسمع صوته ...! تخيل ..
وشوشة ايه بس ياعم اسكندراني
ماكانش حد غلب
تحياااااتي

نانو said...

ههههههههههههههه
موضوع جميل فعلا
أحنا طبعا سكندريين وطبعا قعدت على البحر كتيير بس مكنتش بحب أوشوش الودع كنت بستحرم أوى الموضوع ده بس لأجل الحلفان أنا وشوشت الودع مرة واحدة بس ومن زمان كنت فى أجازة صيف الثانوية العامة وطبعا قعدت الست تقولى حاجات ومحتاجات ليا أنا ولواحدة زميلتى ومحطتش فى دماغى يعنى وحتى مش فاكرة بالظبط ايه اللى قالته
بس على فكرة هو بيبقى فضول لمعرفة أشياء مخفية عنا مش اكتر يعنى مش تصديق بهم ولا حاجة
وأوعدك مش حوشوش الودع تانى حقرأ الكف بقى ههههههههههه
سلام

الربان said...

تحياتي

البوست جميل... و مختلف وهذا شيء يحسب لك .

التنجيم له اساليب عدة...مختلفه...من بينهم وشوشة الودع...و النظر الي البلوره...و المنديل و خلافه...

عموما المسلمون منهون عن زيارة العرافين او المنجمين... و يجب الا ننسي ان معظم المنجمين و قاريء الطالع نصابين
او مشعوذين....

و في رأيي ان أجمل ما في الحياه..أن نحياها يوما بيوم....و ان نتعايش مع ما نلاقيه من مسرات فنشكر...او من أحزان فنصبر....و في كلا الحالتين نؤجر خيرا ان شاء الله.


تحياتي و تقديري

Nani said...

السلام عليكم
انا عمري ما شفت الودع ولا الفنجان او حاجة من التخاريف دية ده حتى قبل ما اتحجب فزاي دلوقت؟
معلش الناس الي زي كدة بقطع علاقتي بيها خالص ممكن حد يقولي اني معقدة لكن جوابي ليه
الي معندوش ثقة في ربنا اثق انا ازاي بيه؟
وكل على دين خليله
ربنا يحرسك : )

اسكندراني اوي said...

mimi
اهلا وسهلا
لا شكر على واجب المفروض نسال على بعض ونود بعض وفي انتظار الجديد يا سيدتي

بصي كون كلام المنجمون بيحصل دا مش معناه انهم صح
كذب المنجمون ولو صدقو
زي ما انتي قلتي تماام مصداقا لحديث رسول الله

اتمنى ان انتي ما تعمليش كده تاني

ماشي
تحياتي ليكي وفي انتظار البوست الجديد بتاعك

اسكندراني اوي said...

بنت القمر
يا مرحب يا مرحب
حتلاقيهم في كل حته من اسوان الى العريش
بيحاولو يلعبو بعقول الناس
يبدو اننا كلنا وقعنا ضحاياهم واحنا صغيرين
هههههههههههههههههههههه
تصدقي فعلا فعلا اه من الاسكندرانيه
متعبييييين
ههههههههههههه

تحياتي

اسكندراني اوي said...

همس الليل

لا داعي للاسف المدونه تحت امرك في اي وقت تزوريها
عفوا يا اختي انتي كلك ادب
نورتيني بالزياره
على فكره واضح ان والده خطيبك بتعتقد في مثل هذه الاشياء اوي دي جايبه اتنين وجايه
ههههههههههههههههههه


فنجان ايه اللي بتقريه
ولا تقري لا لغيرك ولا لنفسك دا انتي بتقولي اهه انه حرام
لا لا لا لا

ارغي براحتك
والله انا بكون سعيد لما ضيوفي بيتفاعلو مع البوست ويتكلمو

بجد سعدت لزيارتك جدا
وما تشربيش قهوه كتييير
اشربي اسبرسو زيي
ههههههه

اسكندراني اوي said...

مروه جمعه

فعلا ما كانش حد غلب
كنا كلنا وشوشناه وقلنا ايه اللي جاي
وشوشه ايه بس بلا وجع قلب
ههههههههههههههه


تحياتي ونورتي البلوج

اسكندراني اوي said...

نانو
يل لاهوييييييييييي

من وشوشه الودع لقرايه الكف لا تحزن يا قلبي
ههههههههههههههههههههههههههههههههه
والله يا ستي الاشياء المخفيه علمها عند الله

تحياتي ليكي
وشاكر للزياره

اسكندراني اوي said...

الربان
اهلا وسهلا بيك نورت البلوج

صدقت فايا ما كانت الاساليب والمسميات
فهم من وجه نظري ممثلين ونصابين

ان شاء الله ماجور في السراء وفي الضراء
وربنا يجعل ايامك كلها مسرات يارب

تحياتي

اسكندراني اوي said...

nani

المرئ على دين خليله
فلينظر احدكم من يخالل

احييك على شجاعتك وصراحتك
وربنا يجعلنا ممن يستمعون القول فيتبعون احسنه

تحياتي

كلاكيت تانى وتانى said...

بص يا سيدى عندما لا يرقى الأمر أى أمر الى مستوى الأعتقاد ويظل فى طور المتع الحسية التى يألفها الأنسان دون أن تؤثر فى أعتقادة ولا مبادئة الدينية والأخلاقية يظل مسموحا وفى أطار الشرع كأعياد الميلاد والمناسبات الأسرية المختلفة ولقد أختلف الكثيرون من الفقهاء ع ذلك ولكننى بعقلى وتفكيرى أعلم ما بداخلى والدين هو أعمال للعقل ولذا يمكننى القول ببساطة للمرة الثانية كتعق ع تعليقك نعم أوشوش الودع ولا لا أؤمن بة ولا أصدقة حتى ولو تحقق تظل تكهنات وكلام ستات

كلاكيت تانى وتانى said...

بص يا سيدى عندما لا يرقى الأمر أى أمر الى مستوى الأعتقاد ويظل فى طور المتع الحسية التى يألفها الأنسان دون أن تؤثر فى أعتقادة ولا مبادئة الدينية والأخلاقية يظل مسموحا وفى أطار الشرع كأعياد الميلاد والمناسبات الأسرية المختلفة ولقد أختلف الكثيرون من الفقهاء ع ذلك ولكننى بعقلى وتفكيرى أعلم ما بداخلى والدين هو أعمال للعقل ولذا يمكننى القول ببساطة للمرة الثانية كتعق ع تعليقك نعم أوشوش الودع ولا لا أؤمن بة ولا أصدقة حتى ولو تحقق تظل تكهنات وكلام ستات

اسكندراني اوي said...

كلاكيت تاني وتاني

سيدتي اختلاف الرأي لا يفسد للود قضيه
ابدا
انا معرفش الفتوى الدينيه ايه في الموضوع
لكن القناعات الشخصيه احيانا قد تتضارب مع الشرع
لذلك برضه
مهما اختلفنا فسنظل على منهج السنه والجماعه

تحياتي وشاكر جدا ليكي المتابعه

على فكره التعليق نزل مرتين ومن سوء الادب ان امسح احدهما بنفسي فلتتفضلي بمسح احدهما

Anonymous said...

باشا الزمن الجميل...شو اخبارك انشاء الله تكون منيح...وتكون ايامك كلها مباركة ويارب بلغنا رمضان وشعبان ورجب وكل يوم نفرح فيه بحاجة تملا علينا حياتنا خير وسلام..انا معاك فى موضوع وشوشة الودع بس انا زى ما قلت لك الموضوع وانا صغير ومن زمان اوى..بس ربنا سبحانه وتعالى يحفظنا من اللهو ...بس فعلا انا من حبى للبحر دايما لما اروح مكان ادور على مكان على البحر وبفضل الله بيكون مكان مميز وهادئ حيث صفاء النفس والقلب..بجد والله مش حاتصدق لما اقولك لما كنت فى قطر كان فى مكان حلو على الكورنيش وكان قليل اوى لما حد يروحه وكنت باستمتع فيه بالهدؤء..وكمان سبحان الله لما جيت الامارات ..مش حاقولك بقى على البحر لان البلد كلها جزر وعيش حياتك يا معلم مع البحر وحواديته..بس ارجع واقولك لو الواحد راح فين ولا فين برضو مفيش زى بحرنا ولا حلاوة شمسنا ...وهوا بحرنا الله عليه...نسيم ...وربنا يكرمنا ونرجعله عن قريب ...انا ناوى اخدها مشى من المنتزة لحد بحرى على البحر ومرة واحدة..اية رايك لو اتقابلنا هناك تيجى معايا..وعارف بقى الشتا وجو البحر بالليل بيكون اية ..ما انت عارف ..سلاماتى وتحياتى وانشاء الله يعود علينا جميعا ايام الخير والبركة ويجمعنا تحت محبته وطاعته انشاء الله.....

تحياتى
اخوك هيداكا وهيرو

اسكندراني اوي said...

هيداكا وهيرو

مشي من المنتزه لبحري
لا معاك ربنا بقى انا مقدرش على المشوار ده
العضمه كبرت يا عمنا

اهلا بيك دائما وابدا


بتورني بزيارتك والله

البنت الشلبية said...

سلام عليكم
انا كده رقهم 88 تقريبا فى التعليق ياترى فى مكان تاخدونى معاكم
هههههههه

انا عمرى ما وشوشته وده لانى عارفة انى جتى لو وشوشت ودع العالم كله الى مكتوبلى هيكون بأذن الله
ممكن فى ناس بتعملها بهدف الضحك واللعب الله اعلم
المهم انت عامل واخبارك ايه معلش انا مختفية شوية لكن بتابع البلوج بتاعتك دايما
سلام

اسكندراني اوي said...

البنت الشلبيه
اهلا بيكي
تنوري وتانسي
المطرح وطرحك ويشيل من الحبايب الف
نعم كلامك صح
والقران بيقول
قل لن يصيبنا الا ما كتبه الله لنا
انا زي منتي شيفه لسه بدون
ومش عارف انتو بتختفو تروحو فين يا خوفي اختفي انا كمان
حعمل ايه من غيركم

نورتيني

حسن ارابيسك said...

واحشني واللهي
ودايما موضوعاتك بيعجبني فيها انها كلها مرتبطه بالبحر وده راجع لتكوينك وارتباطك بالبحر والبلد الجميل اللي اتربيت فيه وطلعت منه ولسه جواك وانت ماتغيرتش ولسه على الحب والعهد باقي
بخصوص وشوشه الودع انا عمري ما وشوشت الودع لكن دايما كنت بحب اسمع منه وشوشه البحر اللي جواه كنت بحس ان فيها سحر عجيب
ورغم اني ما بحبش مبدأ الوشوشه من أصله
حبيت طرحك للموضوع بزوايتك الفلسفيه التي اعتقد انها وصلتلي

حسن ارابيسك said...

اسكندراني
على فكره بمناسبه الكلمتين اللي قبل البوست بخصوص كلام غير مهذب من إنسان غير مهذب لا تشغل بالك
بنفوس مريضة
فكل إناء ينضح بما فيه
والكلاب تنبح والقافلة تسير

Unknown said...

أديتله مضاد حيوى .. طلعت ظلمت الراجل ده النت هو السبب ربنا يسامحه

اسكندراني اوي said...

ارابيسك العظيم
فينك يا جميل وانت كمان واحشني والله

انا اشكرك جدا على الكلمتين اللي انت قلتهم في حقي
من بعض ما عندكم انتم الاحسن
باقي والله يا ارابيسك
على عهد الحب ووعد البحر
باقي

اه كلنا بنحب نسمع صوت البحر في الودع

لكن نوشوشه عشان يقلنا اللي مستخبي لا لا لا

ما ينفعش

اشكر ليك دعمك ليا في موضوع التعليقات السخيفه
تصدق من الواضح جدا ان في ناس فعلا مريضه بجد
ومحتاجه مساعده المشكله انهم ما بعترفوش انهم مرضي بل على العكس
بيعتبرونا احنا اللي مرضى شفت

عجبت لك يا زمن


تحياتي ليك واتمنى اشوفك هنا دايما

اسكندراني اوي said...

شفتي الظلومه وحشه ازاي
طب الحمد لله ان العيب ما طلعش منه
ههههههههههههه
النت دا مجنن الناس حتى هنا في قطر بقالنا كام يوم كده مش مظبوط معرفش ليه

اشكرك على الاخبار الحلوه
معنى كده اننا حنشوف بوست جديد قريب

وش بيضحك

Noony said...

أنا بكره بتوع الودع دول
في عباس العقاد في كم ست محترفين انهم يقفوا في الشارع ويصطادوا البنات ويقولولهم اقرالك مستقبلك ووشوشي الودع هو يسمع أنا مش هعرف اسمه والكلام الأهبل دة
كذة مرة أبقى مستعجلة وعايزة أمشي وألاقيهم يلاحقوني ودايماص ردي بيبقى واحد
ابصلهم بقرف شديد وأزعق في وشهم
حراااااام

وكأن عقربة لدعتهم...وببقى فرحانة أوي بنفسي لما بلعب دور العقربة معاهم
:)

موضوع جميل
احييك عليه

:)
نوني

شمعة أمـــــل said...

فعلا فى ناس بتستغل جهل البعض فى انها بتوهمهم انهم يقدروا يعرفولهم مستقبلهم فيه ايه لكن ده حرام
لان الغيب لايعلمه الا الله
ومش شويه بشر زينا ربنا يديلهم علمه لان ده كلام فارغ
المهم بقى ان بشكرك جداااااااااااااااا
وعلى لسان اضاء مدونة المنبر بنشكرك كلنا على اعلانك عنها فى مدونتك الرائعه دى
جزاك الله خيرا وبارك فيك

اسكندراني اوي said...

noony

اهلا وسهلا بيكي

صح هو طبعا حرام وهما عارفين كده بس الشيطان بقى تقولي ايه

لا لا لا مش عقربه ولا حاجه
ملاك بينصح والي يسمع يسمع واللي ما يسمعش
حنقوله ايه ربنا يهديه



شرفتيني بالزياره

اسكندراني اوي said...

شمعه امل
اهلا بيكي
نعم ربنا سبحانه وتعالى هو الوحيد اللي يعلم الغيب

سبحانه وتعالى


انا اللي بشكوركو انكم اهديتموني الفرصه اني اضع الرابط الخاص بالمنبر عندي
وان شاء الله ربنا يجعله في ميزان حسناتنا جميعا

Anonymous said...

صباح الخير يا عمنا ..عضمة اية بس اللى كبرت يا باشا ..ربنا يديك الصحة والسلام..خلاص يا سيدى امشى من المنتزة لبحرى وانت تاخد تاكسى وتحصلنى...اية رايك..فينك يا عم مش على المسنجر...لسة السخونية برضو وبيرجع ولا اية..على العموم واحشنى والله ..وكل سنة وانت طيب ..
هيداكا وهيرو

Anonymous said...

اية دا انا مش واخد بالى بجد ..انا اول حد يسجل اليوم...احمدك يارب..

هيداكاوهيرو

Islamist Bloke said...

الموضوع ده ولا ينفع لا على سبيل الدعابة ولا الايمان به

لقول الرسول صلى الله عليه وسلم

من أتى كاهناً أو منجماً فصدقه بما يقول فقد كفر بما انزل على محمد ومن أتاه ولم يصدقه لم تقبل له صلاة أربعين ليلة

ده حكمها الديني يا عم اسكندراني

و بوست عشرة على عشرة

والسلام